എ.ഐ v/s മെറ്റ

ഒ​റി​ജി​ന​ലി​നെ വെ​ല്ലു​ന്ന വ്യാ​ജ​ന്മാ​ർ സൈ​ബ​ർ സ്​​പേ​സ് കൈ​യ​ട​ക്കി​യി​രി​ക്കു​ന്ന കാ​ല​മാ​ണി​ത്. നി​ർ​മി​ത​ബു​ദ്ധി സാ​​ങ്കേ​തി​ക​വി​ദ്യ ജ​ന​കീ​യ​മാ​യ​തോ​ടെ വ്യാ​ജ​ന്മാ​രു​ടെ എ​ണ്ണ​വും കൂ​ടി. ഡീ​പ് ഫേ​ക്കു​ക​ൾ വ​ലി​യ സെ​ലി​ബ്രി​റ്റി​ക​ൾ​ക്കു​പോ​ലും ത​ല​വേ​ദ​ന​യാ​യി​രി​ക്കു​ന്നു. യ​ഥാ​ർ​ഥ​​മെ​ന്ന് തോ​ന്നി​പ്പി​ക്കു​ന്ന ചി​ത്ര​ങ്ങ​ളും വി​ഡി​യോ​ക​ളും സാ​മാ​ന്യ വാ​യ​ന​ക്കാ​രെ​യും കാ​ഴ്ച​ക്കാ​രെ​യും ആ​ശ​യ​ക്കു​ഴ​പ്പ​ത്തി​ലാ​ക്കു​മ്പോ​ൾ പു​തി​യ പ്ര​തി​രോ​ധ​വു​മാ​യി എ​ത്തി​യി​രി​ക്കു​ക​യാ​ണ് മെ​റ്റ. എ.​ഐ ഉ​ള്ള​ട​ക്ക​ങ്ങ​ള്‍ ഉ​പ​യോ​ഗി​ച്ചു​ള്ള സ​ക​ല നി​ർ​മി​തി​ക​ളെ​യും ​പ്ര​ത്യേ​കം അ​ട​യാ​ള​പ്പെ​ടു​ത്താ​നു​ള്ള സാ​​ങ്കേ​തി​ക​വി​ദ്യ മെ​റ്റ ആ​വി​ഷ്ക​രി​ച്ചി​രി​ക്കു​ന്നു.

നി​ങ്ങ​ൾ ഫേ​സ്ബു​ക് ഉ​പ​യോ​ഗി​ക്കു​മ്പോ​ൾ ധാ​രാ​ളം ചി​ത്ര​ങ്ങ​ളും വി​ഡി​യോ​ക​ളും ക​ണ്ടേ​ക്കാം. അ​തി​ൽ പ​ല​തും എ.​​ഐ​യി​ലൂ​ടെ വി​ക​സി​പ്പി​ച്ച​താ​യി​രി​ക്കും. അ​വ​യെ പ്ര​ത്യേ​കം തി​രി​ച്ച​റി​യാ​ൻ മു​ന്ന​റി​യി​പ്പ് എ​ന്ന​നി​ല​യി​ൽ ഇ​നി​മു​ത​ൽ ലേ​ബ​ലു​ക​ൾ ഫേ​സ്ബു​ക്കി​ലു​ണ്ടാ​കും. ഇ​ന്‍സ്റ്റാ​ഗ്രാം, ത്രെ​ഡ്‌​സ് എ​ന്നീ പ്ലാ​റ്റ്‌​ഫോ​മു​ക​ളി​ല്‍ അ​പ്ലോ​ഡ് ചെ​യ്യു​ന്ന എ.​ഐ ചി​ത്ര​ങ്ങ​ൾ​ക്കും ലേ​ബ​ല്‍ ന​ല്‍കു​മെ​ന്ന് മെ​റ്റ ഗ്ലോ​ബ​ല്‍ അ​ഫ​യേ​ഴ്‌​സ് പ്ര​സി​ഡ​ന്റ് നി​ക്ക് ക്ലെ​ഗ് പ​റ​ഞ്ഞു.

ഫേ​സ്ബു​ക്കി​ന്റെ സ്വ​ന്തം എ.​ഐ പ്ലാ​റ്റ്‌​ഫോ​മു​ക​ള്‍ നി​ര്‍മി​ക്കു​ന്ന ഉ​ള്ള​ട​ക്ക​ങ്ങ​ള്‍ക്ക് ഇ​തി​ന​കം ക​മ്പ​നി ലേ​ബ​ല്‍ ന​ല്‍കു​ന്നു​ണ്ട്. അ​തേ​സ​മ​യം, ചാ​റ്റ് ജി.​പി.​ടി പോ​ലു​ള്ള ചാ​റ്റ് ബോ​ട്ടു​ക​ൾ വി​ക​സി​പ്പി​ക്കു​ന്ന എ​ഴു​ത്തു​ക​ള്‍ തി​രി​ച്ച​റി​യാ​നും ലേ​ബ​ല്‍ ചെ​യ്യാ​നു​മു​ള്ള സം​വി​ധാ​നം ഇ​പ്പോ​ഴു​മി​ല്ല. അ​ക്കാ​ര്യം നി​ക്ക് ക്ലെ​ഗ് തു​റ​ന്നു സ​മ്മ​തി​ക്കു​ന്നു​ണ്ട്.