വിപണിയെ അമ്പരിപ്പിക്കാൻ ഷവോമി എം.െഎ എ 2
text_fields
ഇന്ത്യൻ വിപണിയിൽ തരംഗം തീർത്ത എം.െഎ എ 1െൻറ പിൻഗാമിയെന്ന് അറിയപ്പെടുന്ന എം.െഎ 6 എക്സ് ചൈനീസ് വിപണിയിൽ ഷവോമി അവതരിപ്പിച്ചു. കിടിലൻ കാമറയും മികച്ച ഡിസ്പ്ലേയുമാണ് ഫോണിെൻറ പ്രധാന പ്രത്യേകതകൾ. രണ്ട് റാം വേരിയൻറുകളിലാണ് ഫോൺ വിപണിയിലെത്തുക.
മെറ്റൽ യുനിബോഡിയിൽ നിർമ്മിച്ച എം.െഎ 6 എക്സിന് 5.99 ഇഞ്ചിെൻറ ഡിസ്പ്ലേയാണ് നൽകിയിരിക്കുന്നത്. ഒക്ടാ കോർ ക്വാൽകോം സ്നാപ്ഡ്രാഗൺ പ്രൊസസറാണ് കരുത്ത് പകരുന്നത്. 4 ജി.ബി/64 ജി.ബി, 6 ജി.ബി/64 ജി.ബി, 6 ജി.ബി/128 ജി.ബി എന്നിവയാണ് സ്റ്റോറേജ് ഒാപ്ഷനുകൾ. അതിവേഗ ചാർജിങ്ങിനായി ക്വിക്ക് ചാർജ് 3.0 എന്ന സംവിധാനവും ഉൾപ്പെടുത്തിയിട്ടുണ്ട്.
സോണി െഎ.എം.എക്സ് സെൻസറോട് കൂടിയ ഇരട്ട കാമറകളാണ് ഫോണിെൻറ പ്രധാന ഹൈലൈറ്റ്. 20,12 മെഗാപിക്സലിെൻറ ഇരട്ട കാമറയാണ് ഫോണിലുള്ളത്. കൂടാതെ 20 മെഗാപിക്സലിെൻറ മുൻ കാമറയും ഉണ്ട്. സ്റ്റോക്ക് ആൻഡ്രോയിഡ് സോഫ്റ്റ്വെയറിലാണ് ഫോൺ എത്തുക. സോഫ്റ്റ്വെയറിൽ ഷവോമിയുടെ കസ്റ്റമൈസേഷൻ ഉണ്ടാവില്ലെന്നാണ് സൂചന. 4 ജി.ബി/64 ജി.ബി വേരിയൻറിന് 16,000 രൂപയും 6 ജി.ബി/64 ജി.ബി വേരിയൻറിന് 18,000 രൂപയുമാണ് വില. 6 ജി.ബി/128 ജി.ബി വേരിയൻറിന് 21,000 രൂപയും നൽകണം.