Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTECHchevron_rightTech Newschevron_rightഓരോ മനുഷ്യനും...

ഓരോ മനുഷ്യനും ജീവിതത്തിൽ സ്​മാർട്ട്​ഫോണുകളിൽ ചെലവഴിക്കുന്നത് ശരാശരി​ ഒമ്പത്​ വർഷങ്ങളെന്ന്​ പഠനം

text_fields
bookmark_border
ഓരോ മനുഷ്യനും ജീവിതത്തിൽ സ്​മാർട്ട്​ഫോണുകളിൽ ചെലവഴിക്കുന്നത് ശരാശരി​ ഒമ്പത്​ വർഷങ്ങളെന്ന്​ പഠനം
cancel

നമ്മൾ ഒാരോരുത്തരും ഇന്ന്​ ഏറ്റവും കൂടതൽ സമയം ചെലവഴിക്കുന്നത്​ എങ്ങനെയാണെന്ന്​​ നാം തന്നെ ചെറിയൊരു പഠനം നടത്തിനോക്കിയാൽ, ഭൂരിഭാഗം പേർക്കും ഉത്തരമായി കിട്ടുക 'ഡിജിറ്റൽ സ്​ക്രീനിൽ ഉറ്റനോക്കി'ക്കൊണ്ട്​ എന്നായിരിക്കും. അതിൽ ഏറ്റവും മുമ്പിലുണ്ടാവുക സ്​മാർട്ട്​ഫോൺ സ്​ക്രീനുകളുമായിരിക്കും. വെറുതെയിരിക്കുന്ന സമയം എന്നൊന്ന്​ ഇന്നില്ല. അത്​ ന്യൂസ്​ ഫീഡുകളിലൂടെയുള്ള പരക്കംപാച്ചിലും ഒാൺലൈൻ ഗെയിമുകളിൽ മുഴുകലുമൊക്കെയായി രൂപാന്തരം പ്രാപിച്ചുകഴിഞ്ഞു.

അടുത്തിടെയുള്ള ഒരു പഠനം വെളിപ്പെടുത്തുന്നത്​ ഒരു ശരാശരി മനുഷ്യൻ ത​െൻറ ജീവിതത്തിൽ സ്​മാർട്ട്​ഫോൺ സ്​ക്രീനിൽ ഉറ്റുനോക്കുന്ന സമയം അളന്ന്​ തിട്ടപ്പെടുത്തിയാൽ അത്​ ഒമ്പത്​ വർഷത്തോളം വരുമെന്നാണ്​​​. മൊബൈലുകൾ താരതമ്യം​ ചെയ്യുന്ന വെബ്​സൈറ്റായ വിസിൽഒൗട്ട് (WhistleOut)​ നടത്തിയ പഠനത്തിലാണ്​ ഞെട്ടിക്കുന്ന വിവരമുള്ളത്​.

മനുഷ്യൻ അവ​െൻറ ജീവിതകാലത്ത്​ 76,500 മണിക്കൂറുകൾ സ്​മാർട്ട്​ഫോണുകളിൽ മാത്രം ചെലവഴിക്കുന്നുണ്ടത്രേ.. ഇത് കണക്കുകൂട്ടിയാൽ​ 8.74 വർഷക്കാലം വരും. 1000 പേരിലാണ്​ അവർ സർവേ നടത്തിയത്​. ജെനറേഷൻ എക്​സ്​ (1965-1980), മില്ലേനിയൽസ്​ (1981-1996), ബേബി ബൂമേർസ്​ 1946-1964), എന്നിങ്ങനെ മൂന്ന്​ കാറ്റഗറികളിലായി അവരെ തരംതിരിച്ചു. അവരോട്​ സ്​ക്രീൻ ടൈം അടിസ്ഥാനമാക്കി ഒരു ദിവസം എത്ര നേരം സ്​മാർട്ട്​ഫോൺ ഉപയോഗിക്കുമെന്ന്​ ചോദിച്ച്​ മനസിലാക്കി.

ഇൗ രീതിയിൽ ദിവസേനയുള്ള സ്​മാർട്ട്​ഫോൺ ഉപയോഗത്തി​െൻറ ശരാശരി സമയം ശേഖരിച്ചു. അതിനെ ഇന്നത്തെ ലോകത്ത്​ ഒരു സ്​മാർട്ട്​ഫോൺ ലഭിക്കുന്നതിനുള്ള ശരാശരി പ്രായവുമായി (10 വർഷം) സംയോജിപ്പിക്കുകയും ചെയ്​തു. എൺപതുകളുടെ ഒടുവിലും തൊണ്ണൂറുകളുടെ തുടക്കത്തിലും ജനിച്ചവരാണ്​ ഏറ്റവും കൂടതൽ സമയം (3.7 മണിക്കൂർ) മൊബൈൽ സ്​ക്രീനിൽ ഉറ്റുനോക്കുന്നതെന്നാണ്​ പഠനം പറയുന്നത്​. പ്രായം കൂടിയവരാണ്​ ഉപയോഗത്തിൽ (2.5 മണിക്കൂർ) ഏറ്റവും പിറകിലുള്ളത്​. അതി​െൻറ ഇടയിലുള്ള ജെനറേഷൻ എക്​സ്​ വിഭാഗക്കാർ 3 മണിക്കൂറും സ്​മാർട്ട്​ഫോണിൽ മുഴുകുന്നു.


പബ്​ജി മൊബൈൽ പോലുള്ള ഗെയിമുകളും ഒപ്പം ഫേസ്​ബുക്കും യൂട്യൂബുമൊക്കെയുള്ള പുതിയ കാലത്ത് ലോക്​ഡൗൺ എന്ന പ്രതിഭാസം കൂടിയെത്തിയതോടെ​ സ്​ക്രീൻ ടൈം ദിവസവും അഞ്ചും ആറും മണിക്കൂറുകളായി മാറിയിട്ടുമുണ്ട്​.

സ്​മാർട്ട്​ഫോൺ ഉപയോഗം ഗണ്യമായി കൂടുന്നുണ്ടെന്നും അത്​ മനുഷ്യന്​ അപകടകരമാണെന്നും മുൻകൂട്ടി കണ്ടുകൊണ്ട്​​ നിർമാതാക്കൾ തന്നെ ചില സോഫ്​റ്റ്​വെയർ ടൂളുകൾ ഉപയോഗം കുറക്കാനായി അവതരിപ്പിച്ചതിനും നാം സാക്ഷിയായി. ഗൂഗ്​ൾ ഡിജിറ്റൽ വെൽബീങ്​ പോലുള്ള സംവിധാനം കൊണ്ടുവന്നെങ്കിലും ലോക്​ഡൗൺ കാലത്ത്​ അവയെല്ലാം ഫലം കണ്ടുവോ എന്നതിന്​ വേറെ പഠനം നടത്തേണ്ടിയിരിക്കുന്നു.

Show Full Article
TAGS:Smartphones digital wellbeing digital addiction smartphone addiction 
Web Title - An Average Human Spends Around 9 Years of His Life on Smartphones
Next Story