ചൈ​നീ​സ് നി​ക്ഷേ​പ ആ​പ്: ഇ.​ഡി 46 കോ​ടി പി​ടി​ച്ചെ​ടു​ത്തു

ന്യൂ​ഡ​ൽ​ഹി: വി​വി​ധ അ​ന​ധി​കൃ​ത നി​ക്ഷേ​പ​ങ്ങ​ൾ ന​ട​ത്തു​ന്ന ചൈ​നീ​സ് ആ​പ്പു​ക​ൾ​ക്കെ​തി​രെ ന​ട​പ​ടി തു​ട​ർ​ന്ന് എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റ് (ഇ.​ഡി). വി​വി​ധ പേ​മെ​ന്റ് ഗേ​റ്റ് വേ ​അ​ക്കൗ​ണ്ടു​ക​ളി​ലും യു.​പി.​ഐ അ​ക്കൗ​ണ്ടു​ക​ളി​ലും ചൈ​നീ​സ് ക​മ്പ​നി​ക​ൾ സൂ​ക്ഷി​ച്ച 46 കോ​ടി​യി​ലേ​റെ രൂ​പ ഇ.​ഡി റെ​യ്ഡി​ൽ ക​ണ്ടെ​ത്തി. ഈ​സ്ബ​സ്, റേ​സ​ർ​പേ, കാ​ഷ്ഫ്രീ, ​പേ​ടി​എം എ​ന്നീ ഓ​ൺ​ലൈ​ൻ പ​ണ​മി​ട​പാ​ട് അ​ക്കൗ​ണ്ടു​ക​ളി​ൽ ഇ​ട​പാ​ട് ന​ട​ത്തു​ന്ന പ​ണ​മാ​ണ് ക​ണ്ടെ​ത്തി മ​ര​വി​പ്പി​ച്ച​ത്.

ഡ​ൽ​ഹി, മും​ബൈ, ഗാ​സി​യാ​ബാ​ദ്, ല​ഖ്നോ, ഗ​യ എ​ന്നി​വി​ട​ങ്ങ​ളി​ലാ​ണ് റെ​യ്ഡ് ന​ട​ത്തി​യ​ത്. വി​വി​ധ​യി​ട​ങ്ങ​ളി​ലെ ബാ​ങ്കു​ക​ളി​ലും പ​രി​ശോ​ധ​ന ന​ട​ത്തി. എ​ച്ച്.​പി.​ഇ​സ​ഡ് എ​ന്ന ആ​പ്പി​നെ​തി​രെ​യാ​ണ് കേ​​സെ​ടു​ത്ത​ത്. പു​ണെ​യി​ലെ ഈ​സ്ബ​സി​ൽ ഇ​ട​പാ​ടു​ണ്ടാ​യി​രു​ന്ന 33.36 കോ​ടി രൂ​പ​യും ബം​ഗ​ളൂ​രു​വി​ലെ റേ​സ​ർ​പേ സോ​ഫ്റ്റ്​​വെ​യ​റി​ൽ​നി​ന്ന് 8.21 കോ​ടി​യു​മാ​ണ് ക​ണ്ടെ​ടു​ത്ത​ത്. ന്യൂ​ഡ​ൽ​ഹി​യി​ൽ പേ​ടി​എ​മ്മി​ൽ 1.11 കോ​ടി​യും നി​ക്ഷേ​പി​ച്ചി​രു​ന്നു. ത​ങ്ങ​ളു​ടെ പ​ണ​മ​ല്ല ഇ.​ഡി പി​ടി​ച്ചെ​ടു​ത്ത​തെ​ന്ന് പേ​ടി​എം അ​ധി​കൃ​ത​ർ അ​റി​യി​ച്ചു.

ഖ​ന​ന യ​ന്ത്ര​ങ്ങ​ൾ, ബി​റ്റ്കോ​യി​ൻ, മ​റ്റ് ക്രി​പ്റ്റോ ക​റ​ൻ​സി​ക​ൾ എ​ന്നി​വ​യി​ലേ​ക്കാ​ണ് ചൈ​നീ​സ് ആ​പ് നി​ക്ഷേ​പം സ്വീ​ക​രി​ക്കു​ന്ന​ത്. ഇ​ര​ട്ടി ലാ​ഭ​മാ​ണ് നി​ശ്ചി​ത കാ​ല​യ​ള​വി​ലേ​ക്ക് വാ​ഗ്ദാ​നം ​ചെ​യ്യു​ന്ന​ത്. വി​വി​ധ യു.​പി.​ഐ അ​ക്കൗ​ണ്ട് വ​ഴി​യാ​ണ് നി​ക്ഷേ​പം സ്വീ​ക​രി​ക്കു​ന്ന​ത്. കു​റ​ച്ച് തു​ക നി​ക്ഷേ​പ​ക​ർ​ക്ക് ലാ​ഭ​മെ​ന്ന രീ​തി​യി​ൽ തി​രി​ച്ചു​ന​ൽ​കും. ബാ​ക്കി തു​ക വി​വി​ധ അ​ക്കൗ​ണ്ടു​ക​ളി​ലേ​ക്ക് മാ​റ്റും. പി​ന്നീ​ട് ആ​പ് ത​ന്നെ ഇ​ല്ലാ​താ​കു​ന്ന അ​വ​സ്ഥ​യു​മു​ണ്ടെ​ന്ന് ഇ.​ഡി അ​റി​യി​ച്ചു.