Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTECHchevron_rightTech Newschevron_rightചൈനയിൽ പോയി ജോലി...

ചൈനയിൽ പോയി ജോലി ചെയ്യാമോ...? ബോണസായി വലിയ തുക നൽകുമെന്ന്​​​ ആപ്പിൾ

text_fields
bookmark_border
apple-i-phone
cancel

തങ്ങൾക്കെതിരെ പ്രവർത്തിക്കുന്ന ജീവനക്കാർക്കെതിരെ കടുത്ത നടപടിയെടുക്കുന്ന ശീലമുണ്ട്​ അമേരിക്കൻ ടെക്​ ഭീമനായ ആപ്പിളിന്​. അതേസമയം, കമ്പനിക്ക്​​ വേണ്ടി ഉത്സാഹത്തോടെ പ്രവർത്തിക്കുന്ന തൊഴിലാളികളെ സ്​നേഹം കൊണ്ട്​ വീർപ്പുമുട്ടിക്കാനും അവർക്കറിയാം. കോവിഡ്​ മഹാമാരിയുടെ കാലത്ത്​ ചൈനയിലുള്ള തങ്ങളുടെ എണ്ണമറ്റ ജീവനക്കാർക്ക് ആപ്പിൾ, കെയർ പാക്കേജുകൾ അയച്ചത്​ വലിയ വാർത്തയായിരുന്നു.

എന്നാൽ, ഇപ്പോൾ ബിസിനസ്​ ആവശ്യങ്ങൾക്കായി ചൈനയിലേക്ക്​ മടങ്ങാൻ ജീവനക്കാരെ പ്രോത്സാഹിപ്പിക്കുന്നതിനായി ഭീമൻ ബോണസാണ്​ ആപ്പിൾ പ്രഖ്യാപിച്ചിരിക്കുന്നത്​​​. ചൈനയിലേക്ക്​ പോകേണ്ട ജീവനക്കാർക്ക്​ ഏർപ്പെടുത്തിയ യാത്രാ വിലക്ക് കഴിഞ്ഞ ഒക്​ടോബറിൽ​ കമ്പനി നീക്കിയിരുന്നു. അതിന്​ പിന്നാലെ, ​ഏഷ്യൻ രാജ്യത്തേക്ക്​ യാത്ര ചെയ്യാൻ സന്നദ്ധരാകുന്ന ജീവനക്കാർക്ക്​ അവിടുത്തെ കടുപ്പമേറിയ കോവിഡ്​ സുരക്ഷാ മാനദണ്ഡങ്ങൾ പാലിക്കുന്നതിനായി വലിയ തുകയും​ ബോണസായി​ നൽകുമെന്ന്​ അറിയിച്ചു​.

മുമ്പ്, ചൈനയിലേക്ക് യാത്ര ചെയ്യുന്ന ആപ്പിൾ ജീവനക്കാർക്ക് 10 ദിവസത്തെ ബിസിനസ്സ് യാത്ര നടത്തി അമേരിക്കയിലേക്ക്​ മടങ്ങാമായിരുന്നു. എന്നാൽ, പുതിയ പ്രോട്ടോക്കോളുകൾ അനുസരിച്ച്, ചൈനയിലേക്ക്​ യാത്ര ചെയ്യുന്ന ഏതൊരു ജോലിക്കാരനും കുറഞ്ഞത് ആറ് ആഴ്ചയെങ്കിലും അവിടെ താമസിക്കേണ്ടതുണ്ട്, കാരണം, രണ്ടാഴ്​ച്ചയോളം അവിടെ ​െഎസൊലേഷനിൽ കഴിയണം.

ഇൗ 14 ദിവസങ്ങളിൽ കമ്പനി തെരഞ്ഞെടുത്ത ചെലവ്​ കുറഞ്ഞ ഹോട്ടലുകളിൽ കഴിയണം. അവർക്ക്​ ഹോട്ടലുകളിൽ നിന്നുള്ള ഭക്ഷണവും ലഭിക്കുകയില്ല. ചൈന ഇൗസ്​റ്റേൺ എയർലൈൻസ്​ ജീവനക്കാർ നൽകുന്ന ഭക്ഷണം കഴിച്ച്​ വേണം രണ്ടാഴ്​ച കഴിയാൻ​. വസ്​ത്രങ്ങളും സ്വയം വൃത്തിയാക്കേണ്ടതുണ്ട്​. ഇത്തരം സാഹചര്യത്തിലൂടെ കടന്നുപോകുന്നത്​ തൊഴിയാളികൾക്ക്​ ബുദ്ധിമുട്ടാണെന്ന്​ മനസിലാക്കിക്കൊണ്ടാണ്​, ആപ്പിൾ, ചൈനയിലേക്ക്​ പോകാൻ സന്നദ്ധരാകുന്ന തൊഴിലാളിക്ക്​ ദിവസം 500 ഡോളർ (37,315 രൂപ) ബോണസ്​ വാഗ്​ദാനം ചെയ്യുന്നത്​.

Show Full Article
TAGS:Apple China 
Web Title - Apple Is Giving a Hefty Bonus to Employees That Are Willing to Work from China
Next Story