Begin typing your search above and press return to search.
exit_to_app
exit_to_app
Homechevron_rightTECHchevron_rightTech Newschevron_rightസൈബർ കുറ്റവാളികൾ...

സൈബർ കുറ്റവാളികൾ ഏറ്റവും കൂടുതൽ ലക്ഷ്യമിട്ട രണ്ടാമത്തെ ഏഷ്യൻ രാജ്യമായി ഇന്ത്യ

text_fields
bookmark_border
സൈബർ കുറ്റവാളികൾ ഏറ്റവും കൂടുതൽ ലക്ഷ്യമിട്ട രണ്ടാമത്തെ ഏഷ്യൻ രാജ്യമായി ഇന്ത്യ
cancel

കഴിഞ്ഞ വർഷം ഏഷ്യ-പസഫിക്കിൽ സൈബർ ക്രിമിനലുകൾ ഏറ്റവും കൂടുതൽ ലക്ഷ്യമിട്ട രാജ്യങ്ങളിൽ രണ്ടാമത്​ ഇന്ത്യയാണെന്ന്​ ​െഎ.ബി.എം ബുധനാഴ്​ച്ച പുറത്തുവിട്ട റിപ്പോർട്ടിൽ പറയുന്നു​. ജപ്പാനാണ്​ ഒന്നാം സ്ഥാനത്തുള്ളത്​. ധനകാര്യം, ഇൻഷുറൻസ്​ മേഖലകളാണ്​ ഏറ്റവുമധികം ആക്രമിക്കപ്പെട്ടത്​ (60 ശതമാനം). ഉൽപ്പാദന, പ്രൊഫഷണൽ സേവനങ്ങളാണ്​ തൊട്ടുപിറകിലുള്ളത്​. 2020 ൽ ഏഷ്യയിൽ നടന്ന സൈബർആക്രമണങ്ങളിൽ ഏഴ്​ ശതമാനവും ഇന്ത്യയ്ക്കെതിരായ ആക്രമണങ്ങളാണെന്നാണ്​ ​െഎ.ബി.എം വ്യക്​തമാക്കുന്നത്​.

മൊത്തം സൈബർ ആക്രമണങ്ങളിൽ 40 ശതമാനവും റാൻസംവെയർ ആണെന്നാണ്​ റിപ്പോർട്ട്​. കൂടാതെ, ഡിജിറ്റൽ കറൻസി മൈനിങ്ങും സെർവർ ആക്സസ് ആക്രമണവും കഴിഞ്ഞ വർഷം ഇന്ത്യൻ കമ്പനികളെ ബാധിച്ചതായി എക്സ്-ഫോഴ്സ് നിരീക്ഷിച്ചു.

''വാക്സിൻ വിതരണ ശൃംഖലയിലെ നിർണായക ഘടകങ്ങൾക്ക് നേരെയുള്ള ആക്രമണങ്ങളടക്കം, ദുരിതാശ്വാസ പ്രവർത്തനങ്ങളും പൊതുജനാരോഗ്യ വിവരങ്ങളും സ്പാമിങ്ങിനായി സൈബർ കുറ്റവാളികൾ ഉപയോഗിക്കുന്നതായി ഞങ്ങൾ കണ്ടെത്തി. ഇവയെല്ലാം 2021ലും വലിയ പ്രതിസന്ധിയായി തുടരുന്നുണ്ട്​. '' -ഐബി‌എം ഉദ്യോഗസ്ഥനായ സന്ദീപ്​ ദാസ്​ പറഞ്ഞു.

ഇന്ത്യയിൽ സൈബർ കുറ്റകൃത്യങ്ങൾ 2019ൽ 1.25 ലക്ഷം കോടി രൂപയുടെ നഷ്ടമുണ്ടാക്കിയിട്ടുണ്ടെന്നും രാജ്യം സ്മാർട്ട് സിറ്റികൾ വികസിപ്പിക്കാനും 5ജി ശൃംഖല വികസിപ്പിക്കാനും തുടങ്ങുമ്പോൾ സൈബർ ഭീഷണി തുടരുമെന്നും ദേശീയ സൈബർ സുരക്ഷാ കോർഡിനേറ്റർ ലഫ്റ്റനൻറ്​ ജനറൽ (ഡോ) രാജേഷ് പന്ത് കഴിഞ്ഞ വർഷം മുന്നറിയിപ്പ്​ നൽകിയിരുന്നു. കൂടാതെ, സൈബർ ആക്രമണങ്ങൾ പരിശോധിക്കുന്നതിനും വിശ്വസനീയമായ തദ്ദേശീയ പരിഹാരങ്ങൾ വികസിപ്പിക്കുന്നതിനും സൈബർ സുരക്ഷയ്ക്കായി ഒരു പ്രത്യേക ഇൻഡസ്​ട്രി ഫോറം രൂപീകരിക്കണമെന്നും പന്ത് ആവശ്യപ്പെട്ടിരുന്നു.

Show Full Article
TAGS:cyber attack cyber criminals 
News Summary - India is the second-biggest target of cyber criminals in Asia-Pacific in 2020
Next Story