Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTECHchevron_rightTech Newschevron_rightഫോൺ കാമറ വഴി...

ഫോൺ കാമറ വഴി ഇൻസ്​റ്റഗ്രാമിൽ ചാരപ്പണി; ഫേസ്ബുക്കിനെതിരെ കേസെടുക്കും

text_fields
bookmark_border
ഫോൺ കാമറ വഴി ഇൻസ്​റ്റഗ്രാമിൽ ചാരപ്പണി; ഫേസ്ബുക്കിനെതിരെ കേസെടുക്കും
cancel

ൻസ്റ്റാഗ്രാം വഴി ചാരപ്പണി നടത്തിയെന്ന്​ ഫേസ്​ബുക്കിനെതിരെ ആരോപണം. ഫേസ്​ബുക്കി​െൻറ ഉമസ്​ഥതയിലുള്ള ഫോ​േട്ടാ ഷെയറിങ്​ ആപ്പാണ്​ ഇൻസ്​റ്റഗ്രാം. ഇതുസംബന്ധിച്ച്​ സോഷ്യൽമീഡിയ ഭീമനെതിരെ കേസെടുക്കാനാണ്​ നീക്കം നടക്കുന്നത്​. മൊബൈൽ ഫോൺ ക്യാമറകളുടെ അനധികൃത ഉപയോഗത്തിലൂടെയാണ്​ ചാരപ്പണിയെന്നാണ്​ ആരോപണം.

ഇൻസ്​റ്റഗ്രാം സജീവമായി ഉപയോഗിക്കാത്തപ്പോഴും ഐഫോണിലെ ക്യാമറകൾ ഫേസ്​ബുക്ക്​ ഉപയോഗിക്കുന്നതായി ജൂലൈയിൽ മാധ്യമ റിപ്പോർട്ടുകൾ ഉണ്ടായിരുന്നു. സാൻഫ്രാൻസിസ്കോയിലെ ഫെഡറൽ കോടതിയിൽ ന്യൂജേഴ്‌സിയിൽ നിന്നുള്ള ഇൻസ്റ്റാഗ്രാം ഉപയോക്താവ് ബ്രിട്​നി കോണ്ടിറ്റി വ്യാഴാഴ്ച ഇതുസംബന്ധിച്ച്​ പരാതി നൽകി. ​ഫേസ്​ബുക്ക്​ ക്യാമറ ആപ്ലിക്കേഷൻ ഉപയോഗിക്കുന്നത് മനപൂർവമാണെന്നും ഇങ്ങിനെ ഉപയോക്താക്കളുടെ ഡാറ്റ ശേഖരിക്കുന്നെന്നും പരാതിക്കാരി പറഞ്ഞു.

സ്വന്തം വീടുകളുടെ സ്വകാര്യത ഉൾപ്പെടെ, ഉപയോക്താക്കളുടെ വ്യക്തിഗത ഡാറ്റ നേടുന്നതിലൂടെ ഇൻസ്റ്റാഗ്രാമിനും ഫേസ്ബുക്കിനും വിലയേറിയ സ്ഥിതിവിവരക്കണക്കുകളും വിപണി ഗവേഷണങ്ങളും ശേഖരിക്കാൻ കഴിയുമെന്നും പരാതിക്കാരി ചൂണ്ടിക്കാട്ടുന്നു. എന്നാൽ ഇൻസ്റ്റാഗ്രാം ഐഫോൺ ക്യാമറകൾ ആക്‌സസ്സുചെയ്യുന്നുവെന്നത്​ തെറ്റായ വിവരമാണെന്ന്​ ഫേസ്ബുക്ക് അധികൃതർ പറയുന്നു. തങ്ങളുടെ സിസ്​റ്റത്തിലുണ്ടായ ഇറർ (ബഗ്) ആണ്​ കാമറ ഉപയോഗത്തിന്​ കാരണമെന്നും അത്​ പരിഹരിക്കുമെന്നുമാണ്​ ഫേസ്​ബുക്കി​െൻറ വാദം.

10 കോടി ഇൻസ്റ്റാഗ്രാം ഉപയോക്താക്കളുടെ ബയോമെട്രിക് ഡാറ്റ ഫെയ്‌സ് റെക്കഗ്നിഷൻ സാങ്കേതികവിദ്യ ഉപയോഗിച്ച്​ നിയമവിരുദ്ധമായി ശേഖരിച്ചതായി ഫേസ്​ബുക്കിനെതിരെ​ കഴിഞ്ഞ മാസം ആരോപണം ഉയർന്നിരുന്നു. ഫെയ്‌സ്ബുക്ക് അവകാശവാദം നിരസിക്കുകയും ഇൻസ്റ്റാഗ്രാം ഫെയ്‌സ് റെക്കഗ്നിഷൻ ഉപയോഗിക്കുന്നില്ലെന്നും പറഞ്ഞിരുന്നു.

Show Full Article
TAGS:Facebook Instagram sued spying smartphone camera 
Next Story