സാംസങ്ങിനെ വെട്ടി ഷവോമി ഒന്നാമത്​

മുംബൈ: ലോകത്തിലെ അതിവേഗം വളരുന്ന മൊബൈൽ വിപണികളിലൊന്നാണ്​ ഇന്ത്യ. ഇന്ത്യൻ വിപണിയിൽ ശ്രദ്ധയമായ രണ്ട്​ കമ്പനികളാണ്​ സാംസങും ഷവോമിയും. ഇരു കമ്പനികളും തമ്മിൽ ഫോണി​​െൻറ വിൽപന കണക്കിൽ കടുത്ത മൽസരമാണ്​ നിലനിൽക്കുന്നത്​. പുതുതായി വരുന്ന വാർത്തകൾ പ്രകാരം സാംസങിനെ പിന്തള്ളി ഒന്നാം സ്ഥാനത്ത്​ എത്തിയിരിക്കുകയാണ്​ ചൈനീസ്​ നിർമാതാക്കളായ ഷവോമി.

നടപ്പു സാമ്പത്തിക വർഷത്തിലെ മൂന്നാംപാദ  കണക്കുക്കൾ പ്രകാരം ഇന്ത്യയിലെ മൊത്തം സ്​മാർട്ട്​ഫോൺ വിപണിയുടെ 27.4 ശതമാനവും ഷവോമിയുടെ കൈയിലാണ്​. സാംസങ്ങി​​െൻറ വിപണി വിഹിതം 24.6 ശതമാനം മാത്രമാണ്​.

മൂന്ന്​ മാസത്തിനിടെ 82 ലക്ഷം ഫോണുകളാണ്​ ഷവോമി വിറ്റത്​. സാംസങ്ങിന്​ വിൽക്കാൻ സാധിച്ചത്​ 73 ലക്ഷം ഫോണുകൾ മാത്രമാണ്​. സിംഗപ്പൂർ കേന്ദ്രീകരിച്ച്​ പ്രവർത്തിക്കുന്ന ഗവേഷണ സ്ഥാപനമായ കനാലിസ്​ ആണ്​ ഇതുസംബന്ധിച്ച കണക്കുകൾ പുറത്ത്​ വിട്ടത്​.