പാട്ട്​ മനസിലുണ്ട്​, ഏതാണെന്ന്​ അറിയണം; മൂളിയാൽ മതി, കണ്ടെത്തിത്തരാമെന്ന്​​ ഗൂഗ്​ൾ

സംഗീത പ്രേമികൾക്ക്​ വല്ലാത്തൊരു അങ്കലാപ്പ്​ സമ്മാനിക്കുന്ന ചില സാഹചര്യങ്ങളുണ്ട്​. ഒരു പാട്ടി​െൻറ വരിയോ, പാട്ട്​ പാടിയ ആളെയോ സംഗീത സംവിധായകനെയോ അറിയില്ല, എന്നാൽ, ആ പാട്ട്​ ഏതാണെന്ന് ചെറുതായി​ മൂളാൻ മാത്രം അറിയാം. എന്ത്​ വില കൊടുത്തും ആ പാട്ട്​ കണ്ടെത്തേണ്ടതുണ്ട്​. ആർക്കെങ്കിലും മൂളിക്കൊടുത്താലോ അവർ തലചൊറിയും. ഇതുപോലുള്ള അവസ്ഥയിലൂടെ കടന്നുപോകുന്നവർക്ക്​ സന്തോഷ വാർത്തയുമായി എത്തിയിരിക്കുകയാണ്​ ഗൂഗ്​ൾ.

നമ്മുടെ മനസിലുള്ള പാട്ട്​ മൂളിയോ, അതി​െൻറ ഇൗണം വിസിലടിച്ചോ അത്​ ഏത്​ പാട്ടാണെന്ന്​ കണ്ടെത്താനായുള്ള സംവിധാനമാണ്​ ഗൂഗ്​ൾ അവതരിപ്പിച്ചിരിക്കുന്നത്​. ഗൂഗ്​ൾ ആപ്പി​െൻറ ഏറ്റവും പുതിയ അപ്​ഡേറ്റിലൂടെയാകും ഫീച്ചർ എത്തുക. ആപ്പ്​ തുറന്നതിന്​ ശേഷം സേർച്ച്​ ബാറിലെ മൈക്ക്​ ​െഎകണിൽ ക്ലിക്ക്​ ചെയ്​ത്​ "what's this song' എന്ന്​ പറയുക. അല്ലെങ്കിൽ "Search a song" എന്ന ബട്ടണിൽ ക്ലിക്ക്​ ചെയ്യുക. ശേഷം 15 സെക്കൻഡുകളോളം നിങ്ങളുടെ മനസിലുള്ള പാട്ട്​ മൂളുക. പാട്ട് ഞങ്ങൾ​ കണ്ടെത്തിത്തരുമെന്ന്​ ഗൂഗ്​ൾ അവകാശപ്പെടുന്നു.

ഗൂഗ്​ൾ ആപ്പ്​ വഴി പരീക്ഷിച്ച്​ പരാജയപ്പെട്ടവർക്ക്​ ഗൂഗ്ൾ​ അസിസ്റ്റൻറ്​ വഴിയും പാട്ടുകൾ കണ്ടെത്താൻ ശ്രമിക്കാം. 'ഹേയ്​ ഗൂഗ്​ൾ എന്ന്​ പറഞ്ഞ്​ അസിസ്റ്റൻറിനെ വരുത്തുക. ശേഷം "what's this song'എന്ന്​ പറഞ്ഞാൽ നമ്മൾ മൂളുന്നതിനായി അസിസ്റ്റൻറ്​ കാതോർക്കും. മനസിലുള്ള പാട്ട്​ മൂളിയാൽ അസിസ്റ്റൻറ്​ അത്​ ഏതാണെന്ന്​ സ്​ക്രീനിൽ കാണിച്ചുതരികയും ചെയ്യും. പരീക്ഷിച്ച്​ നോക്കിയ പാട്ടുകളിൽ 90 ശതമാനവും ഗൂഗ്​ൾ ശരിയായി കണ്ടെത്തിത്തരുന്നുമുണ്ട്​.

''നിങ്ങൾ ചെറുതായി പാട്ട്​ മൂളിയതിന്​ ശേഷം മെഷീൻ ലേണിങ്​ അൽഗോരിതത്തി​െൻറ സഹയത്തോടെ അത്​​ ഏത്​ പാട്ടാണെന്ന്​​ ഞങ്ങൾ കണ്ടെത്തും. പാട്ടി​െൻറ ഇൗണം വളരെ കൃത്യമായി മൂളേണ്ട ആവശ്യം പോലുമില്ല. ട്യൂണിന്​ അനുസരിച്ച്​ ഏറ്റവും അനുയോജ്യമായത്​ തന്നെ ഞങ്ങൾ പറഞ്ഞുതരും''. ഗൂഗ്​ൾ സേർച്ചി​െൻറ സീനിയർ പ്രൊഡക്​ട്​ മാനേജറായ കൃഷ്​ണ കുമാർ പറഞ്ഞു.