Begin typing your search above and press return to search.
exit_to_app
exit_to_app
Homechevron_rightTECHchevron_rightTech Newschevron_rightടവർ തകർക്കാൻ...

ടവർ തകർക്കാൻ സഹായിച്ചിട്ടില്ല, ജിയോയുടെ പരാതി അടിസ്ഥാന രഹിതം; ടെലികോം മന്ത്രാലയത്തിന്​ കത്തെഴുതി എയർടെൽ

text_fields
bookmark_border
ടവർ തകർക്കാൻ സഹായിച്ചിട്ടില്ല, ജിയോയുടെ പരാതി അടിസ്ഥാന രഹിതം; ടെലികോം മന്ത്രാലയത്തിന്​ കത്തെഴുതി എയർടെൽ
cancel

മുംബൈ: റിലയൻസ്​ ജിയോ തങ്ങൾക്കെതിരെ നൽകിയ പരാതി അടിസ്ഥാന രഹിതമാണെന്ന്​ കേന്ദ്ര ടെലികോം മന്ത്രാലയത്തോട്​ ഭാരതി എയർടെൽ. ടെലികോം സെക്രട്ടറി അന്‍ഷു പ്രകാശിന്​ അയച്ച കത്തിലാണ്​ എയര്‍ടെല്‍ തങ്ങളുടെ ഭാഗം വിശദീകരിച്ചത്​. അനീതിപരമായ മാർഗങ്ങളിലൂടെ ടെലികോം സേവന ദാതാക്കളായ വോഡഫോൺ ഐഡിയയും (വി.​െഎ) ഭാരതി എയർടെല്ലും കർഷകരെ തെറ്റിധരിപ്പിക്കുന്നുവെന്നായിരുന്നു ജിയോയുടെ ആരോപണം. കര്‍ഷക പ്രക്ഷോഭത്തിനിടെ ജിയോയുടെ നെറ്റ്‌വര്‍ക്ക് ടവറുകള്‍ തകര്‍ക്കാന്‍ എയര്‍ടെലും വി.​െഎയും രഹസ്യമായി പ്രക്ഷോഭകരെ സഹായിച്ചുവെന്നും ജിയോ ആരോപിച്ചിരുന്നു.

അതേസമയം, ജിയോ നേരിട്ട തിരിച്ചടിയിൽ എയർടെലിന്​ പങ്കുണ്ടെന്നതിന്​ യാതൊരു തെളിവുമില്ലെന്ന്​ കമ്പനി ടെലികോം മന്ത്രാലയത്തെ അറിയിച്ചു. അതിനാൽ ജിയോ നൽകിയ പരാതി അർഹിച്ച അവജ്ഞയോടെ തള്ളണമെന്നും അവർ വ്യക്​തമാക്കി. അടിസ്ഥാന രഹിതമായ ആരോപണങ്ങൾ ഉന്നയിച്ചും ഭീഷണിപ്പെടുത്തൽ തന്ത്രങ്ങൾ സ്വീകരിച്ചും ലക്ഷ്യങ്ങൾ നിറവേറ്റുന്ന ജിയോയുടെ ചരിത്രം ഞങ്ങൾക്കറിയാമെന്നും എയർടെൽ കത്തിൽ പറയുന്നു.

കമ്പനിക്കെതിരെ നീചമായ കാമ്പയിനുകൾ എതിരാളികൾ നടത്തുന്നതായി ജിയോ ട്രായിക്ക്​ ഡിസംബർ 11ന്​ അയച്ച കത്തിൽ പറഞ്ഞിരുന്നു. ജിയോ നമ്പറുകളിൽനിന്ന്​ മാറുന്നതിന്​ നിരവധി അഭ്യർഥനകൾ ലഭിച്ചു. യാതൊരു വിധത്തിലുള്ള പരാതികളോ പ്രശ്​നങ്ങളോ ഇല്ലാതെയാണ്​​ ഉപഭോക്താക്കൾ ജിയോ ഉപേക്ഷിക്കാൻ തയാറാകുന്നതെന്നും കത്തിൽ ചൂണ്ടിക്കാട്ടി.

'ജിയോയിൽ നിന്ന്​ പോർട്ട്​ ചെയ്യാൻ കർഷകരെ നിർബന്ധിച്ചതിനും ജിയോയുടെ ടവറുകൾ തകർക്കാൻ കർഷകരെ സഹായിച്ചതിനും പിന്നിൽ എയർടെലാണെന്ന ജിയോയുടെ അടിസ്ഥാന രഹിതമായ ആരോപണം അങ്ങേയറ്റം പ്രകോപനപരമാണെന്നാണ്​'എയർടെൽ പറഞ്ഞു​​.​ 'ആളുകളെ നിര്‍ബന്ധിച്ച് പോര്‍ട്ട് ചെയ്യിക്കാന്‍ കഴിയുമെന്ന് ജിയോ പറയുന്നതെങ്ങനെയാണ്..? അങ്ങനെയാണെങ്കിൽ മൂന്നു വര്‍ഷം മു​േമ്പ ഞങ്ങളത്​ ചെയ്യുമായിരുന്നു. കഴിഞ്ഞ 25 വര്‍ഷമായി ഇന്ത്യയില്‍ ഞങ്ങള്‍ പ്രവര്‍ത്തിക്കുന്നുണ്ട്. ഒരിക്കല്‍പ്പോലും ഇത്തരമൊരു ആരോപണം നേരിടേണ്ടി വന്നിട്ടില്ല. മികച്ച സേവനങ്ങള്‍ കൊണ്ടാണ് ഞങ്ങള്‍ ഉപഭോക്താക്കളെ നേടുന്നത്. ഞങ്ങളുടെ ബിസിനസ് സുതാര്യമാണ്', - എയർടെലി​െൻറ ചീഫ് റെഗുലേറ്ററി ഓഫീസർ രാഹുൽ വട്ട്സ് കത്തിൽ വ്യക്​തമാക്കി.

Show Full Article
TAGS:Airtel Reliance Jio Farmers protest 
News Summary - Airtel slams tower damage allegations
Next Story