Begin typing your search above and press return to search.
exit_to_app
exit_to_app
ദേ ഇങ്ങനെയാണ്​ ഗൂഗ്​ൾ പിക്​സൽ 6 പ്രോ..; ഹാൻഡ്​സ്​-ഓൺ വിഡിയോ ലീക്കായി
cancel
Homechevron_rightTECHchevron_rightTech Newschevron_right'ദേ ഇങ്ങനെയാണ്​ ഗൂഗ്​ൾ ...

'ദേ ഇങ്ങനെയാണ്​ ഗൂഗ്​ൾ പിക്​സൽ 6 പ്രോ'..; ഹാൻഡ്​സ്​-ഓൺ വിഡിയോ ലീക്കായി

text_fields
bookmark_border

ഗൂഗ്​ൾ പിക്​സൽ 6 സീരീസ്​ പ്രഖ്യാപിച്ചതോടെ ആൻഡ്രോയ്​ഡ്​ ക്യാമ്പ്​ ആവേശത്തിലാണ്​. ഐഫോൺ 13 സീരീസ്​ ലോഞ്ചിന്​ ശേഷം ടെക്​ ലോകം ഏറ്റവും ആകാംക്ഷയോടെ കാത്തിരിക്കുന്നതും പുതിയ​ ഗൂഗ്​ൾ ഫ്ലാഗ്​ഷിപ്പിന്​ വേണ്ടിയാണ്​. ഡിസൈനിൽ കൊണ്ടുവരുന്ന വലിയ മാറ്റവും ഫോണിന്​​ കരുത്തേകാനായി ഗൂഗ്​ൾ സ്വന്തമായി നിർമിച്ച ടെൻസെൻറ്​ ചിപ്​സെറ്റുമൊക്കെയാണ്​ പിക്​സൽ 6ന്​ വേണ്ടിയുള്ള ആളുകളുടെ കാത്തിരിപ്പിന്​ കാരണം. പിക്​സൽ 6 ഉം 6 പ്രോയും ഒക്​ടോബറിൽ വിപണിയിലെത്തിക്കാനാണ്​ ഗൂഗ്​ൾ പദ്ധതിയിട്ടിരിക്കുന്നത്​.


അതിനിടെ പിക്​സൽ 6 പ്രോയുടെ ഹാൻഡ്​സ്​ ഒാൺ വിഡിയോ ട്വിറ്ററിൽ ലീക്കായിരിക്കുകയാണ്​. എട്ട്​ സെക്കൻറുകൾ മാത്രമുള്ള വിഡിയോ ഫോണി​െൻറ 360 ഡിഗ്രി കാഴ്​ച്ച സമ്മാനിക്കും​. എം. ബ്രാൻഡൺ ലീ എന്നയാളാണ്​ വിഡിയോ പങ്കുവെച്ചത്​. കറുത്ത നിറത്തിലുള്ള ഫോൺ പൂർണ്ണമായും പിക്​സൽ 6 സീരീസ്​ ഡിസൈനിലാണുള്ളതെങ്കിലും ഗൂഗ്​ൾ ലോഗോയിൽ ചില മാറ്റങ്ങൾ ദൃശ്യമാകും. അത്​ പ്രൊഡക്ഷൻ ടെസ്റ്റ്​ യൂണിറ്റ്​ ആയതിനാലായിരിക്കുമെന്ന്​ ലീ സൂചന നൽകുന്നുണ്ട്​. അതുകൊണ്ട്​ തന്നെ പിക്​സൽ 6 പ്രോ ഒൗദ്യോഗികമായി പുറത്തുവരു​േമ്പാൾ ചെറിയ തോതിൽ ഡിസൈൻ മാറ്റങ്ങൾ പ്രതീക്ഷിക്കാമെന്നും ലീ മുന്നറിയിപ്പ്​ നൽകി.

പിക്​സൽ 6 പ്രോയുടെ ഡിസ്​പ്ലേ എഡ്​ജുകൾ വളഞ്ഞിരിക്കുന്നുതായും വിഡിയോയിൽ കാണാം.​ ഫ്ലാഗ്​ഷിപ്പുകളിൽ ഫ്ലാറ്റ്​ ഡിസ്​പ്ലേ​ ആഗ്രഹിക്കുന്നവരാണ്​ ഭൂരിപക്ഷം എന്നിരിക്കെ, ഗൂഗ്​ളി​െൻറ നീക്കം അത്തരക്കാർ എങ്ങനെ സ്വീകരിക്കുമെന്ന്​ കണ്ടറിയണം. അതേസമയം, വിഡിയോയിൽ കാണുന്നത്​ പ്രോ​േട്ടാടൈപ്പ്​ മാത്രമാണെന്നും പിക്​സൽ 6 ​പ്രോയിൽ ഫ്ലാറ്റ്​ ഡിസ്​പ്ലേ തന്നെ ആയിരിക്കുമെന്നും അഭിപ്രായമുയർന്നിട്ടുണ്ട്​.

പിക്​സൽ 6 പ്രോയുടെ ലീക്കായ സവിശേഷതകൾ....


120Hz റിഫ്രഷ്​ റേറ്റ്​ പിന്തുണയുള്ള 3120 x 1440 പിക്​സൽ റെസൊല്യൂഷൻ ഡിസ്​പ്ലേ ആയിരിക്കും പിക്​സൽ 6 പ്രോയ്​ക്ക്​. 1440p റെസൊല്യൂഷനുള്ള ഡിസ്​പ്ലേ 120Hz റിഫ്രഷ്​ റേറ്റിൽ ഉപയോഗിക്കാൻ കഴിയുമെന്നത്​ മികച്ച അനുഭവമായിരിക്കും തീർച്ച. എന്നാൽ, ഫോണിൽ അഡാപ്​ടീവ്​ റിഫ്രഷ്​ റേറ്റുണ്ടാവുമോ എന്ന കാര്യത്തിൽ സ്ഥിരീകരണമില്ല.

അതേസമയം, ഫിസിക്കൽ ഫിംഗർ പ്രിൻറ്​ സെൻസറിന്​ പകരമായി ഇൻ-ഡിസ്​പ്ലേ സെൻസർ നൽകിയേക്കും​. റിപ്പോർട്ട് പ്രകാരം 12GB വരെയുള്ള LPDDR5 റാമായിരിക്കും പിക്​സൽ സീരീസിലുണ്ടാവുക. കൂടാതെ, പിക്സൽ 6, 6 പ്രോ എന്നിവയിൽ 5ജി കണക്റ്റിവിറ്റി പിന്തുണയുമുണ്ടാകും. വലിയ ബാറ്ററിയും അതിവേഗ ചാർജിങ്ങും തങ്ങളുടെ പുതിയ ഫ്ലാഗ്​ഷിപ്പിൽ ഗൂഗ്​ൾ ഉൾപ്പെടുത്തിയേക്കും.

പിക്സൽ 6 പ്രോയിൽ 50 എംപി സാംസങ് ജിഎൻ 1 സെൻസറും 12 എംപി ഐഎംഎക്സ് 386 അൾട്രാ വൈഡ് ക്യാമറയും സോണി ഐഎംഎക്സ് 586 സെൻസറും 4x ഒപ്റ്റിക്കൽ സൂമും ഉള്ള 48 എംപി ടെലിഫോട്ടോ ക്യാമറയും ഉൾപ്പെടും. മുൻവശത്ത്, സെൽഫികൾക്കായി 12എംപിയുള്ള IMX663 സെൻസറായിരിക്കും ഉണ്ടാവുക.

Show Full Article
TAGS:Google Pixel 6 Pro Google Google Pixel Pixel 6 Pro Video 
News Summary - Google Pixel 6 Pro Hands-on Video leaked
Next Story