Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightOmasserychevron_rightനിരോധനം ഭയന്ന്​...

നിരോധനം ഭയന്ന്​ പബ്​ജിയുടെ സ്വകാര്യതാ നയം പുതുക്കി​​ ടെൻസൻറ്​ ഗെയിംസ്​

text_fields
bookmark_border
നിരോധനം ഭയന്ന്​ പബ്​ജിയുടെ സ്വകാര്യതാ നയം പുതുക്കി​​ ടെൻസൻറ്​ ഗെയിംസ്​
cancel

ലോകത്തിലെ ഏറ്റവും ജനപ്രിയ ഗെയിമുകളിലൊന്നായ പബ്​ജി മൈാബൈൽ ഇന്ത്യൻ സർക്കാർ രാജ്യത്ത്​ നിരോധിക്കാനൊരുങ്ങുന്നതായുള്ള വാർത്ത കഴിഞ്ഞ ദിവസമാണ്​ പുറത്തുവന്നത്​. ടിക്​ടോക്​ അടക്കമുള്ള 59 ചൈനീസ്​ ആപ്പുകൾ നിരോധിച്ചതിന്​ പിന്നാലെയാണ്​ ചൈനീസ്​ കമ്പനിയായ ടെൻസൻറ്​ ഗെയിംസി​​െൻറ പബ്​ജി മൊബൈലും കേന്ദ്രത്തി​​െൻറ നിരീക്ഷണത്തിലാണെന്ന റിപ്പോർട്ട് വരുന്നത്​​. സ്വകാര്യം വിവരങ്ങൾ ചോർത്തുന്നതുമായി ബന്ധപ്പെട്ടായിരുന്നു നീക്കം. എന്നാൽ നിലവിൽ ഗെയിം നിരോധിക്കുന്നതുമായി ബന്ധ​പ്പെട്ടുള്ള അറിയിപ്പുകളൊന്നും പുറപ്പെടുവിച്ചിട്ടില്ല.

എങ്കിലും തങ്ങളുടെ ഏറ്റവും വലിയ മാർക്കറ്റുകളിലൊന്നായ ഇന്ത്യയെ നഷ്​ടപ്പെടുത്താൻ ടെൻസൻറ്​ അധികൃതർ ഒരുക്കമല്ല. സർക്കാരി​​െൻറ വിശ്വാസം ആർജ്ജിക്കാനായി ഗെയിമിന്​ പുതിയ അപ്​ഡേഷൻ നൽകിയിരിക്കുകയാണ്​ കമ്പനി. ഇന്ത്യക്കാർക്ക്​ വേണ്ടി ഗെയിമി​​െൻറ സ്വകാര്യതാ നയം (പ്രൈവസി പോളിസി) ടെൻസൻറ്​ കൂടുതൽ സുരക്ഷിതമാക്കി. വിവരച്ചോർച്ചയുണ്ടാവില്ലെന്ന്​ ഉപയോക്​താക്കളെ കൂടി ബോധിപ്പിക്കാനായി ഗെയിമിനകത്ത്​ തന്നെ ഇടക്കിടെ പോപ്​-അപ്​ സന്ദേശങ്ങളും നൽകിത്തുടങ്ങിയിട്ടുണ്ട്​.

വിദേശ ആപ്പുകൾക്ക്​ രാജ്യത്ത്​ പ്രവർത്തിക്കണമെങ്കിൽ​ സർക്കാർ മുന്നോട്ടുവെക്കുന്ന ആവശ്യങ്ങൾ അംഗീകരിക്കണമെന്നിരിക്കേ, അതെല്ലാം തങ്ങൾ പാലിക്കുന്നുണ്ടെന്ന്​ ഉറപ്പിക്കുന്ന പ്രൈവസി പോളിസി അപ്​ഡേറ്റാണ്​ ടെൻസൻറ്​ ഗെയിംസ്​ പബ്​ജിക്ക്​ നൽകിയിരിക്കുന്നത്​. പല കാരണങ്ങൾ കൊണ്ട്​ യൂസർമാരുടെ വിവരങ്ങൾ പബ്​ജി മൈാബൈൽ ശേഖരിച്ച്​ വെക്കുമെങ്കിലും അവയെല്ലാം ഇന്ത്യയിലുള്ള തങ്ങളുടെ സെർവറിൽ തന്നെയാണ്​ ഉണ്ടാവുകയെന്നും, ഉപയോക്​താക്കളുടെ വിവരങ്ങൾ ഇന്ത്യക്കാരായ തങ്ങളുടെ സപ്പോർട്ട്​ ടീമുകൾക്ക്​ മാത്രമേ കാണാൻ സാധിക്കുകയുള്ളൂവെന്നും കമ്പനി ചൂണ്ടിക്കാട്ടുന്നു.

ഇന്ത്യയിൽ ഗെയിം നിരോധിക്കുമെന്ന ഭയത്താലുള്ള ചൈനീസ്​ കമ്പനിയുടെ നീക്കമാണിതെന്നാണ്​ സൂചന. എന്നാൽ, ഇൗ നടപടി മൂലം കേന്ദ്രം അവരുടെ തീരുമാനം മാറ്റുമെന്ന കാര്യത്തിലും ഉറപ്പില്ല. പബ്​ജിയടക്കം 200 ആപ്പുകൾ കൂടി കേന്ദ്രത്തി​​െൻറ നിരോധനപ്പട്ടികയിൽ ഇടം പിടിച്ചിട്ടുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:PUBGPUBG Gamepubg mobail
News Summary - PUBG Mobile Updates its Privacy Policy in India
Next Story