ഒരു ഫോട്ടോ എടുക്കൂ.... അതിന് ചേർന്ന സംഗീതം ഇനി സ്പോട്ടിഫൈ പ്ലേ ചെയ്യും
text_fieldsലോകത്ത് ഏറ്റവും കൂടുതൽ ആളുകൾ ഉപയോഗിക്കുന്ന ഓൺലൈൻ മ്യൂസിക് സ്ട്രീമിങ് ആപ്ലിക്കേഷൻ സ്പോട്ടിഫൈ ആയിരി ക്കും. ഗൂഗ്ൾ പ്ലേ സ്റ്റോറിലും ആപ്പിളിൻെറ ആപ് സ്റ്റോറിലും സ്പ്പോട്ടിഫൈ ഡൗൺലോഡ് ചെയ്തിരിക്കുന്നവര ുടെ എണ്ണം കോടികളാണ്. ഇന്ത്യയിൽ അവതരിപ്പിച്ചിട്ട് വർഷം ഒന്നാവുന്നതേയുള്ളൂവെങ്കിലും ഇന്ത്യക്കാരും സ്വീഡിഷ് ആപ്പിനെ നെഞ്ചേറ്റിയിരിക്കുന്നു.
ഗാനയും ജിയോ സാവനും വിൻകും ഉപയോഗിച്ചിരുന്നവരിൽ പലരും സ്പോട്ടിഫൈയുടെ യൂസർ ഇൻറർഫേസും ഫീച്ചറുകളും കണ്ട് മയങ്ങി ഡൗൺലോഡ് ചെയ്ത് ഉപയോഗം തുടങ്ങിയിട്ടുണ്ട്.
നിലവിലുള്ള ഉപയോക്താക്കൾ മറ്റ് പ്ലാറ്റ്ഫോമുകളിലേക്ക് ചേക്കേറുന്നത് തടയാൻ സ്പോട്ടിഫൈ ഡെവലപ്പേഴ്സ് പുതുപുത്തൻ ഫീച്ചറുകൾ അവരുടെ സ്ട്രീമിങ് ആപ്പിൽ ഇടക്കിടെ അവതരിപ്പിക്കാറുണ്ട്. സമീപകാലത്ത് വളർത്തു മൃഗങ്ങൾക്കായി പുതിയ പ്ലേ ലിസ്റ്റ് ഒരുക്കി വാർത്തകളിൽ നിറഞ്ഞ അവർ ഏറ്റവും പുതുതായി അവതരിപ്പിച്ചിരിക്കുന്നത് ഫോട്ടോ വെച്ച് പാട്ട് നിർദേശിക്കുന്ന പുതിയ സംവിധാനമാണ്.
‘ഒരു ഫോട്ടോ എടുക്കൂ... ആ ഫോട്ടോയിലുള്ള നിമിഷമോ മൂഡോ അനുസരിച്ചുള്ള പാട്ട് ആസ്വദിക്കൂ..... നിങ്ങൾക്ക് വേണ്ടി മാത്രം...’ സ്പോട്ടിഫൈ ആപ്പിൻെറ റിവേഴ്സ് എൻജിനീയർ ജെയിൻ മാൻകം വോങ് ആണ് ഫീച്ചറിൻെറ സ്ക്രീൻ ഷോട്ട് അടക്കം പുതിയ വിശേഷം പങ്കുവെച്ചത്. തൻെറ റൂമിൻെറ ചിത്രമെടുത്ത് ഒരു പരീക്ഷണം നടത്തിയെന്നും സ്പോട്ടിഫൈ എനിക്ക് ‘ഇൻഡി പോപ്’ സംഗീതമാണ് നിർദേശിച്ചതെന്നും ജെയിൻ ട്വിറ്ററിൽ കുറിച്ചു.
Spotify is working on letting users take a photo and recommend them music that matches the moment and mood
— Jane Manchun Wong (@wongmjane) March 21, 2020
I tried it by taking a photo of the view from my room and it keeps recommending me Indie pop for some reason pic.twitter.com/z5kYZ0XYjy
എന്നാൽ, ഒരു മ്യൂസിക് ആപ്പ് കാമറ പ്രവർത്തിപ്പിച്ചുകൊണ്ടുള്ള ഫീച്ചർ അവതരിപ്പിക്കുേമ്പാൾ സ്വകാര്യത ഒരു പ്രശ്നമല്ലേ എന്ന് ചിന്തിക്കുന്നവർക്ക് സ്പോട്ടിഫൈ അവരുടെ നിലപാടിലൂടെ മറുപടി പറയുന്നുണ്ട്. ‘നിങ്ങൾ ക്ലിക് ചെയ്യുന്ന ഫോട്ടോ നമ്മുടെ സർവറിലേക്ക് സൂക്ഷിക്കില്ലെന്നും ഉപയോഗിക്കില്ലെന്നും അവർ ഫീച്ചറിൻെറ കൂടെയുള്ള സന്ദേശത്തിൽ പറയുന്നുണ്ട്.
ജിമ്മിൽ പോകുന്നവർക്ക് അവരുടെ വർകൗട്ടിന് അനുസരിച്ചുള്ള പാട്ടുകൾ. വിവാഹത്തിലും സൽക്കാരത്തിലും പങ്കെടുക്കുന്നവർക്ക് അതേ മൂഡിലുള്ള പാട്ടുകളും കേൾക്കാൻ ഇനി ഒരു ഫോട്ടോ എടുത്താൽ മതിയാകും. എപ്പോഴാണ് പുതിയ സംവിധാനം സ്പോട്ടിഫൈ അവരുടെ ആപ്പിൽ ഉൾകൊള്ളിക്കുകയെന്ന് വ്യക്തമല്ല.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.