Begin typing your search above and press return to search.
exit_to_app
exit_to_app
Facebook, Mark Zuckerberg
cancel
Homechevron_rightTECHchevron_rightTech Newschevron_rightഫലസ്തീൻ അനുകൂല...

ഫലസ്തീൻ അനുകൂല ഉള്ളടക്കങ്ങൾക്ക്​ സെൻസർഷിപ്പ്​; ഒടുവിൽ അന്വേഷണത്തിന്​ തയ്യാറായി ഫേസ്​ബുക്ക്​

text_fields
bookmark_border

ഫലസ്​തീൻ പൗരൻമാർ പോസ്​റ്റ്​ ചെയ്യുന്ന ഉള്ളടക്കം ഫേസ്​ബുക്​, ഇൻസ്​റ്റഗ്രാം തുടങ്ങിയ സാമൂഹിക മാധ്യമങ്ങളിൽ നിന്ന്​ വ്യാപകമായി നീക്കം​ ചെയ്യുന്നതായുള്ള പരാതികളുയർന്നതിന്​ പിന്നാലെ നടപടിയുമായി ടെക്​ ഭീമൻ ഫേസ്​ബുക്ക്​. പ്ലാറ്റ്​ഫോമിലെ അറബിക്, ഹീബ്രു പോസ്റ്റുകളുടെ ഉള്ളടക്ക മോഡറേഷനെക്കുറിച്ചുള്ള അന്വേഷണം തങ്ങൾ ഒരു സ്വതന്ത്ര ഏജൻസിയെ ഏർപ്പെടുത്തിയിരിക്കുകയാണെന്ന്​ ഫേസ്ബുക്ക് അറിയിച്ചു​.

ഇസ്രയേൽ - ഫലസ്തീൻ വിഷയത്തിലുള്ള ഉള്ളടക്കങ്ങൾ അടിച്ചമർത്തുന്നുവെന്ന ആരോപണത്തിൽ പുറത്തുള്ള ഏജൻസിയെക്കൊണ്ട് സ്വതന്ത്ര അന്വേഷണം നടത്തണമെന്ന് ഫേസ്ബുക്കിന്റെ ഓവർസൈറ്റ് ബോർഡ് ഈ വർഷം ആദ്യം ആവശ്യപ്പെട്ടിരുന്നു. അതിലാണ്​ അമേരിക്കൻ സോഷ്യൽ മീഡിയ ഭീമൻ നടപടി സ്വീകരിച്ചിരിക്കുന്നത്​. അതേസമയം, അന്വേഷണം നടത്തുന്ന ഏജൻസി ഇസ്രയേലുമായോ ഫലസ്തീനുമായോ ബന്ധമുള്ളതായിരിക്കരുതെന്നും അറബിക്, ഹിബ്രു ഭാഷകളിലുള്ള ഉള്ളടക്കങ്ങളിൽ മാനുഷികവും ഓട്ടോമേറ്റഡും ആയ മോഡറേഷനുകളിൽ പരിശോധിക്കപ്പെടണമെന്നും ബോർഡ് വ്യക്തമാക്കിയിരുന്നു.

കഴിഞ്ഞ മെയ്​-ജൂൺ മാസങ്ങളിലായി ഫലസ്​തീൻ മേഖലകളിൽ ഇസ്രയേൽ നടത്തിയ അതിക്രമങ്ങളിൽ ഫേസ്​ബുക്കി​െൻറ സ്വാധീനം സംബന്ധിച്ചുള്ള അന്വേഷണം നടത്താനായി ബിസിനസ്, മനുഷ്യാവകാശം എന്നീ മേഖലകളിൽ വിദഗ്ധരായ ബി.എസ്.ആറുമായി (ബിസിനസ് ഫോർ സോഷ്യൽ റെസ്‌പോൺസിബിലിറ്റി) തങ്ങൾ സഹകരിക്കുമെന്ന്​ ഫേസ്​ബുക്ക്​ ഒരു പ്രസ്​താവനയിലൂടെ അറിയിച്ചു. അവരുടെ നിർദേശങ്ങൾ മുഖവിലക്കെടുക്കുമെന്നും അന്വേഷണത്തിലെ കണ്ടെത്തലുകൾ പരസ്യമായി അടുത്ത വർഷം പുറത്തുവിടുമെന്നും കമ്പനി വ്യക്തമാക്കി.

ഇസ്രയേൽ-ഫലസ്​തീൻ സംഘർഷത്തെ കുറിച്ചുള്ള ഉള്ളടക്കങ്ങളായിരുന്നു​ നീക്കംചെയ്തവയിൽ കൂടുതലും. ഫേസ്​ബുക്കി​െൻറ നിയമവിരുദ്ധ സെൻസർഷിപ്പിനെ കുറിച്ച്​ ഇക്കഴിഞ്ഞ മേയിലും ഫലസ്​തീൻ പൗരൻമാർ പരാതിയുമായി എത്തിയിരുന്നു. ഇസ്രയേലി​െൻറ മനുഷ്യാവകാശ ലംഘനങ്ങളെ കുറിച്ച്​ പ്രതിപാദിക്കുന്ന ഉള്ളടക്കങ്ങളാണ് പൊതുവെ​ നീക്കംചെയ്യുന്നത്​​. ഇക്കാര്യത്തിൽ നിഷ്​പക്ഷത വേ​ണമെന്ന്​ യു.എസ്​ ആസ്​ഥാനമായുള്ള നിരീക്ഷണസമിതി ഫേസ്​ബുക്കിനോട്​ ആവശ്യപ്പെടുകയും ചെയ്​തിരുന്ന.

Show Full Article
TAGS:Facebook Israel Palestine content suppression 
News Summary - Facebook will investigate Israel-Palestine content suppression
Next Story