ടി​ക് ടോ​ക് വാ​ങ്ങാ​ൻ താ​ൽ​പ​ര്യ​മി​ല്ലെ​ന്ന് ഇ​ലോ​ൺ മ​സ്ക്

ജ​ന​പ്രി​യ ഹ്ര​സ്വ വി​ഡി​യോ ആ​പ്പും ചൈ​നീ​സ് സോ​ഷ്യ​ല്‍ മീ​ഡി​യ പ്ലാ​റ്റ്‌​ഫോ​മു​മാ​യ ടി​ക് ടോ​ക് വാ​ങ്ങാ​ൻ താ​ൽ​പ​ര്യ​മി​ല്ലെ​ന്ന് ശ​ത​കോ​ടീ​ശ്വ​ര​ൻ ഇ​ലോ​ൺ മ​സ്ക്. ജ​നു​വ​രി അ​വ​സാ​നം ന​ട​ന്ന ഉ​ച്ച​കോ​ടി​യി​ൽ ന​ട​ത്തി​യ പ​രാ​മ​ർ​ശം ക​ഴി​ഞ്ഞ ദി​വ​സ​മാ​ണ് ഓ​ൺ​ലൈ​നി​ൽ പു​റ​ത്തു​വ​ന്ന​ത്. മ​സ്കി​ന് ആ​ഗ്ര​ഹ​മു​ണ്ടെ​ങ്കി​ല്‍ അ​ത് വാ​ങ്ങു​ന്ന​തി​ന് താ​ന്‍ അ​നു​കൂ​ല​മാ​ണെ​ന്ന് യു.​എ​സ് പ്ര​സി​ഡ​ന്‍റ് ഡോ​ണ​ള്‍ഡ് ട്രം​പ് നേ​ര​ത്തെ വ്യ​ക്ത​മാ​ക്കി​യി​രു​ന്നു.

ടി​ക്‌ ടോ​ക് ആ​രെ​ങ്കി​ലും വാ​ങ്ങു​ന്നു​ണ്ടെ​ങ്കി​ല്‍ അ​ത് ചെ​യ്ത് പാ​തി ബി​സി​ന​സ് അ​മേ​രി​ക്ക​ക്ക് ന​ല്‍ക​ണ​മെ​ന്നും ട്രം​പ് പ​റ​ഞ്ഞി​രു​ന്നു. ജ​നു​വ​രി 19ന് ​അ​​മേ​രി​ക്ക​യി​ൽ ടി​ക് ടോ​ക് നി​രോ​ധ​നം ന​ട​പ്പാ​കേ​ണ്ട​താ​യി​രു​ന്നു. എ​ന്നാ​ൽ, ട്രം​പ് സ​മ​യം നീ​ട്ടി​ന​ൽ​കു​ക​യാ​യി​രു​ന്നു. അ​തി​നി​ടെ ടി​ക് ടോ​ക് ഏ​റ്റ​ടു​ക്കാ​ൻ മൈ​ക്രോ​സോ​ഫ്റ്റ് ച​ർ​ച്ച ആ​രം​ഭി​ച്ചി​രു​ന്നു.

വ്യ​ക്തി​പ​ര​മാ​യി ഹ്ര​സ്വ വി​ഡി​യോ ആ​പ് ഉ​പ​യോ​ഗി​ക്കു​ന്നയാളല്ല താനെന്ന് മ​സ്ക് പറഞ്ഞു. ആ​പ്പി​ന്റെ ഫോ​ർ​മാ​റ്റും ത​നി​ക്ക് പ​രി​ചി​ത​മ​ല്ല. വ​ള​രെ അ​പൂ​ർ​വ​മാ​യി​ട്ട​ല്ലാ​തെ ഞാ​ൻ ക​മ്പ​നി​ക​ളെ ഏ​റ്റെ​ടു​ക്കാ​റി​ല്ല. സോ​ഷ്യ​ൽ മീ​ഡി​യ പ്ലാ​റ്റ്‌​ഫോ​മാ​യ ട്വി​റ്റ​ർ (ഇ​പ്പോ​ൾ എ​ക്സ്) ഏ​റ്റെ​ടു​ത്ത​ത് അ​സാ​ധാ​ര​ണ​മാ​യ ന​ട​പ​ടി​യാ​യി​രു​ന്നു-​അ​ദ്ദേ​ഹം പ​റ​ഞ്ഞു.