'ഫുട്ബാൾ ആ​രാ​ധ​ക​രുടെ ശ്രദ്ധക്ക്'; നി​ങ്ങ​ൾ നി​ർ​മി​ത​ബു​ദ്ധി​യു​ടെ നി​രീ​ക്ഷ​ണ​ത്തി​ലാ​ണ്

ദോ​ഹ: നൂ​റു​ക​ണ​ക്കി​ന് പൊ​ലീ​സി​ന്റെ ചാ​ര​ക്ക​ണ്ണു​ക​ൾ സ്റ്റേ​ഡി​യം പ​രി​സ​ര​ത്തും ആ​ളു​കൂ​ടു​ന്ന ഇ​ട​ങ്ങ​ളി​ലും ആ​രാ​ധ​ക​രെ നി​രീ​ക്ഷി​ച്ചു​കൊ​ണ്ടി​രി​ക്കു​ന്ന​ത് പ​തി​വു​കാ​ഴ്ച​യാ​യി​രി​ക്കാം. എ​ന്നാ​ൽ, ഈ ​ലോ​ക​ക​പ്പി​ൽ ഖ​ത്ത​ർ അ​തെ​ല്ലാം മാ​റ്റി​യെ​ഴു​തു​ക​യാ​ണ്. ക​ളി കാ​ണാ​ൻ സ്റ്റേ​ഡി​യ​ത്തി​ലെ​ത്തു​ന്നു​ണ്ടോ...? എ​ട്ടു സ്റ്റേ​ഡി​യ​ങ്ങ​ളി​ലെ 22000 സെ​ക്യൂ​രി​റ്റി കാ​മ​റ​ക​ളും ദോ​ഹ​യി​ലെ വി​ശാ​ല​മാ​യ മു​റി​യി​ൽ നി​ര​ത്തി​യി​ട്ടി​രി​ക്കു​ന്ന നൂ​റു​ക​ണ​ക്കി​ന് ക​മ്പ്യൂ​ട്ട​ർ സ്ക്രീ​നു​ക​ളും നി​ങ്ങ​ളെ നോ​ട്ട​മി​ട്ടു​കൊ​ണ്ടി​രി​ക്കു​ന്നു​ണ്ട്.

12 ല​ക്ഷം പേ​ർ ഖ​ത്ത​റി​ൽ ഇ​ക്കു​റി ക​ളി കാ​ണാ​നെ​ത്തു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. അ​വ​രു​ടെ സ​ഞ്ചാ​ര​വും നീ​ക്ക​ങ്ങ​ളും സു​ഗ​മ​മാ​ക്കാ​ൻ ഒ​രു ടെ​ക് ഹ​ബ് ത​ന്നെ ഒ​രു​ക്കു​ക​യാ​ണ് ആ​തി​ഥേ​യ രാ​ജ്യം. ഈ ​ടെ​ക് ഹ​ബി​നെ നി​യ​ന്ത്രി​ക്കു​ന്ന​താ​ക​ട്ടെ, നി​ർ​മി​ത​ബു​ദ്ധി ക​മ്പ്യൂ​ട്ട​റു​ക​ളും. ആ​രാ​ധ​ക​രെ നി​രീ​ക്ഷി​ക്കാ​നും അ​നി​യ​ന്ത്രി​ത​മാ​യേ​ക്കാ​വു​ന്ന തി​ര​ക്കു​ക​ൾ പ്ര​വ​ചി​ക്കാ​നും സ്റ്റേ​ഡി​യ​ത്തി​ലെ താ​പ​നി​ല നി​യ​ന്ത്രി​ക്കാ​നു​മ​ട​ക്കം നി​ർ​മി​ത​ബു​ദ്ധി ഉ​പ​യോ​ഗി​ക്കു​ന്ന​തി​നാ​ണ് ഖ​ത്ത​റി​ന്റെ ഒ​രു​ക്കം.

22000 കാ​മ​റ​ക​ൾ, ര​ണ്ടു​ല​ക്ഷം ഇ​ന്റ​ഗ്രേ​റ്റ​ഡ് യൂ​നി​റ്റു​ക​ൾ...

ആ​സ്പ​യ​ർ ക​മാ​ൻ​ഡ് ആ​ൻ​ഡ് ക​ൺ​ട്രോ​ൾ സെ​ന്റ​റി​ലാ​ണ് ടെ​ക് ഹ​ബ് ഒ​രു​ക്കി​യി​ട്ടു​ള്ള​ത്. നൂ​റി​ലേ​റെ സാ​ങ്കേ​തി​ക വി​ദ​ഗ്ധ​രെ ഇ​തി​നാ​യി വി​ന്യ​സി​ച്ചി​ട്ടു​ണ്ട്. 22000 കാ​മ​റ​ക​ളി​ൽ നി​ന്നു​ള്ള ര​ണ്ടു​ല​ക്ഷം ഇ​ന്റ​ഗ്രേ​റ്റ​ഡ് യൂ​നി​റ്റു​ക​ൾ ഈ ​ടെ​ക്നീ​ഷ്യ​ൻ​സ് സൂ​ക്ഷ്മ​മാ​യി നീ​രി​ക്ഷി​ച്ചു​കൊ​ണ്ടി​രി​ക്കും. ഈ ​സം​വി​ധാ​നം ഉ​പ​യോ​ഗി​ച്ച് എ​ൻ​ട്രി ഗേ​റ്റു​ക​ൾ ഓ​പ്പ​റേ​റ്റ് ചെ​യ്യാ​നും ജ​ല​വി​ത​ര​ണം ഉ​റ​പ്പു​വ​രു​ത്താ​നും എ​യ​ർ ക​ണ്ടീ​ഷ​ന​റു​ക​ൾ സു​ഗ​മ​മാ​യി പ്ര​വ​ർ​ത്തി​പ്പി​ക്കാ​നും ക​ഴി​യും. സൈ​ബ​ർ സു​ര​ക്ഷ, ഭീ​ക​ര​വി​രു​ദ്ധ വി​ദ​ഗ്ധ​ർ മു​ത​ൽ ഗ​താ​ഗ​ത മേ​ഖ​ല​യി​ലെ പ​രി​ച​യ​സ​മ്പ​ന്ന​ര​ട​ക്ക​മു​ള്ള​വ​ർ വ​രെ ടെ​ക് ഹ​ബി​ലു​ണ്ടാ​കും.

ഫൈ​ന​ൽ ന​ട​ക്കു​ന്ന ലു​സൈ​ൽ സ്റ്റേ​ഡി​യ​ത്തി​ൽ 80,000 പേ​ർ​ക്കി​രു​ന്ന് ക​ളി കാ​ണാം. പ​ത്തു മ​ത്സ​ര​ങ്ങ​ൾ​ക്കാ​ണ് ലു​സൈ​ൽ വേ​ദി​യൊ​രു​ക്കു​ന്ന​ത്. ഇ​വി​ടെ, മു​ഖം തി​രി​ച്ച​റി​ഞ്ഞു​ള്ള ഫേ​ഷ്യ​ൽ റെ​ക​ഗ്നി​ഷ​ൻ ടെ​ക്നോ​ള​ജി സം​വി​ധാ​നി​ക്കും. അ​തു​വ​ഴി 80,000 സീ​റ്റി​ലു​മി​രി​ക്കു​ന്ന ഓ​രോ കാ​ണി​യു​ടെ​യും മു​ഖം സൂം ​ചെ​യ്ത് നി​രീ​ക്ഷി​ക്കാ​നാ​വും. ഓ​രോ സ്റ്റേ​ഡി​യ​ത്തി​ലെ​യും സു​ര​ക്ഷാ കാ​മ​റ​ക​ളി​ൽ​നി​ന്നു​ള്ള ദൃ​ശ്യ​ങ്ങ​ൾ മ​ത്സ​ര​ത്തി​ന് മു​മ്പും മ​ത്സ​രം ന​ട​ക്കു​മ്പോ​ഴും ശേ​ഷ​വും വി​ശ​ദ​മാ​യി പ​രി​ശോ​ധി​ക്കും. കേ​ന്ദ്രീ​കൃ​ത പ്ലാ​റ്റ്ഫോം വ​ഴി എ​ല്ലാം സം​യോ​ജി​പ്പി​ച്ച​തി​നാ​ൽ ഒ​രൊ​റ്റ ക്ലി​ക്ക് വ​ഴി ഒ​രു സ്റ്റേ​ഡി​യ​ത്തി​ൽ​നി​ന്ന് അ​ടു​ത്ത​തി​ലേ​ക്ക് മാ​റാം.

'പ​ര​സ്പ​രം ബ​ന്ധി​ച്ച സ്റ്റേ​ഡി​യം'​എ​ന്ന ആ​ശ​യം ഇ​താ​ദ്യ​മാ​യാ​ണ് ലോ​ക​ക​പ്പി​ൽ അ​വ​ത​രി​പ്പി​ക്ക​പ്പെ​ടു​ന്ന​ത്. പെ​ട്ടെ​ന്ന് തി​ര​ക്ക് രൂ​പ​പ്പെ​ടാ​നു​ള്ള സാ​ഹ​ച​ര്യ​ങ്ങ​ൾ ഉ​ണ്ടാ​കു​ന്ന പ​ക്ഷം, സു​ര​ക്ഷ ഉ​ദ്യോ​ഗ​സ്ഥ​ർ​ക്ക് ടെ​ക് ഹ​ബി​ൽ​നി​ന്ന് ഉ​ട​ൻ വി​വ​ര​ങ്ങ​ൾ കൈ​മാ​റും. ക​ഴി​ഞ്ഞ മേ​യി​ൽ പാ​രി​സി​ലെ സ്റ്റേ​ഡ് ഡി ​ഫ്രാ​ൻ​സി​ൽ ന​ട​ന്ന ചാ​മ്പ്യ​ൻ​സ് ലീ​ഗ് ഫൈ​ന​ലി​നി​ടെ​യു​ണ്ടാ​യ അ​നി​ഷ്ട സം​ഭ​വ​ങ്ങ​ൾ​ക്ക് സ​മാ​ന​മാ​യ സം​ഭ​വ​ങ്ങ​ൾ ആ​വ​ർ​ത്തി​ക്കാ​തി​രി​ക്കു​ക​യാ​ണ് പ്ര​ധാ​ന ഉ​ന്നം. വി​റ്റ​ഴി​ഞ്ഞ ടി​ക്ക​റ്റു​ക​ളു​ടെ എ​ണ്ണ​ത്തെ അ​ടി​സ്ഥാ​ന​മാ​ക്കി​യാ​വും ക്രൗ​ഡ് മാ​നേ​ജ്മെ​ന്റ് നീ​ക്ക​ങ്ങ​ൾ. ഇ​തി​നാ​യി ക്രൗ​ഡ് ക​ൺ​ട്രോ​ൾ ടീ​മും ഗ്രൗ​ണ്ടി​ലെ സെ​ക്യൂ​രി​റ്റി സ്റ്റാ​ഫും സു​സ​ജ്ജ​മാ​യി​രി​ക്കു​മെ​ന്ന് സെ​ന്റ​റി​ലെ ചീ​ഫ് ടെ​ക്നോ​ള​ജി ഓ​ഫി​സ​ർ നി​യാ​സ് അ​ബ്ദു​റ​ഹി​മാ​ൻ പ​റ​ഞ്ഞു.

ത​ണു​പ്പ് കു​റ​വു​ണ്ടോ? ഉ​ട​ൻ പ​രി​ഹ​രി​ക്കും

നി​ർ​മി​ത ബു​ദ്ധി​യു​ടെ സ​ഹാ​യ​ത്തോ​ടെ ഒ​രു നി​ശ്ചി​ത ഇ​ട​ത്തി​ലു​ള്ള ആ​ളു​ക​ളു​ടെ എ​ണ്ണം നി​ർ​ണ​യി​ക്കാ​നാ​വും. അ​തു​വ​ഴി എ​ൻ​ട്രി ഗേ​റ്റ് ഏ​തു​വി​ധം പ്ര​വ​ർ​ത്തി​ക്കു​ന്നു​വെ​ന്ന് മ​ന​സ്സി​ലാ​ക്കി സ്റ്റേ​ഡി​യ​ത്തി​ന​ക​ത്തേ​ക്കും പു​റ​ത്തേ​ക്കു​മു​ള്ള പ്ര​വേ​ശ​നം സു​ഗ​മ​മാ​ക്കും. സ്റ്റേ​ഡി​യ​ത്തി​ന​ക​ത്തെ എ​യ​ർ ക​ണ്ടീ​ഷ​ന​റു​ക​ളു​ടെ പ്ര​വ​ർ​ത്ത​ന​ത്തി​ൽ വ​ല്ല പ്ര​ശ്ന​ങ്ങ​ളും ക​ണ്ടാ​ൽ ക​മാ​ൻ​ഡ് സെ​ന്റ​റി​ൽ​നി​ന്നു​ള്ള സെ​ൻ​സ​റു​ക​ൾ ഡേ​റ്റ സ്വീ​ക​രി​ച്ച് അ​തി​ന​നു​സ​രി​ച്ച് ക്ര​മീ​ക​ര​ണം വ​രു​ത്തും. ഏ​തു​ത​രം ഭീ​ഷ​ണി​ക​ളെ​യും നേ​രി​ടാ​ൻ സൈ​ബ​ർ സു​ര​ക്ഷ വി​ങ്ങും പ്ര​വ​ർ​ത്ത​ന​സ​ജ്ജ​മാ​കും.

ഭാ​വി​യി​ൽ മ​ത്സ​ര​ങ്ങ​ളു​ടെ സ​സൂ​ക്ഷ്മ നി​രീ​ക്ഷ​ണ​ത്തി​ലേ​ക്കു​ള്ള മാ​തൃ​ക കൂ​ടി​യാ​ണ് ഖ​ത്ത​ർ ലോ​ക​ക​പ്പ് തു​റ​ക്കു​ന്ന​ത്. ഖ​ത്ത​റി​ൽ ന​ട​ന്ന 2006 ഏ​ഷ്യ​ൻ ഗെ​യിം​സി​ൽ സേ​വ​ന​മ​നു​ഷ്ഠി​ച്ച ടെ​ക്നീ​ഷ്യ​ന്മാ​രി​ൽ പ​ല​രും പു​തി​യ സം​ഘ​ത്തി​ലു​മു​ണ്ട്, കൂ​ടു​ത​ൽ വൈ​ദ​ഗ്ധ്യ​വും പു​തി​യ ഉ​പ​ക​ര​ണ​ങ്ങ​ളു​മാ​യി.