Begin typing your search above and press return to search.
exit_to_app
exit_to_app
യന്തിരന്മാരുടെ നഗരമാകാൻ ദുബൈ
cancel
Homechevron_rightTECHchevron_rightTech Newschevron_right'യന്തിരന്മാ'രുടെ...

'യന്തിരന്മാ'രുടെ നഗരമാകാൻ ദുബൈ

text_fields
bookmark_border

ദുബൈ: നവീന സാ​ങ്കേതികവിദ്യകളുടെ ലോകോത്തര കേന്ദ്രമാകുന്ന ദുബൈ നഗരം റോബോട്ടിക്സിലും ഓട്ടോമേഷൻ മേഖലയിലും മുന്നേറ്റത്തിന്​ ​ഒരുങ്ങുന്നു. ഈ മേഖലയിൽ ലോകത്തെ മികച്ച 10നഗരങ്ങളിൽ ഉൾപ്പെടാൻ ലക്ഷ്യംവെച്ചുള്ള ​പദ്ധതി ദുബൈ കിരീടാവകാശിയും എക്​സിക്യൂട്ടീവ്​ കൗൺസിൽ ചെയർമാനുമായ ശൈഖ്​ ഹംദാൻ ബിൻ മുഹമ്മദ്​ ബിൻ റാശിദ്​ ആൽ മക്​തൂം പ്രഖ്യാപിച്ചു. കമ്പ്യൂട്ടർ അടിസ്ഥാനമാക്കിയ സാ​ങ്കേതിക മുന്നേറ്റങ്ങൾക്ക്​ ഗതിവേഗം വർധിപ്പിക്കാൻ പുതിയ തീരുമാനം ഉപ​കാരപ്പെടും.

റോബോട്ടുകളുടെ രൂപകൽപ്പന, നിർമ്മാണം, പ്രവർത്തനം, ഉപയോഗം എന്നിവ ഉൾപ്പെടുന്നതാണ്​ റോബോട്ടിക്സ്​. വിവിധ മേഖലകളിൽ കാര്യക്ഷമതയും ഉൽപ്പാദനക്ഷമതയും വർധിപ്പിക്കാനായി അടുത്ത 10 വർഷത്തിനുള്ളിൽ 2ലക്ഷം റോബോട്ടുകളെ ഉപയോഗപ്പെടുത്തുമെന്നും ദുബൈ ഫ്യൂചർ ഫൗണ്ടേഷൻ ചെയർമാൻ കൂടിയായ ശൈഖ്​ ഹംദാൻ ട്വിറ്ററിൽ കുറിച്ചു. ഗതാഗതം, ബഹിരാകാശം, ആരോഗ്യ സംരക്ഷണം, വിദ്യാഭ്യാസം, ആർട്ടിഫിഷ്യൽ ഇന്‍റലിജൻസ് തുടങ്ങിയ മേഖലകളിലായിരിക്കും പദ്ധതി മുന്നേറ്റമുണ്ടാക്കുക.


ഭാവി സാ​ങ്കേതികവിദ്യകളെ ഉപയോഗപ്പെടുത്താനും വിദഗ്​ധരെ ആകർഷിക്കാനും നിരവധി പദ്ധതികൾ ദുബൈ നടപ്പിലാക്കുന്നുണ്ട്​. കമ്പ്യൂട്ടർ ഭാഷാ വിദഗ്​ധരായ കോഡർമാർക്ക്​ ഗോൾഡൻ വിസയും മറ്റു ആനുകൂല്യങ്ങളും നേരത്തെ പ്രഖ്യാപിച്ചത്​ ഇതിന്‍റെ ഭാഗമായാണ്​. പുതിയ പദ്ധതിയിലൂടെ ഓട്ടോമേഷൻ വ്യവസായത്തിന്‍റെ ജി.ഡി.പി(മൊത്ത ആഭ്യന്തര ഉൽപാദനം) സംഭാവന കുറഞ്ഞത് ഒമ്പത് ശതമാനമായി ഉയർത്താനാണ് ലക്ഷ്യമിടുന്നത്​. രാജ്യത്തെ പ്രതിഭകൾക്ക്​ അവസരമൊരുക്കാനും ഉൽപ്പന്നങ്ങളും സേവനങ്ങളും നവീകരിക്കാനും ഇത്​ സഹായിക്കും. ഇതിനനുസൃതമായ നിയമനിർമ്മാണവും ഭരണ സംവിധാനവും വികസിപ്പിക്കുമെന്നും ശൈഖ്​ ഹംദാൻ വ്യക്​തമാക്കി.

Show Full Article
TAGS:robotics Dubai Robot UAE 
News Summary - Dubai with new initiative; aiming to emerge as one of the top 10 cities for robotics
Next Story