Top
Begin typing your search above and press return to search.
exit_to_app
exit_to_app
ആപ്പിലെ വലിയ സുരക്ഷാപിഴവ്​ കണ്ടെത്തി; 21 കാരന്​ ഇൻസ്റ്റാഗ്രാം നൽകിയത്​ ഭീമൻ തുക
cancel
Homechevron_rightTECHchevron_rightTech Newschevron_rightആപ്പിലെ 'വലിയ...

ആപ്പിലെ 'വലിയ സുരക്ഷാപിഴവ്​' കണ്ടെത്തി; 21 കാരന്​ ഇൻസ്റ്റാഗ്രാം നൽകിയത്​ ഭീമൻ തുക

text_fields
bookmark_border

മുംബൈ: സോഷ്യൽ മീഡിയ ഭീമൻ ഫേസ്​ബുക്കി​െൻറ ഉടമസ്ഥതയിലുള്ള ഇമേജ്​ ഷെയറിങ്​ ആപ്പായ ഇൻസ്റ്റാഗ്രാമിലെ ഒരു പ്രധാന സുരക്ഷാപിഴവ്​ ചൂണ്ടിക്കാട്ടിയ ഇന്ത്യക്കാരനായ യുവ ഡെവലപ്പർക്ക്​ സമ്മാനമായി ലഭിച്ചത്​ 30,000 അമേരിക്കൻ ഡോളർ (₹22 ലക്ഷം). ഇൻസ്റ്റാഗ്രാമിൽ അക്കൗണ്ട്​ പ്രൈവറ്റാക്കി ഉപയോഗിക്കുന്നവരെ ബാധിക്കുന്ന പ്രധാനപ്പെട്ട ബഗ്ഗാണ്​ മയൂർ ഫർത്താദെ എന്ന 21 കാരൻ​ കണ്ടെത്തി റിപ്പോർട്ട്​ ചെയ്​തത്​.

ഇൻസ്റ്റയിലെ ഒരു അക്കൗണ്ടിനെ ഫോളോ ​ചെയ്യാതെ തന്നെ അതിലുള്ള പ്രൈവറ്റ്​/ആർക്കൈവ്​ഡ്​ പോസ്റ്റുകളും സ്​റ്റോറികളും റീലുകളും ​െഎ.ജി.ടി.വി വിഡിയോകളും മീഡിയ ​െഎഡി ഉപയോഗിച്ച്​ കാണാൻ അനുവദിക്കുന്ന പ്രധാനപ്പെട്ട ഒരു പിഴവാണ്​​ കഴിഞ്ഞ ഏപ്രിൽ 16ന്​ മയൂർ അധികൃതരെ അറിയിച്ചത്​​. എന്നാൽ, ബഗ്ഗിനെ കുറിച്ചുള്ള വിവരം ലഭിച്ചതോടെ ജൂൺ 15ന്​ ഫേസ്​ബുക്ക്​ അത്​ പരിഹരിക്കുകയും ചെയ്​തു​.

ഏതൊരു യൂസറും ​പോസ്റ്റ്​​ ചെയ്യുന്ന ഫോ​േട്ടാകളും വിഡിയോകളും സ്​റ്റോറികളും അപരിചിതർ കാണാതിരിക്കാനായി ഇൻസ്റ്റയിൽ അക്കൗണ്ട്​ പ്രൈവറ്റാക്കാനുള്ള ഒരു സംവിധാനമുണ്ട്​​. പലരും അത്​ സ്വകാര്യതയുടെ ഭാഗമായി ഉപയോഗിക്കുന്നുമുണ്ട്​. ഇൗ ഫീച്ചർ എനബ്​ൾ ചെയ്​താൽ യൂസറെ ഫോളോ ചെയ്യാതെ അയാളുടെ പോസ്റ്റുകൾ മറ്റൊരാൾക്ക്​ കാണാൻ സാധിക്കില്ല. ഫോളോ റിക്വസ്റ്റ്​ സ്വീകരിക്കാനും നിരസിക്കാനും വേണ്ടിയുള്ള ഒരു ​മെസ്സേജ്​ യൂസർമാർക്ക്​​ ലഭിക്കുകയും ചെയ്യും.

Show Full Article
TAGS:Insta bug Instagram Indian developer Facebook 
News Summary - Indian developer awarded 22 lakh for finding Insta bug
Next Story