സാംസങ്​ ഗാലക്​സി എ90 വരുന്നു- കൂടെ പോപ്​ അപ്​ കാമറയും കരുത്തേറിയ ഹൃദയവും

A90-LEAKS-2-technology news

കൊറിയൻ സ്​മാർട്​ഫോൺ നിർമാതാക്കളായ സാംസങ്​ അവരുടെ മധ്യനിര​ ഫ്ലാഗ്​ഷിപ്പ്​ വിഭാഗത്തിലെ ‘എ’ സീരീസിലേക്ക്​ പുതിയ അവതാരവുമായി എത്തുന്നു. എ10, എ30, എ50 എന്നീ മോഡലുകളുടെ വൻ വിജയത്തിന്​ ശേഷം എ90യാണ്​ വിപണിയിലേക്ക്​ എത്തിക്കുന്നത്​. എ90യുടെ ലീക്കായ്​ സ്​പെക്​-ഷീറ്റ്​ അത്യാകർഷകമാണ്​. 

പുറത്തുവരുന്ന റിപ്പോർട്ടുകൾ ശരിയാണെങ്കിൽ ഒപ്പോ, വിവോ എന്നീ കമ്പനികൾ പരീക്ഷിച്ച്​ വിജയിച്ച പോപ്​ അപ്​ കാമറയായിരിക്കും എ90യുടെ ഏറ്റവും ആകർഷകമായ ഫീച്ചർ. സാംസങ്ങി​​​െൻറ സ്വന്തം പ്രൊസസറായ എക്​സിനോസിനെ മാറ്റി ക്വാൽകോമി​​​െൻറ സ്നാപ്​ഡ്രാഗൺ 7150 ആയിരിക്കും എ90ക്ക്​ കരുത്ത്​ പകരുക. ഇത്​ അവരുടെ തന്നെ 710 എന്ന പ്രൊസസറി​​​െൻറ വേഗത കൂടിയ വകഭേദമാണ്​. 6.7 ഇഞ്ച്​ വലിപ്പമുള്ള ഫുൾ എച്ച്​.ഡി പ്ലസ്​, ഒ.എൽ.ഇ.ഡി ഡിസ്​പ്ലേ, 25 വാട്ട്​സ്​ പി.ഡി ഫാസ്റ്റ്​ ചാർജിങ്​ എന്നിവയും എ90ക്ക്​ മാറ്റ്​ കൂട്ടും.

ഡിസൈനിൽ വൻ മാറ്റം

A90-LEAK

ലീക്കായ ചിത്രങ്ങൾ പ്രകാരം​ സ്ലൈഡ്​-ഔട്ട്​ ഡിസൈനാണ്​ എ90ക്ക്​. അതിൽ കാമറ ഉൾകൊള്ളിച്ചിരിക്കുന്നു. മുന്നിലേക്കും പിന്നിലേക്കും തിരിക്കാവുന്ന വിധത്തിലായിരിക്കും കാമറ. റിയർ കാമറ തന്നെ സെൽഫി കാമറയായും ഉപയോഗിക്കാം എന്നർഥം. ഇത്​ സത്യമാണെങ്കിൽ ഇരട്ട കാമറകളും മൂന്ന്​ കാമറകളും അവതരിപ്പിച്ച സാംസങ്​ ആദ്യമായായിരിക്കും പോപ്​-അപ്​ അല്ലെങ്കിൽ റൊട്ടേറ്റിങ്​ കാമറ പരീക്ഷിക്കുന്നത്​. 

f/2.0 അപർച്ചറുള്ള 48 മെഗാ പിക്​സൽ പ്രധാന കാമറയും കൂടെ f/2.4 അപർച്ചറുള്ള ToF കാമറയുമാണ്​ എ90ക്കുള്ളത്​​. ഫോണി​​​െൻറ പ്രൊസസറിനെ കുറിച്ച്​ വിവരങ്ങൾ ലഭ്യമാണെങ്കിലും ഇ​േൻറണൽ സ്​റ്റോറേജ്​, റാം എന്നിവയെ കുറിച്ച്​ പരാമർശമില്ല. 3700 എം.എ.എച്ചായിരിക്കും ബാറ്ററി. അത്​ 25 വാട്ട്​സ്​ പി.ഡി ഫാസ്റ്റ്​ ചാർജിങ് ഉപയോഗിച്ച്​ അതിവേഗം ചാർജ്​ ചെയ്യാം. ഫോണിന്​ ഇൻ-ഡിസ്​പ്ലേ ഫിംഗർപ്രിൻറ്​ ആയിരിക്കുമെന്നും സൂചനയുണ്ട്​. 

എ സീരീസിലെ മുൻ മോഡലുകളെ പോലെ വില 40,000ന്​ ചുവടെ ആയിരിക്കാനാണ്​ സാധ്യത. മികച്ച ഫീച്ചറുകളുമായി എത്തി ഇപ്പോൾ ഓൺലൈൻ വിപണിയിൽ വൻ വിജയമായ​ എ50ക്ക്​ 20,000 രൂപക്ക്​ താഴെയാണ്​​ സാംസങ്​ വിലയിട്ടത്​. അതുമായി ബന്ധിപ്പിച്ച്​ നോക്കിയാൽ എ90ക്ക്​ 30,000 രൂപ പ്രതീക്ഷിച്ചാലും കുഴപ്പമാകില്ല.

A90-POPUP.jpg

എന്തായാലും ഏപ്രിൽ 10ന്​ ഫോൺ ലോഞ്ച്​ ചെയ്യാനിരിക്കുകയാണ്​ സാംസങ്​. ലീക്കായ വിവരങ്ങൾ ശരിയാണെങ്കിൽ മറ്റ്​ കമ്പനികൾക്ക്​ വെല്ലുവിളി ഉയർത്തിയേക്കാവുന്ന മോഡലാണ്​ എ90 എന്ന്​ ചുരുക്കം.

Loading...
COMMENTS