Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTECHchevron_rightTech Newschevron_rightമോദിയുടെ വെബ്​...

മോദിയുടെ വെബ്​ സൈറ്റിലെ വിവരങ്ങൾ ഡാർക്​ വെബ്ബിൽ ചോർന്നു; ദുരുപയോഗത്തിന്​ സാധ്യതയെന്ന്​

text_fields
bookmark_border
മോദിയുടെ വെബ്​ സൈറ്റിലെ വിവരങ്ങൾ ഡാർക്​ വെബ്ബിൽ ചോർന്നു; ദുരുപയോഗത്തിന്​ സാധ്യതയെന്ന്​
cancel

പ്രധാനമന്ത്രി നരേന്ദ്ര മോദിയുടെ സ്വകാര്യ വെബ്​ സൈറ്റിലെ വിവരങ്ങൾ ഡാർക്​ വെബ്ബിൽ ചോർന്നതായി റിപ്പോർട്ട്​. സൈബർ സെക്യൂരിറ്റി സ്ഥാപനമായ സൈബിളാണ്​​ ഞെട്ടിക്കുന്ന വിവരം പുറത്തുവിട്ടത്​​. 5,74,000 യൂസർമാരുടെ വ്യക്​തിപരമായി തിരിച്ചറിയാൻ സാധിക്കുന്ന വിവരങ്ങളോടൊപ്പം, സൈറ്റിന്​ ഡൊണേഷൻ നൽകിയ 2,92,000 പേരുടെ വിവരങ്ങളും ഡാർക്ക്​ വെബ്ബിൽ ചോർന്നിട്ടുണ്ടെന്നും സൈബിൾ വ്യക്​തമാക്കുന്നു.

ചോർന്നുപോയ വിവരങ്ങൾ ഇതിനകം തന്നെ ക്രിമിനൽ ആവശ്യങ്ങൾക്കായി ദുരുപയോഗം ചെയ്​തിട്ടുണ്ടെന്ന്​ സംശയിക്കുന്നതായി ഗവേഷകർ മുന്നറിയിപ്പ്​ നൽകിയിട്ടുണ്ട്​. മോദിയുടെ ട്വിറ്റർ അക്കൗണ്ട്​ ഹാക്ക്​ ചെയ്യപ്പെട്ട്​​ ഒരു മാസത്തിന്​ ശേഷമാണ്​ അദ്ദേഹത്തി​െൻറ വെബ്​ സൈറ്റിലെ വിവരങ്ങൾ ഡാർക്​ വെബ്ബിൽ ചോരുന്നത്​.

സൈബിൾ പുറത്തുവിട്ട ബ്ലോഗിൽ പറയുന്നത് പ്രകാരം ചോർന്ന ഡാറ്റബേസുകളിലൊന്നിൽ വ്യക്​തികളുടെ പേരുകളും അവരുടെ ഇമെയിൽ വിലാസങ്ങളും മൊബൈൽ നമ്പറുകളുമാണുള്ളത്​. മറ്റൊന്നിൽ പലരും സംഭാവന നൽകിയ വിവരങ്ങളും (ബാങ്ക്​ റെഫറൻസ്​ നമ്പർ, പേയ്​മെൻറ്​ മോഡുകൾ എന്നിവ). രണ്ടാമത്തെ ഡാറ്റാബേസിൽ, കോവിഡ് -19 ദുരിതാശ്വാസം, സ്വച്ഛ് ഭാരത്, മറ്റ് ദേശീയ പ്രശ്നങ്ങൾ എന്നിവക്കായി സംഭാവനകൾ നൽകിയതും, കൂടെ ബിജെപി പാർട്ടിക്ക്​ വേണ്ടിയുള്ള രാഷ്ട്രീയ സംഭാവനകളെ കുറിച്ചുമാണുള്ളത്​.

ഇ-മെയിൽ ഹാക്കിങ്ങും ടെക്​സ്റ്റ്​ മെസ്സേജ്​ സ്​പാമിങ്ങും പോലുള്ള സൈബർ കുറ്റകൃത്യങ്ങൾക്കായി വീണ്ടും ഉപയോഗിക്കപ്പെടാൻ സാധ്യതയുള്ള വിവരങ്ങളാണ്​ ഡാർക്ക്​ വെബ്ബിലുള്ളതെന്നും ഗവേഷകർ അറിയിച്ചിട്ടുണ്ട്​. അതേസമയം സൈബിൾ ലഭ്യമായ വിവരങ്ങളെല്ലാം തന്നെ അവരുടെ വെബ്​സൈറ്റായ AmIBreached.com. -ഇൽ നൽകിയിട്ടുണ്ട്​. ​പ്രധാനമന്ത്രിയുടെ സ്വകാര്യ വെബ്​സൈറ്റിൽ (NarendraModi.in) രജിസ്റ്റർ ചെയ്​തിട്ടുള്ളവർ സൈബിളി​െൻറ സൈറ്റിൽ പോയി അപകട സാധ്യതകളെ കുറിച്ച്​ പഠിച്ച്​ മുൻകരുതലെടുക്കണമെന്നും ബന്ധപ്പെട്ടവർ അറിയിച്ചിട്ടുണ്ട്​​.

Show Full Article
TAGS:PM Narendra Modi Dark Web Modi Website 
Next Story