'കർഷകരുടെ പേജ്​ പൂട്ടിയത്​ മനഃപ്പൂർവ്വമല്ല; വിചിത്രമായ വിശദീകരണവുമായി ഫേസ്​ബുക്ക്​

കാർഷിക നിയമങ്ങൾക്കെതിരായ കർഷകരുടെ പ്രതിഷേധത്തെക്കുറിച്ചുള്ള വിവരങ്ങൾ പങ്കുവെക്കുന്ന കിസാൻ ഏക്താ മോർച്ചയുടെ ഒൗദ്യോഗിക പേജ്​ കഴിഞ്ഞദിവസം ഫേസ്ബുക്ക് നീക്കം ചെയ്​തിരുന്നു. ഇതിനെതിരെ സമൂഹ മാധ്യമങ്ങളിൽ ഫേസ്​ബുക്കിനെതിരെ നിരവധിപേർ ശക്​തമായി രംഗത്തെത്തുകയും ചെയ്തു.

'ആളുകൾ ശബ്​ദമുയർത്തുമ്പോൾ ഇതാണ്​ അവർ ചെയ്യുന്നത്​. അവർക്ക് പ്രത്യയശാസ്ത്രപരമായി ഞങ്ങളെ തോൽപ്പിക്കാൻ കഴിയാത്തപ്പോൾ ഇതാണ്​ ഏക മാർഗം', -ഇതിനെതിരെ കിസാൻ ഏക്താ മോർച്ച പ്രതികരിച്ചത്​ ഇങ്ങനെയായിരുന്നു. മോദി സർക്കാറിന്‍റെ പാദസേവകരാണ് ഫേസ്ബുക് എന്നതിന് ഇനിയും തെളിവ് ആവശ്യമുണ്ടോ..? എന്നായിരുന്നു പ്രശാന്ത്​ ഭൂഷൺ ട്വിറ്ററിൽ ചോദിച്ചത്​.

എന്നാൽ, സംഭവത്തിൽ പ്രതികരണവുമായി ഫേസ്​ബുക്ക് തന്നെ​ എത്തിയിരിക്കുകയാണ്​. പേജ്​ താൽക്കാലികമായാണ്​ ബ്ലോക്ക്​ ചെയ്​തതെന്ന്​ അവർ പറഞ്ഞു. മൂന്ന്​ മണിക്കൂർ കൊണ്ട്​ പേജ്​ തിരിച്ചെത്തിയിരുന്നു. തങ്ങളുടെ ഒാ​േട്ടാമേറ്റഡ്​ സിസ്റ്റങ്ങൾ പേജിൽ ചില അസാധാരണമായ പ്രവർത്തനം കണ്ടെത്തിയതിനാലാണ്​ പേജ്​ സ്​പാം എന്ന്​ ഫ്ലാഗ്​ചെയ്​ത്​ മരവിപ്പിച്ചതെന്നും കമ്പനി അറിയിച്ചു. സംഭവത്തിന്​ ശേഷം നടത്തിയ അന്വേഷണത്തിൽ കിസാൻ ഏക്​താ മോർച്ച എന്ന പേജ്​ സ്​പാം എന്ന്​ ഫ്ലാഗ്​ ചെയ്യപ്പെട്ട നിലയിലായിരുന്നു. അതിലൂടെ അർഥമാക്കുന്നത്​ ഞങ്ങളുടെ കമ്യൂണിറ്റി മാനദണ്ഡങ്ങൾ പേജ്​ ലംഘിച്ചു എന്നാണ്​.

ഒരു അക്കൗണ്ടിൽ നിന്ന്​ നിരന്തരം പോസ്റ്റുകൾ വന്നുകൊണ്ടിരുന്നാൽ എന്തെങ്കിലും പ്രശ്​നമുണ്ടെന്നാണ്​​ ഞങ്ങളുടെ ഒാേട്ടാമേറ്റഡ്​ സിസ്റ്റങ്ങൾ കരുതുക. എന്നാൽ, സംഭവത്തി​െൻറ സത്യാവസ്​ത അറിഞ്ഞതോടെ പേജ്​ പെട്ടന്ന്​ തന്നെ പുനഃസ്ഥാപിച്ചിരുന്നു. ഫേസ്​ബുക്കി​െൻറ വക്​താവ്​ വിശദീകരിച്ചു. ഇത്തരത്തിൽ കോടിക്കണക്കിന്​ പോസ്റ്റുകൾ ഫേസ്​ബുക്ക്​ മുമ്പ്​ നീക്കം ചെയ്യുകയും പിന്നീട്​ റീസ്​റ്റോർ ചെയ്യുകയും ചെയ്​തിട്ടുണ്ടെന്നും അവർ കൂട്ടിച്ചേർത്തു.