ഇ​നി സെ​ൽ​ഫി​യി​ലൂ​ടെ ഹെ​ൽ​ത്ത് ചെ​ക് അ​പ് ചെയ്യാം

മു​ഖം വി​ശ​ക​ല​നം​ചെ​യ്ത് രോ​ഗി​യു​ടെ ആ​രോ​ഗ്യം വി​ശ​ക​ല​നം​ചെ​യ്യാ​ൻ ഡോ​ക്ട​ർ​മാ​രെ സ​ഹാ​യി​ക്കു​ന്ന എ.​ഐ ടൂ​ൾ വ​ന്നി​രി​ക്കു​ന്നു. FaceAge എ​ന്ന പേ​രി​ലു​ള്ള, വൈ​ദ്യ​രം​ഗ​ത്തു​ള്ള​വ​ർ പ​റ​യു​ന്ന ‘ഐ​ബാ​ൾ ടെ​സ്റ്റ്’ അ​ടി​സ്ഥാ​ന​മാ​ക്കി​യു​ള്ള മോ​ഡ​ലാ​ണി​ത്. ഒ​രാ​ളു​ടെ ഏ​ക​ദേ​ശ ആ​രോ​ഗ്യം, ഒ​റ്റ​നോ​ട്ട​ത്തി​ലൂ​ടെ വി​ല​യി​രു​ത്തു​ന്നു എ​ന്ന​ർ​ഥം. ബോ​സ്റ്റ​ണി​ലെ മാ​സ് ജ​ന​റ​ൽ ബ്രി​ഗ്ഹാം എ​ന്ന ​​നോ​ൺ പ്രോ​ഫി​റ്റ് ഹെ​ൽ​ത്ത്കെ​യ​ർ ഇ​നീ​ഷ്യേ​റ്റി​വാ​ണ് ടൂ​ൾ വി​ക​സി​പ്പി​ച്ചി​രി​ക്കു​ന്ന​ത്. ഡോ​ക്ട​ർ​മാ​രു​ടെ ഉ​പ​യോ​ഗ​ത്തി​നാ​യി ചി​കി​ത്സാ​രം​ഗ​ത്ത് അ​വ​ത​രി​പ്പി​ക്കു​ന്ന​തി​നു മു​മ്പ് ഇ​നി​യും ഗ​വേ​ഷ​ണം ന​ട​ത്തു​മെ​ന്നും നി​ർ​മാ​താ​ക്ക​ൾ പ​റ​യു​ന്നു.

ബ​യോ​ള​ജി​ക്ക​ൽ & ക്രോ​ണോ​ള​ജി​ക്ക​ൽ ഏ​ജ്

ഒ​രാ​ൾ ജ​നി​ച്ച വ​ർ​ഷം മു​ത​ൽ ക​ണ​ക്കാ​ക്കു​ന്ന​താ​ണ​ല്ലോ ക്രോ​ണോ​ള​ജി​ക്ക​ൽ ഏ​ജ് എ​ന്ന​ത്. എ​ന്നാ​ൽ, ഒ​രാ​ളു​ടെ ആ​രോ​ഗ്യ​ത്തി​ന്റെ​യും ജീ​വി​ത​ശൈ​ലി​യു​ടെ​യും അ​ടി​സ്ഥാ​ന​ത്തി​ൽ അ​യാ​ളു​ടെ ശ​രീ​ര​ത്തി​ന് എ​ത്ര പ്രാ​യ​മാ​യെ​ന്ന് ക​ണ​ക്കാ​ക്കു​ന്ന​തി​നെ​യാ​ണ് ബ​യോ​ള​ജി​ക്ക​ൽ ഏ​ജ് എ​ന്നു പ​റ​യു​ന്ന​ത്. ശാ​രീ​രി​ക​നി​ല​യു​ടെ​യും പ്ര​വ​ർ​ത്ത​ന​ക്ഷ​മ​ത​യു​ടെ​യും ആ​ക​ത്തു​ക​യെ, ജ​ന്മ​ദി​നം അ​ടി​സ്ഥാ​ന​മാ​ക്കി​യു​ള്ള വ​യ​സ്സു​മാ​യി താ​ര​ത​മ്യം​ചെ​യ്താ​ണ് ഇ​ത് ക​ണ്ടെ​ത്തു​ക.

ഫേ​സ് ഏ​ജ് എ​ങ്ങ​നെ?

ഒ​രു സെ​ൽ​ഫി​യി​ലൂ​ടെ ഒ​രാ​ളു​ടെ ബ​യോ​ള​ജി​ക്ക​ൽ വ​യ​സ്സ് വി​ശ​ക​ല​നം​ചെ​യ്ത് പ​റ​യാ​ൻ സാ​ധി​ക്കു​ന്ന ഒ​രു ഡീ​പ് ലേ​ണി​ങ് അ​ൽ​ഗോ​രി​ത​മാ​ണ് ഫേ​സ് ഏ​ജ്. രോ​ഗി​ക്ക് ഏ​റ്റ​വും അ​നു​യോ​ജ്യ​മാ​യ ചി​കി​ത്സ ന​ൽ​കു​ന്ന​തി​ൽ ബ​യോ​ള​ജി​ക്ക​ൽ ഏ​ജ് സു​പ്ര​ധാ​ന​മാ​ണ്. ഉ​ദാ​ഹ​ര​ണ​ത്തി​ന്, ഒ​രു അ​ർ​ബു​ദ രോ​ഗി​ക്ക്, അ​യാ​ളു​ടെ ജ​ന്മ​ദി​നാ​ടി​സ്ഥാ​ന​മാ​യ വ​യ​സ്സി​നേ​ക്കാ​ൾ കു​റ​വാ​ണ് ബ​യോ​ള​ജി​ക്ക​ൽ ഏ​ജ് എ​ങ്കി​ൽ ക​ടു​പ്പ​മേ​റി​യ ചി​കി​ത്സ​ക​ൾ ഡോ​ക്ട​ർ​ക്ക് നി​ർ​ദേ​ശി​ക്കാ​ൻ ക​ഴി​യും. അ​ത്ത​രം ചി​കി​ത്സ​ക​ൾ താ​ങ്ങാ​നു​ള്ള ആ​രോ​ഗ്യം രോ​ഗി​ക്ക് ഉ​ണ്ടെ​ന്ന് ഡോ​ക്ട​ർ​ക്ക് മ​ന​സ്സി​ലാ​യ​ത് ബ​യോ​ള​ജി​ക്ക​ൽ ഏ​ജ് വി​ല​യി​രു​ത്തി​യ​തി​ൽ​കൂ​ടി ആ​ണ്.

60 വ​യ​സ്സു മു​ത​ലു​ള്ള, ആ​രോ​ഗ്യ​വാ​ൻ​മാ​രാ​ണെ​ന്ന് ക​രു​തു​ന്ന 9000 പേ​രു​ടെ ഫോ​ട്ടോ​ക​ൾ ന​ൽ​കി​യാ​ണ് ഫേ​സ് ഏ​ജി​നെ പ​രി​ശീ​ലി​പ്പി​ച്ച​ത്. വി​ക്കി​മീ​ഡി​യ, സി​നി​മ ഡാ​റ്റാ​ബേ​സാ​യ ഐ.​എം.​ഡി.​ബി തു​ട​ങ്ങി​യ​വ​യി​ൽ​നി​ന്ന് ഡൗ​ൺ​ലോ​ഡ് ചെ​യ്ത ചി​ത്ര​ങ്ങ​ളാ​യി​രു​ന്നു അ​ത്. UTKFace എ​ന്ന ഡേ​റ്റാ​സെ​റ്റി​ൽ​നി​ന്നു​ള്ള, 116 വ​യ​സ്സു വ​രെ​യു​ള്ള​വ​രു​ടെ ചി​ത്ര​ങ്ങ​ളും പ​രി​ശീ​ല​ന​ത്തി​നാ​യി ന​ൽ​കി​യി​രു​ന്നു.

‘മ​നു​ഷ്യ​ർ വി​ല​യി​രു​ത്തും​പോ​ലെ​യ​ല്ല അ​ൽ​ഗോ​രി​തം വ​യ​സ്സ് ക​ണ​ക്കാ​ക്കു​ക. ക​ഷ​ണ്ടി, ന​ര തു​ട​ങ്ങി​യ​വ​ക്ക് അ​ൽ​ഗോ​രി​തം ചെ​റി​യ പ്രാ​ധാ​ന്യം മാ​ത്ര​മേ ന​ൽ​കൂ’ -ഗ​വേ​ഷ​ക​സം​ഘാം​ഗ​മാ​യ ഹ്യൂ​ഗോ അ​യേ​ർ​ട്സ് വി​ശ​ദീ​ക​രി​ക്കു​ന്നു.

കൃ​ത്യ​ത എ​ത്ര​മാ​ത്രം?

ഐ​ബാ​ൾ ടെ​സ്റ്റ് എ​ന്ന് ഡോ​ക്ട​ർ​മാ​ർ വി​ളി​ക്കു​ന്ന, ഒ​റ്റ​നോ​ട്ട​ത്തി​ൽ ആ​ളു​ടെ ആ​രോ​ഗ്യാ​വ​സ്ഥ വി​ല​യി​രു​ത്തു​ന്ന പ​തി​വ് പ്ര​വ​ർ​ത്ത​ന​ത്തി​ന് സ​ഹാ​യി​യാ​വു​ക എ​ന്ന​താ​ണ് ഫേ​സ് ഏ​ജി​ന്റെ ക​ട​മ​യെ​ന്നും ഡോ​ക്ട​ർ​ക്കു പ​ക​ര​മാ​വു​ക​യ​ല്ല ല​ക്ഷ്യ​മെ​ന്നും നി​ർ​മാ​താ​ക്ക​ൾ പ​റ​യു​ന്നു. 6200 അ​ർ​ബു​ദ രോ​ഗി​ക​ളു​ടെ ചി​ത്ര​ങ്ങ​ൾ ഫേ​സ് ഏ​ജി​ന് ന​ൽ​കി പ​രീ​ക്ഷി​ച്ച​പ്പോ​ൾ, ക്രോ​ണോ​ള​ജി​ക്ക​ൽ വ​യ​സ്സി​നേ​ക്കാ​ൾ ശ​രാ​ശ​രി അ​ഞ്ചു വ​യ​സ്സ് കൂ​ടു​ത​ലാ​യാ​ണ് ബ​യോ​ള​ജി​ക്ക​ൽ വ​യ​സ്സ് അ​ൽ​ഗോ​രി​തം ക​ണ്ടെ​ത്തി​യ​തെ​ന്നും ഗ​വേ​ഷ​ക​ർ വ്യ​ക്ത​മാ​ക്കു​ന്നു. യ​ഥാ​ർ​ഥ ചി​കി​ത്സാ​രം​ഗ​ത്ത് ഇ​ത് വി​ന്യ​സി​ക്ക​ണ​മെ​ങ്കി​ൽ ഇ​നി​യും ഗ​വേ​ഷ​ണം പൂ​ർ​ത്തി​യാ​ക്കാ​നു​ണ്ടെ​ന്നും അ​ണി​യ​റ​ക്കാ​ർ വി​ശ​ദീ​ക​രി​ക്കു​ന്നു.