Begin typing your search above and press return to search.
proflie-avatar
Login
exit_to_app
exit_to_app
2024-ഓടെ ഇന്ത്യയിൽ​ 6ജി അവതരിപ്പിക്കും; അവകാശവാദവുമായി കേന്ദ്ര മന്ത്രി
cancel
Homechevron_rightTECHchevron_rightTech Newschevron_right2024-ഓടെ ഇന്ത്യയിൽ​...

2024-ഓടെ ഇന്ത്യയിൽ​ 6ജി അവതരിപ്പിക്കും; അവകാശവാദവുമായി കേന്ദ്ര മന്ത്രി

text_fields
bookmark_border

ടെക്​ ലോകത്ത്​ 5ജിയെ കുറിച്ചുള്ള ചർച്ച കൊഴുക്കുന്നുണ്ടെങ്കിലും ഇപ്പോഴത്തെ സാഹചര്യമനുസരിച്ച്​​ ഇന്ത്യയിൽ അത്​ പ്രായോഗികമായി കാണാൻ ഇനിയുമൊരുപാട്​ കാലമെടുത്തേക്കും. അതിനിടെ രാജ്യത്ത്​ 6ജി സാ​ങ്കേതികവിദ്യ അവതരിപ്പിക്കുമെന്ന്​ പ്രഖ്യാപിച്ചിരിക്കുകയാണ്​ കേന്ദ്ര വാർത്താവിനിമയ വകുപ്പ്​ മന്ത്രി അശ്വിനി വൈഷ്ണവ്​.

2023 അവസാനത്തേക്കോ 2024 തുടക്കത്തിലോ​ രാജ്യത്ത്​​ 6ജി അവതരിപ്പിക്കാനുള്ള പദ്ധതിയുണ്ടെന്നാണ്​ മന്ത്രി ഒരു ഓൺലൈൻ വെബിനാറിലൂടെ അറിയിച്ചത്​. എഞ്ചിനീയർമാരും ശാസ്ത്രജ്ഞരും ഇതിനകം 6G സാങ്കേതികവിദ്യയിൽ പ്രവർത്തിക്കാൻ തുടങ്ങിയിട്ടുണ്ടെന്നും മന്ത്രി അഭിപ്രായപ്പെട്ടു. ഇന്ത്യൻ എക്സ്പ്രസും ഫിനാൻഷ്യൽ എക്സ്പ്രസും ചേർന്നാണ്​ വെബിനാർ സംഘടിപ്പിക്കുന്നത്.

"6ജി സാ​ങ്കേതികവിദ്യ വികസിപ്പിക്കൽ ഇതിനകം ആരംഭിച്ചുകഴിഞ്ഞു. അത് 2024 അല്ലെങ്കിൽ 2023-അവസാനമോ ആയി സംഭവിച്ചേക്കാം. ആ ദിശയിലേക്കാണ് നാം പോയിക്കൊണ്ടിരിക്കുന്നത്. നെറ്റ്‌വർക്കുകൾ പ്രവർത്തിപ്പിക്കുന്നതിനായി ഞങ്ങൾക്ക്​ ഇന്ത്യയിൽ രൂപകൽപ്പന ചെയ്‌ത ടെലികോം സോഫ്‌റ്റ്‌വെയറുകളും ഇന്ത്യയിൽ നിർമിച്ച ടെലികോം ഉപകരണങ്ങളുമുണ്ടായിരിക്കും. ആഗോളതലത്തിൽ എത്തിക്കാൻ കഴിയുന്ന ടെലികോം നെറ്റ്‌വർക്കുകൾ ആയിരിക്കും നമ്മുടേത്​.

6G നെറ്റ്‌വർക്ക് സാങ്കേതികവിദ്യയെക്കുറിച്ച് ധീരമായ അവകാശവാദങ്ങൾ ഉന്നയിക്കുന്നതിന് പുറമെ, 2022-ന്റെ മൂന്നാം പാദത്തോടെ സ്വദേശീയമായ 5G അവതരിപ്പിക്കാൻ ഇന്ത്യ പദ്ധതിയിടുന്നുവെന്നും സൂചന നൽകിയിട്ടുണ്ട്​. 5G സ്പെക്‌ട്രം ലേലവും 2022 രണ്ടാം പാദത്തിൽ സജീവമാകുമെന്ന് പ്രതീക്ഷിക്കുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:5GAshwini Vaishnaw6G6G Technology6G India
News Summary - 6G Technology to Arrive in India by 2024 says minister ashwini vaishnaw
Next Story