Begin typing your search above and press return to search.
exit_to_app
exit_to_app
ഭീരുക്കൾ, പുടിനോട്​ വിധേയത്വം; ഗൂഗിളിനെയും ആപ്പിളിനെയും രൂക്ഷമായി വിമർശിച്ച്​ നവാൽനി
cancel
Homechevron_rightTECHchevron_rightTech Newschevron_right'ഭീരുക്കൾ, പുടിനോട്​...

'ഭീരുക്കൾ, പുടിനോട്​ വിധേയത്വം'; ഗൂഗിളിനെയും ആപ്പിളിനെയും രൂക്ഷമായി വിമർശിച്ച്​ നവാൽനി

text_fields
bookmark_border

അമേരിക്കൻ ടെക്​ ഭീമൻമാരായ ഗൂഗിളിനെയും ആപ്പിളിനെയും രൂക്ഷമായി വിമർശിച്ച് തടവിലാക്കപ്പെട്ട​ റഷ്യൻ പ്രതിപക്ഷ നേതാവും പ്രസിഡൻറ്​ വ്‌ളാദമിർ പുടിൻെറ രാഷ്ട്രീയ എതിരാളിയുമായ അലക്സി നവാല്‍നി. അദ്ദേഹത്തി​െൻറ അനുകൂലികൾ രൂപം നൽകിയ വോട്ടിങ്​ ആപ്പ്​ റഷ്യൻ പാർലമെൻറ്​ തെരഞ്ഞെടുപ്പിന്​ മുമ്പായി ഇരുകമ്പനികളും നീക്കം ചെയ്​തതിനെതിരെയായിരുന്നു നവാൽനിയുടെ പ്രതികരണം.

പുടിനെ പിന്തുണക്കുന്ന സ്ഥാനാർഥികളെ തോൽപിക്കാൻ കഴിയുന്നവരെ കണ്ടെത്തി വോട്ടർമാരെ അറിയിക്കാനാണ്​ സ്​മാർട്​ ആപ്പ്​​ നിർമിച്ചത്​. നവാൽനിയുടെ അനുകൂലികളായ അഞ്ചുപേരാണ്​ ആപ്പിന്​ പിന്നിൽ. ഇവർ റഷ്യക്കു പുറത്തുനിന്നാണ്​ ഇതു​ നിയന്ത്രിക്കുന്നത്​. ആപ്​ നീക്കണമെന്ന്​ റഷ്യൻ സർക്കാർ കമ്പനികളോട്​ ആവശ്യപ്പെട്ടിരുന്നു.

ഭീരുക്കളെന്ന്​ നവാൽനി

അപ്പ്​ നീക്കിയ സംഭവത്തോടെ ഗൂഗിളി​െൻറയും ആപ്പിളി​െൻറയും ഭീരുത്വമാണ്​ ദൃശ്യമായതെന്നും പുടി​െൻറ ദുഷ്കര്‍മ്മങ്ങളിൽ കൂട്ടാളികളായി ഇരുവരും പ്രവർത്തിച്ചുവെന്നും നവാൽനി തുറന്നടിച്ചു. ടെക്​ കമ്പനികൾ ഇത്രത്തോളം അനുസരണയോടെ​ പുടി​െൻറ കൂട്ടാളികളായി മാറിയത്​ കണ്ട്​ അത്ഭുതപ്പെട്ടതായും നവാൽനി പറഞ്ഞു.

മേലധികാരികളുടെ ഭീരുത്വം അനുവദിച്ചുകൊടുക്കരുതെന്ന്​ ഇരു സ്ഥാപനങ്ങളിലെയും ജീവനക്കാരോടായി അദ്ദേഹം പറഞ്ഞു. ടെലിഗ്രാം യൂട്യൂബ്​ തുടങ്ങിയ ആപ്പുകൾ ഏർപ്പെടുത്തിയ സെൻസർഷിപ്പിനെയും നവാൽനി ​ചോദ്യം ചെയ്​തു. അദ്ദേഹത്തിന്റെ സോഷ്യൽ മീഡിയ അക്കൗണ്ടുകളിലാണ്​ പ്രതികരണം പങ്കുവെക്കപ്പെട്ടത്​.

Show Full Article
TAGS:Alexei Navalny Apple Google Vladimir Putin 
News Summary - Alexei Navalny accuses Apple Google of becoming Putins accomplices
Next Story