നി​ർ​മ്മി​ത ബു​ദ്ധി​യി​ൽ മു​ന്നേ​റി​ ഇ​മാ​റാ​ത്ത്

ദു​ബൈ: നി​ർ​മ്മി​ത​ബു​ദ്ധി സാ​​ങ്കേ​തി​ക വി​ദ്യ​യി​ൽ ലോ​ക​ത്തി​ന്​ വ​ഴി കാ​ണി​ക്കാ​ൻ യു.​എ.​ഇ. വി​വി​ധ ത​ല​ങ്ങ​ളി​ൽ നി​ര​വ​ധി പ​ദ്ധ​തി​ക​ൾ ആ​സൂ​ത്ര​ണം ചെ​യ്ത്​ ന​ട​പ്പി​ലാ​ക്കു​ന്ന​ത്​ ആ​രം​ഭി​ച്ച​തോ​ടെ​യാ​ണ്​ ഈ ​മേ​ഖ​ല​യി​ൽ ആ​ഗോ​ള ശ്ര​ദ്ധ​യി​ലേ​ക്ക്​ രാ​ജ്യം എ​ത്തി​യി​രി​ക്കു​ന്ന​ത്. ഇ​തി​ന്‍റെ തെ​ളി​വാ​ണ്​ ദു​ബൈ​യി​ൽ പ്ര​വ​ർ​ത്തി​ക്കു​ന്ന നി​ർ​മ്മി​ത ബു​ദ്ധി(​എ.​ഐ) ക​മ്പ​നി​ക​ൾ​ക്ക് വേ​ണ്ടി അ​വ​ത​രി​പ്പി​ച്ച പ്ര​ത്യേ​ക മു​ദ്ര​ക്ക്​ 325 ക​മ്പ​നി​ക​ൾ രം​ഗ​ത്തു​വ​ന്ന​ത്. ദു​ബൈ സെ​ന്‍റ​ർ ഫോ​ർ ആ​ർ​ടി​ഫി​ഷ്യ​ൽ ഇ​ന്‍റ​ലി​ജ​ൻ​സാ​ണ്​ ഇ​ക്കാ​ര്യം വെ​ളി​പ്പെ​ടു​ത്തി​യ​ത്. ദു​ബൈ സ​ർ​ക്കാ​ർ സ്ഥാ​പ​ന​ങ്ങ​ൾ ഔ​ദ്യോ​ഗി​ക​മാ​യി അം​ഗീ​ക​രി​ക്കു​ന്ന​തും എ.​ഐ സം​വി​ധാ​ന​ങ്ങ​ൾ​ക്കാ​യി ബി​സി​ന​സു​ക​ൾ​ക്ക് ആ​ശ്ര​യി​ക്കാ​ൻ ക​ഴി​യു​ന്ന​തു​മാ​യ ക​മ്പ​നി​ക​ളെ തി​രി​ച്ച​റി​യാ​നാ​ണ്​ മു​ദ്ര ഏ​ർ​പ്പെ​ടു​ത്തി​യ​ത്.

എ.​ഐ​യു​മാ​യി ബ​ന്ധ​പ്പെ​ട്ട ഉ​ൽ​പ്പ​ന്ന​ങ്ങ​ളോ സേ​വ​ന​ങ്ങ​ളോ ന​ൽ​കു​ന്ന ദു​ബൈ​യി​ൽ ലൈ​സ​ൻ​സു​ള്ള എ​ല്ലാ ക​മ്പ​നി​ക​ൾ​ക്കും വെ​ബ്‌​സൈ​റ്റി​ൽ സൗ​ജ​ന്യ​മാ​യി മു​ദ്ര ല​ഭി​ക്കു​ന്ന​തി​ന്​ അ​പേ​ക്ഷി​ക്കാ​മെ​ന്ന്​ നേ​ര​ത്തെ അ​റി​യി​ച്ചി​രു​ന്നു. അ​തേ​സ​മ​യം, മു​ദ്ര ഒ​രു ബി​സി​ന​സ് ലൈ​സ​ൻ​സ​ല്ലെ​ന്നും ദു​ബൈ​യി​ൽ പ്ര​വ​ർ​ത്തി​ക്കാ​നു​ള്ള മ​റ്റു മാ​ന​ദ​ണ്ഡ​ങ്ങ​ൾ ക​മ്പ​നി​ക​ൾ പാ​ലി​ച്ചി​രി​ക്ക​ണ​മെ​ന്നും വ്യ​ക്​​ത​മാ​ക്കി​യി​ട്ടു​ണ്ട്. ദു​ബൈ കി​രീ​ടാ​വ​കാ​ശി​യും ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ​മ​ന്ത്രി​യു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന്‍റെ നി​ർ​ദേ​ശ​പ്ര​കാ​ര​മാ​ണ്​ സം​രം​ഭം ആ​രം​ഭി​ച്ച​ത്. ദു​ബൈ സെ​ൻ​റ​ർ ഫോ​ർ ആ​ർ​ട്ടി​ഫി​ഷ്യ​ൽ ഇ​ൻ​റ​ലി​ജ​ൻ​സ്(​ഡി.​സി.​എ.​ഐ) വി​ക​സി​പ്പി​ച്ചെ​ടു​ത്ത ‘ദു​ബൈ സീ​ൽ’ സ​ർ​ട്ടി​ഫൈ​ഡ് ക​മ്പ​നി​ക​ൾ​ക്ക് അ​വ​രു​ടെ ഡി​ജി​റ്റ​ൽ പ്ലാ​റ്റ്‌​ഫോ​മു​ക​ളി​ലും പ്രൊ​മോ​ഷ​ണ​ൽ കാ​മ്പ​യ്‌​നു​ക​ളി​ലും പ്ര​ദ​ർ​ശി​പ്പി​ക്കാ​ൻ അ​നു​വാ​ദ​മു​ണ്ടാ​കും. ഇ​ത് ക​മ്പ​നി​ക​ളു​ടെ വി​ശ്വാ​സ്യ​ത​യെ തി​രി​ച്ച​റി​യാ​നു​ള്ള മാ​ർ​ഗ​മാ​വു​ക​യും ചെ​യ്യും.

യു.​എ.​ഇ​യി​ൽ എ.​ഐ രം​ഗ​ത്ത്​ മു​ന്നേ​റ്റ​ത്തി​ന്​ വ​ഴി​യൊ​രു​ക്കു​ന്ന അ​ഞ്ച് ജി​ഗാ​വാ​ട്ട് ശേ​ഷി​യു​ള്ള കൂ​റ്റ​ൻ ആ​ർ​ടി​ഫി​ഷ്യ​ൽ ഇ​ന്റ​ലി​ജ​ൻ​സ് കാ​മ്പ​സ് അ​ബൂ​ദ​ബി​യി​ൽ നി​ർ​മി​ക്കു​ന്ന​തി​ന്​ യു.​എ.​ഇ​യും യു.​എ​സും ധാ​ര​ണ​യി​ലെ​ത്തി​യി​ട്ടു​ണ്ട്. യു.​എ​സി​ന് പു​റ​ത്തു​ള്ള ഏ​റ്റ​വും വ​ലി​യ എ.​ഐ കാ​മ്പ​സാ​യി​രി​ക്കു​മി​ത്. യു.​എ.​ഇ ആ​സ്ഥാ​ന​മാ​യ ജി ​ഫോ​ർ​ട്ടി ടു​വും മൈ​ക്രോ​സോ​ഫ്റ്റും ചേ​ർ​ന്നാ​ണ് കാ​മ്പ​സ് നി​ർ​മി​ക്കു​ന്ന​ത്. നേ​ര​ത്തെ ത​ന്നെ നി​ർ​മ്മി​ത​ബു​ദ്ധി സാ​​ങ്കേ​തി​ക​വി​ദ്യ​യു​ടെ രം​ഗ​ത്ത്​ വ​ലി​യ മു​ന്നേ​റ്റം യു.​എ.​ഇ നേ​ടി​യി​ട്ടു​ണ്ട്. ഏ​റ്റ​വും പു​തി​യ സാ​​ങ്കേ​തി​ക വി​ദ്യ​ക​ൾ അ​തി​വേ​ഗ​ത്തി​ൽ സ്വീ​ക​രി​ക്കു​ന്ന രാ​ജ്യ​ത്ത്​ വി​വി​ധ മേ​ഖ​ല​ക​ളി​ൽ എ.​ഐ നി​ല​വി​ൽ ഉ​പ​യോ​ഗ​പ്പെ​ടു​ത്തു​ന്നു​ണ്ട്. സ​ർ​ക്കാ​ർ വി​ദ്യ​ഭ്യാ​സ​ത്തി​ന്‍റെ കെ.​ജി മു​ത​ൽ 12ാംക്ലാ​സ്​ വ​രെ​യു​ള്ള ത​ല​ങ്ങ​ളി​ൽ എ.​ഐ ഉ​ൾ​പ്പെ​ടു​ത്തു​മെ​ന്ന്​ ദി​വ​സ​ങ്ങ​ൾ​ക്ക്​ മു​മ്പ്​ പ്ര​ഖ്യാ​പ​നം പു​റ​ത്തു​വ​ന്നി​രു​ന്നു. പു​തി​യ എ.​ഐ കാ​മ്പ​സ്​ കൂ​ടി നി​ല​വി​ൽ വ​രു​ന്ന​തോ​ടെ ആ​ഗോ​ള ത​ല​ത്തി​ൽ ത​ന്നെ ശ്ര​ദ്ധി​ക്ക​പ്പെ​ടു​ന്ന നി​ർ​മ്മി​ത​ബു​ദ്ധി കേ​ന്ദ്ര​മാ​യി രാ​ജ്യം മാ​റു​മെ​ന്നാ​ണ്​ പ്ര​തീ​ക്ഷി​ക്ക​പ്പെ​ടു​ന്ന​ത്.

2017ൽ ​സ്ട്രാ​റ്റ​ജി ഫോ​ർ ആ​ർ​ട്ടി​ഫി​ഷ്യ​ൽ ഇ​ന്റ​ലി​ജ​ൻ​സ് എ​ന്ന പേ​രി​ൽ ഒ​രു ദേ​ശീ​യ എ.​ഐ ന​യം ആ​രം​ഭി​ച്ച ആ​ദ്യ രാ​ജ്യ​ങ്ങ​ളി​ലൊ​ന്നാ​ണ് യു.​എ.​ഇ. ആ​ഗോ​ള എ.​ഐ ഹ​ബ്ബാ​യി മാ​റാ​നു​ള്ള പാ​ത​യി​ൽ രാ​ജ്യം പ്ര​വേ​ശി​ച്ചി​ട്ട്​ വ​ർ​ഷ​ങ്ങ​ളാ​യി. വി​ദ്യാ​ഭ്യാ​സം, ആ​രോ​ഗ്യ സം​ര​ക്ഷ​ണം, ഗ​താ​ഗ​തം, ഊ​ർ​ജ്ജം എ​ന്നി​വ​യു​ൾ​പ്പെ​ടെ നി​ർ​ണാ​യ​ക മേ​ഖ​ല​ക​ളി​ലു​ട​നീ​ളം എ.​ഐ സാ​​ങ്കേ​തി​ക​വി​ദ്യ സം​യോ​ജി​പ്പി​ക്കാ​ൻ മു​ൻ​ഗ​ണ​ന ന​ൽ​കു​ന്നു​ണ്ട്.