Begin typing your search above and press return to search.
proflie-avatar
Login
exit_to_app
exit_to_app
Homechevron_rightTECHchevron_rightTech Newschevron_rightക്ലബ്​ഹൗസ്​...

ക്ലബ്​ഹൗസ്​ ഉപയോക്താക്കളുടെ ഫോൺ നമ്പറുകൾ ഡാർക്ക്​വെബിൽ വിൽപനക്ക്​; ലോഗിൻ ചെയ്​തില്ലെങ്കിലും പേടിക്കണം

text_fields
bookmark_border
ക്ലബ്​ഹൗസ്​ ഉപയോക്താക്കളുടെ ഫോൺ നമ്പറുകൾ ഡാർക്ക്​വെബിൽ വിൽപനക്ക്​; ലോഗിൻ ചെയ്​തില്ലെങ്കിലും പേടിക്കണം
cancel

ന്യൂഡൽഹി: ദശലക്ഷക്കണക്കിന്​ ക്ലബഹൗസ്​ ഉപയോക്താക്കളുടെ മൊബൈൽ നമ്പറുകൾ ഡാർക്ക്​ വെബിൽ വിൽപനക്ക്​. മൊബൈൽ നമ്പർ ഒഴികെ മറ്റ്​ സ്വകാര്യ വിവരങ്ങൾ ഒന്നും ഓഡിയോ ചാറ്റ്​ അപ്ലിക്കേഷനായ ക്ലബ്​ഹൗസിൽ നൽകേണ്ടതില്ല. ലക്ഷക്കണക്കിനാളുകളുടെ നമ്പറുകൾ വിൽപനക്ക്​ വെച്ച കാര്യം സെബർ സുരക്ഷ വിദഗ്​ധനായ ജിതൻ ജെയിനാണ്​ ട്വീറ്റ്​ ചെയ്​തത്​.

ഉപയോക്​താക്കളു​െട കോൺടാക്​ട്​ ലിസ്റ്റിൽ ബന്ധപ്പെടുത്തി വെച്ച നമ്പറുകളും അക്കൂട്ടത്തില​ുള്ളതിനാൽ നിങ്ങൾ ക്ലബ്​ ഹൗസിൽ ഇതുവരെ അക്കൗണ്ട്​ തുടങ്ങിയിട്ടില്ലെങ്കിലും നമ്പറുകൾ ഡാർക്ക്​ വെബിലെത്താൻ സാധ്യതയുണ്ടെന്നാണ്​ ജെയിൻ പറയുന്നത്​. വിഷയത്തിൽ ക്ലബ്​ ഹൗസ്​ ഇതുവരെ പ്രതികരിച്ചിട്ടില്ല.

എന്നാൽ ഹാക്കർ പേരുകൾ ഇല്ലാതെ ഫോൺ നമ്പറുകൾ മാത്രമാണ്​ വിൽക്കാൻ വെച്ചതെന്ന്​ സ്വതന്ത്ര സുരക്ഷ ഗവേഷകനായ രാജശേഖർ രജാരിയ പറഞ്ഞു. 'പേരോ ചിത്രങ്ങളോ വിവരങ്ങളോ ലഭ്യമല്ല. ഫോൺ നമ്പറുകളുടെ പട്ടിക എളുപ്പത്തിൽ എടുക്കാം. ഡേറ്റ ചോർന്നതായുള്ള അവകാശവാദം വ്യാജമാണെന്നാണ്​ തോന്നുന്നത്​'-രജാരിയ ഐ.എ.എൻ.എസിനോട്​ പറഞ്ഞു​.

ക്ലബ്​ ഹൗസ്​ ആപ്പിന്​ സാ​ങ്കേതിക സഹായങ്ങൾ ചെയ്​ത ഷാങ്​ഹായ്​ കേന്ദ്രമായ 'അഗോര' ചൈനീസ്​ സർക്കാറിന്​ വിവരങ്ങൾ ചോർത്തി നൽകുമെന്ന്​ യു.എസിലെ സ്റ്റാൻഫോർഡ്​ സർവകലാശാല മുന്നറിയിപ്പ്​ നൽകിയിരുന്നു.

ഇപ്പോൾ 'ക്ഷണം' ആവശ്യമില്ലാതെ ആർക്കും ക്ലബ്​ ഹൗസിൽ ചേരാനുള്ള അവസരം ഒരുക്കിയിരുന്നു. മേയ്​ മധ്യ​ത്തോടെ ആൻഡ്രോയ്​ഡ്​ ഓപറേറ്റിങ്​ സിസ്റ്റത്തിൽ കൂടി അവതരിപ്പിച്ചതോടെ 10 ദശലക്ഷം ഉപയോക്താക്കളെ കൂടി ക്ലബ്​ഹൗസിൽ എത്തിക്കാനായതായി കമ്പനി അവകാശപ്പെട്ടിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:dark webClubhouse
News Summary - Clubhouse users’ phone numbers up for sale on dark web
Next Story