Begin typing your search above and press return to search.
exit_to_app
exit_to_app
Homechevron_rightTECHchevron_rightTech Newschevron_rightമാറ്റങ്ങളോടെ ഡി.ജെ.ഐ...

മാറ്റങ്ങളോടെ ഡി.ജെ.ഐ മൈക്ക്​ വിപണിയിൽ

text_fields
bookmark_border
മാറ്റങ്ങളോടെ ഡി.ജെ.ഐ മൈക്ക്​ വിപണിയിൽ
cancel

മാറ്റങ്ങളോടെ ഡി.ജെ.ഐ മൈക്ക്​ വിപണിയിൽ വീഡിയോ കണ്ടൻറ്​ നിർമ്മാതാക്കൾക്ക് വേണ്ടി പുതിയൊരു മൈക്ക് വിപണിയിലിറക്കുകയാണ് ഡി.ജെ.ഐ. വിപണിയിൽ മുമ്പിറങ്ങിയ പല കമ്പനികളുടെയും പോരായ്​മകൾ മനസിലാക്കി അടിസ്ഥാനപരമായ മാറ്റങ്ങൾ ഉൾക്കൊള്ളിച്ചാണ് ഡി.ജെ.ഐ മൈക്ക് പുറത്തിറക്കിയത്. 250 മീറ്റർ ട്രാൻസ്​മിഷൻ റേഞ്ചാണ് ഹൈലൈറ്റ്. ഡി.ജെ.ഐ പോക്കറ്റ് 2ന് ഇതിനകം ഒരു വയർലെസ് മൈക്ക് ഉണ്ടായിരുന്നു, എന്നാൽ മറ്റ് ഉപകരണങ്ങളുമായി പൊരുത്തപ്പെടുന്ന ഡി.ജെ.ഐ നിർമ്മിച്ച ആദ്യത്തെ വയർലെസ് മൈക്രോഫോൺ കിറ്റാണിത്. റോഡ് വയർലെസ്​ ഗോ-2 പോലെയുള്ള സമാനമായ രൂപത്തിലുള്ള രണ്ട് ചെറിയ ട്രാൻസ്​മിറ്ററുകളെ ഇത് അവതരിപ്പിക്കുന്നു.

രണ്ട് ട്രാൻസ്​മിറ്ററുകൾക്കും ബിൽറ്റ്-ഇൻ മൈക്രോഫോണുകളും 3.5 എം.എം മൈക്ക് ജാക്കും ഉണ്ട്. ക്യാമറകൾ,സ്​മാർട്ട്‌ഫോണുകൾ, ലാപ്‌ടോപ്പുകൾ എന്നിവക്കൊപ്പം ഇത് ഉപയോഗിക്കാം. ഇതിനായി റസീവറിന് 3.5 എം.എം ലൈൻ ഔട്ട് ജാക്ക്, 3.5 എം.എം ഹെഡ്‌ഫോൺ ജാക്ക്, സ്‌മാർട്ട്‌ ഫോണുകളുമായോ ലാപ്‌ടോപ്പുകളുമായോ കണക്റ്റ് ചെയ്യുന്നതിനുള്ള യു.എസ്​.ബി-സി പോർട്ട് എന്നിവയുണ്ട്. ഹാർഡ്‌വെയർ ബട്ടണുകൾ കൂടാതെ റിസീവറിൽ ഒരു ടച്ച്‌സ്‌ക്രീൻ ഡിസ്‌പ്ലേ അവതരിപ്പിക്കുന്നുണ്ട്​. ക്യാമറകളുടെ ഡിസ്പ്ലേ പൊസിഷനിലാണ് റിസീവർ മോണിറ്ററുള്ളത്. ഇത് സുഖമമായ ടച്ചിങ് സാധ്യമാക്കും. 24-ബിറ്റിലുള്ള ഓഡിയോ 14 മണിക്കൂർ വരെ സൂക്ഷിച്ചു വെക്കാനുള്ള കഴിവുണ്ട്. ഓഡിയോ ഫയലുകൾ 30മിനിറ്റ് ക്ലിപ്പുകളായി വിഭജിക്കപ്പെടും, സ്​റ്റേറേജ് കുറവാകുമ്പോൾ, ആദ്യകാല ഓഡിയോ നഷ്​ടപ്പെടും. 8ജി.ബി വരെയാണ് സ്​റ്റോറേജ് കപ്പാസിറ്റി.

എല്ലാം ഒരുമിച്ച് ചാർജ് ചെയ്യാവുന്ന പോർട്ടബിൾ കേസ് മറ്റൊരു പ്രതേകതയാണ്. അന്തർ നിർമ്മിതമായ ബാറ്ററികൾക്കൊപ്പം ട്രാൻസ്​മിറ്ററുകൾക്കും റസീവറിനും യഥാക്രമം 5.5 മണിക്കൂറും 5 മണിക്കൂറും നിലനിൽക്കും. മൂന്ന് ഉപകരണങ്ങളും കോം‌പാക്റ്റ് ചാർജിങ്​ കെയ്‌സിലാണ് വരുന്നത്. 15 മണിക്കൂർ വരെയാണ് ബാറ്ററി കപ്പാസിറ്റി. മൈക്കുകൾ മൊബൈലിൽ കണക്​ട്​ ചെയ്യാനായി വളരെ ചെറിയ ടൈപ്പ് സിയും ലൈറ്റനിങ്​ കണക്റ്ററും ഡി.ജെ.ഐ മൈക്കിനെ ആകർഷണീയമാക്കുന്നു. ഏകദേശം 1200 ദിർഹമായിരിക്കും ഇതി​െൻറ വില. ഉയർത്തി കാണിക്കാവുന്ന പുതുമയുള്ള ഉത്പന്നങ്ങൾ വിപണിയിലിറക്കി, വീഡിയോ കണ്ടൻറ്​ നിർമ്മാതാക്കൾക്കിടയിൽ ഈ വർഷം സ്ഥാനമുറപ്പിച്ചിരിക്കുകയാണ് ഡി.ജെ.ഐ. നിർമ്മിതബുദ്ധി സാങ്കേതിക വിദ്യകളുടെ അതിപ്രസരം വരും വർഷങ്ങളിൽ ഗാഡ്​ജറ്റ് വിപണിയിൽ ഉണ്ടാകുമെന്നത് തീർച്ചയാണ്.

Show Full Article
TAGS:DJI MIC emiratebeats 
News Summary - DJI MIC
Next Story