ട്വിറ്റർ ഏറ്റെടുക്കലിൽനിന്ന് പിന്മാറുമെന്ന ഭീഷണിയുമായി മസ്‌ക്

ഡെ​ട്രോ​യി​റ്റ്: ട്വി​റ്റ​ർ ഏ​റ്റെ​ടു​ക്കാ​നു​ള്ള 4400 കോ​ടി യു.​എ​സ് ഡോ​ള​റി​ന്റെ ക​രാ​റി​ൽ​നി​ന്ന് പി​ൻ​വാ​ങ്ങു​മെ​ന്ന് ഭീ​ഷ​ണി മു​ഴ​ക്കി ടെ​സ്‍ല, സ്‍പേ​സ് എ​ക്സ് സി.​ഇ.​ഒ ഇ​ലോ​ൺ മ​സ്‌​ക്. ട്വി​റ്റ​റി​ന്റെ വ്യാ​ജ അ​ക്കൗ​ണ്ടു​ക​ളെ​ക്കു​റി​ച്ചു​ള്ള വി​വ​ര​ങ്ങ​ൾ ന​ൽ​കാ​ൻ വി​സ​മ്മ​തി​ച്ചെ​ന്ന് ആ​രോ​പി​ച്ചാ​ണ് മ​സ്കി​ന്റെ ഭീ​ഷ​ണി.

ഓ​ഹ​രി ഫ​യ​ലി​ങ്ങി​ൽ ട്വി​റ്റ​റി​നെ​യും ഉ​ൾ​പ്പെ​ടു​ത്തി​യ​താ​യി കാ​ണി​ച്ച് തി​ങ്ക​ളാ​ഴ്ച ട്വി​റ്റ​റി​ന് അ​യ​ച്ച ക​ത്തി​ലാ​ണ് മ​സ്കി​ന്റെ അ​ഭി​ഭാ​ഷ​ക​ർ ഭീ​ഷ​ണി മു​ഴ​ക്കി​യ​ത്.ട്വി​റ്റ​ർ ഏ​റ്റെ​ടു​ക്കു​മെ​ന്ന് വ്യ​ക്ത​മാ​ക്കി​യ​തി​ന് ഒ​രു മാ​സ​ത്തി​നു ശേ​ഷം മേ​യ് ഒ​മ്പ​ത് മു​ത​ൽ മ​സ്‌​ക് വി​വ​ര​ങ്ങ​ൾ ആ​വ​ർ​ത്തി​ച്ച് ആ​വ​ശ്യ​പ്പെ​ട്ടി​ട്ടു​ണ്ടെ​ന്നും ക​മ്പ​നി​യു​ടെ 229 ദ​ശ​ല​ക്ഷം അ​ക്കൗ​ണ്ടു​ക​ളി​ൽ എ​ത്ര​യെ​ണ്ണം വ്യാ​ജ​മാ​ണെ​ന്ന് വ്യ​ക്ത​മാ​ക്ക​ണ​മെ​ന്നും അ​ഭ്യ​ർ​ഥി​ച്ചി​രു​ന്നു.

എ​ന്നാ​ൽ, ക​മ്പ​നി​യു​ടെ പ​രീ​ക്ഷ​ണ രീ​തി​ക​ളെ​ക്കു​റി​ച്ച വി​ശ​ദാം​ശ​ങ്ങ​ൾ ന​ൽ​കാ​മെ​ന്ന് മാ​ത്ര​മാ​ണ് ട്വി​റ്റ​ർ സ​മ്മ​തി​ച്ച​ത്. അ​ടു​ത്തി​ടെ ട്വി​റ്റ​ർ ഏ​റ്റെ​ടു​ക്കു​ന്ന ന​ട​പ​ടി​ക​ൾ താ​ൽ​ക്കാ​ലി​ക​മാ​യി മ​സ്ക് നി​ർ​ത്തി​വെ​ച്ചി​രു​ന്നു. ച​ർ​ച്ച​ക​ൾ​ക്ക് വി​രാ​മ​മി​ട്ട് ക​ഴി​ഞ്ഞ മാ​സ​മാ​ണ് 4,400 കോ​ടി ഡോ​ള​റി​ന് ട്വി​റ്റ​ർ ഏ​റ്റെ​ടു​ക്കു​ന്ന​താ​യി മ​സ്‌​ക് പ്ര​ഖ്യാ​പി​ച്ച​ത്