Begin typing your search above and press return to search.
proflie-avatar
Login
exit_to_app
exit_to_app
Homechevron_rightTECHchevron_rightTech Newschevron_rightഡിജിറ്റൽ...

ഡിജിറ്റൽ പ്ലാറ്റ്​ഫോമുകൾക്കുള്ള ചട്ടം ഏറെക്കു​റെ തയാറായി; ഉടൻ നടപ്പാക്കുമെന്ന്​ കേന്ദ്രം

text_fields
bookmark_border
ഡിജിറ്റൽ പ്ലാറ്റ്​ഫോമുകൾക്കുള്ള ചട്ടം ഏറെക്കു​റെ തയാറായി; ഉടൻ നടപ്പാക്കുമെന്ന്​ കേന്ദ്രം
cancel

ന്യൂഡൽഹി: ഒ.ടി.ടി പ്ലാറ്റ്​ഫോമുകൾക്കുള്ള മാർഗനിർദേശങ്ങൾ ഏറെക്കുറെ തയാറായിട്ടുണ്ടെന്നും സർക്കാർ ഉടൻ പുറത്തു വിടുമെന്നും കേന്ദ്ര മന്ത്രി പ്രകാശ്​ ജാവ്​ദേക്കർ. പാർലിമെൻറിലാണ്​ മന്ത്രി ഇതു സംബന്ധിച്ച കാര്യങ്ങൾ വ്യക്തമാക്കിയത്​.

''ഒരുപാട്​ പരാതികളും നിർദേശങ്ങളും ലഭിച്ചിട്ടുണ്ട്​. മാർഗനിർദേശങ്ങൾ ഏറെക്കുറെ തയാറായിട്ടുണ്ട്​. ഉടനെ നടപ്പിലാക്കും. '' ഓവർ ദി ടോപ്​(ഒ.ടി.ടി) വിഷയത്തിൽ പ്രകാശ്​ ജാവ്​ദേക്കർ പറഞ്ഞു.

നെറ്റ്​ഫ്ലിക്​സ്​ പോലുള്ള ഒ.ടി.ടി പ്ലാറ്റ്​ഫോമുകളും ഓൺലൈൻ പ്ലാറ്റ്​ഫോമുകളിലുള്ള വാർത്തകൾ, ആനുകാലിക വിഷയങ്ങൾ തുടങ്ങിയവയും വിവര, വാർത്താ വിനിമയ മന്ത്രാലയത്തിന്​ കീഴിലാക്കിയിരുന്നു. കൂടാതെ ഡിജിറ്റൽ ഇടങ്ങളുടെ നയങ്ങളും ചട്ടങ്ങളും നിയന്ത്രിക്കാനുള്ള അധികാരവും കഴിഞ്ഞ വർഷം നവംബറിൽ നൽകിയിരുന്നു.

രണ്ട്​ സീരീസുകളുടെ സംപ്രേക്ഷണം സംബന്ധിച്ച് ഏതാനും ആഴ്​ചകൾക്ക്​ മുമ്പ്​​ വിവാദമുയർന്നിരുന്നു. ജനപ്രിയ പ്ലാറ്റ്​ഫോമായ ആമസോൺ പ്രൈമിൽ സംപ്രേക്ഷണം ചെയ്​ത താണ്ഡവ്​, മിർസാപൂർ എന്നീ സീരീസുകൾ സംബന്ധിച്ചാണ്​ വിവാദമുയർന്നത്​. ഇവ നിയന്ത്രിക്കണമെന്ന്​ നിരവധി ഭാഗത്തു നിന്ന്​ ആവശ്യമുയർന്നിരുന്നു.

മതവികാരം വ്രണപ്പെടുത്തുന്നുവെന്ന്​ ആരോപിച്ച് പ്രതിഷേധം ശക്തമായതോടെ സെയ്​ഫ്​ അലി ഖാനും ഡിംപിൾ കബാഡിയയും അഭിനയിച്ച 'താണ്ഡവ്​'എന്ന സീരീസിലെ പല ഭാഗങ്ങളും ഒഴിവാക്കാൻ അതി​െൻറ നിർമാതാക്കൾ​ നിർബന്ധിതരായിരുന്നു. താണ്ഡവി​െൻറ ശിൽപികൾക്കും നടൻമാർക്കുമെതിരെ മൂന്ന്​ കേസുകളും രജിസ്​റ്റർ ചെയ്​തിരുന്നു.

ഉത്തർപ്രദേശി​െൻറ പ്രതിച്ഛായ നശിപ്പിക്കു​ന്നുവെന്ന വിവാദമുയർന്നതോടെ മിർസാപൂർ എന്ന ചിത്രം നിരോധിക്കണമെന്നും ആവശ്യമുയർന്നു. ഒ.ടി.ടി പ്ലാറ്റ്​ഫോം വഴി റിലീസ്​ ചെയ്യുന്ന ഷോകളും സിനിമകളും സർക്കാർ നിയോഗിക്കുന്ന പാനൽ കാണണ​മെന്ന്​ നിർദേശം വെച്ചുകൊണ്ട്​ സുപ്രീംകോടതിക്ക്​ മുമ്പാകെ ഹരജി സമർപ്പിക്കപ്പെട്ടിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Digital PlatformOTT Platforms
Next Story