ഐഫോൺ 13 വാങ്ങാൻ ഒരു ശരാശരി ഇന്ത്യക്കാരൻ എത്ര മണിക്കൂർ ജോലി ചെയ്യണം..? ഗവേഷകർ കണ്ടെത്തിയത്​ ഇതാണ്​...!

ആപ്പിൾ കഴിഞ്ഞ ദിവസം ലോഞ്ച്​ ചെയ്​ത ഫ്ലാഗ്​ഷിപ്പ്​ ഫോൺ ഐഫോൺ 13 -​െൻറ 128 ജിബി മോഡൽ വാങ്ങാൻ ഒരു ശരാശരി ഇന്ത്യക്കാരന് 724.2 മണിക്കൂർ ജോലി ചെയ്യേണ്ടിവരും. 79,900 രൂപയാണ്​ 13​െൻറ വില. അതേസമയം, ഐഫോൺ 13 മിനി വാങ്ങാൻ 633 മണിക്കൂറുകളും 13 ​പ്രോ വാങ്ങാൻ 1086 മണിക്കൂറുകളും 13 പ്രോ മാക്​സ്​ വാങ്ങാൻ 1175 മണിക്കൂറുകളും ഇന്ത്യക്കാരൻ കഠിനാധ്വാനം ചെയ്യണം.

ബ്രിട്ടീഷ് സ്ഥാപനമായ മണിസൂപ്പർമാർക്കറ്റ്​ നടത്തിയ ഗവേഷണത്തിലൂടെ കണ്ടെത്തിയ ഡാറ്റയിലാണ്​ ഇക്കാര്യങ്ങൾ പറയുന്നത്​. ഇൗ കണക്കുകൂട്ടലുകൾക്കായി കമ്പനി തൊഴിലാളികളുടെ ശരാശരി പ്രതിമാസ ശമ്പളമാണ്​ ഉപയോഗിച്ചത്​.

ഒരു ഐഫോൺ 13 വാങ്ങാൻ ഏറ്റവും കൂടുതൽ സമയം ജോലി ചെയ്യേണ്ടിവരുന്നത്​ ഫിലിപ്പീൻസുകാർക്കാണ് (775.3 മണിക്കൂറുകൾ) അതായത്​ 97 ദിവസങ്ങൾ​. ഫിലിപ്പീൻസിൽ അമേരിക്കയിലുള്ളതിനേക്കാൾ 149 ഡോളർ അധികം നൽകിയാൽ മാത്രമേ ഐഫോൺ 13 വാങ്ങാൻ കഴിയൂ.

എന്നാൽ സ്വിറ്റ്​സർലാൻഡുകാർക്ക്​ വെറും 34.3 മണിക്കൂർ നേരം ജോലി ചെയ്​താൽ പുതിയ ഐഫോൺ 13 സ്വന്തമാക്കാമെന്നും ഗവേഷകർ ചൂണ്ടിക്കാട്ടുന്നു. ഒരാഴ്​ച്ച പോലും ജോലി ചെയ്യേണ്ടിവരില്ലെന്ന്​ ചുരുക്കം.

ബ്രസീലുകാർക്കാണ്​ ഐഫോൺ 13ന്​ ഏറ്റവും വലിയ വില നൽകേണ്ടിവരുന്നതെന്നും മണിസൂപ്പർമാർക്കറ്റ്​ പറയുന്നു. 1,449 ഡോളറാണ്​ അവിടെ ഫോണി​െൻറ വില. 1.8 ലക്ഷം രൂപ. അമേരിക്കയിൽ ഉള്ളതിനേക്കാൾ 572 ഡോളർ അധികം വരുമത്​. ശരാശരി ശമ്പളം ലഭിക്കുന്ന ആളുകൾക്ക് പുതിയ ഐഫോൺ വാങ്ങാൻ പോന്നത്ര പണം സമ്പാദിക്കാൻ 690.5 മണിക്കൂർ ജോലി ചെയ്യേണ്ടി വരും - അതായത് ഏകദേശം 86 ദിവസം, അല്ലെങ്കിൽ 2.8 മാസം.

എന്നാൽ, ഏറ്റവും കുറഞ്ഞ വിലയിൽ ഫോൺ ലഭിക്കുന്ന രാജ്യം ഹോങ്കോങ്​ ആണ്​. 128 ജിബിക്ക്​ അവിടെ 874 ഡോളറാണ്​ വില. യുഎസിലെ ചില ആളുകൾക്ക് കുറഞ്ഞ പ്രാദേശിക നികുതികളുടെ ഫലമായി കുറഞ്ഞ വിലയ്ക്ക് ($ 829) 13-ാമനെ സ്വന്തമാക്കാൻ കഴിയുമെങ്കിലും, രാജ്യത്തുടനീളമുള്ള ശരാശരി വില 877 ഡോളറോളം വരും.

മണിസൂപ്പർമാർക്കറ്റ്​ പുറത്തുവിട്ട ഡാറ്റ