മൂന്ന്​ പിൻകാമറകൾ, സൂപ്പർ അമോലെഡ്​ ഡിസ്​പ്ലേ; ഗാലക്​സി എ7 വരുന്നു

ലോക പ്രശസ്​ത സ്​മാർട്​ഫോൺ ബ്രാൻറായ സാംസങ്​ അവരുടെ എ സീരീസിലും ജെ സീരീസിലും വർഷങ്ങളായി വ്യത്യസ്​തമായ മോഡലുകൾ വിപണിയിൽ ഇറക്കുന്നു. എന്നാൽ ചിലപ്പോഴെങ്കിലും അമിത വിലയും ഫീച്ചറുകളുടെ ദാരിദ്ര്യവും പറഞ്ഞുള്ള പരിഹാസങ്ങൾക്ക് അവർ​ വിധേയരായി. സമീപ കാലത്തായി ഇറങ്ങിയ എ6 പ്ലസും ജെ8ഉം ഇത്തരത്തിൽ കുറഞ്ഞ ഫീച്ചറുകൾ കാരണം പഴികേട്ട മോഡലുകളായിരുന്നു. രണ്ടിലും സാംസങ്​ പരീക്ഷിച്ച ​സ്​നാപ്​ഡ്രാഗൺ 450 എന്ന ബജറ്റ്​ പ്രൊസസറായിരുന്നു കമ്പനിക്ക്​ തലവേദനയുണ്ടാക്കിയത്​.

എന്നാൽ എല്ലാത്തിനും മറുപടിയുമായാണ് സാംസങ്​​ തിരിച്ചുവരുന്നത്​. ഇത്തവണ ഗാലക്​സി എ സീരീസിലേക്ക്​ എ7 എന്ന മോഡലിനെയാണ്​ അവർ വിപണിയിലിറക്കുന്നത്​​. 30000 രൂപയോളം വില പ്രതീക്ഷിക്കുന്ന പുതിയ മോഡലിൽ ആദ്യമായി സാംസങ് മൂന്ന്​ പിൻകാമറകൾ പരീക്ഷിക്കുന്നു എന്നതാണ്​ വലിയ പ്രത്യേകത.

മറ്റ്​ കമ്പനികൾ നോച്ച്​ ഡിസ്​പ്ലേയുടെയും മറ്റും പിറകെ പോകു​േമ്പാൾ സാംസങ്​ അത്തരം കാര്യങ്ങളിലേക്ക്​ ശ്രദ്ധപതിപ്പിക്കാതെ​ ഹുആവേ പി20 പ്രോയിൽ പരീക്ഷിച്ചതുപോലെ ട്രിപ്പിൾ ക്യാമറയുമായാണ്​ എത്തുന്നത്​. ഫിംഗർപ്രിൻറി​​​െൻറ സ്ഥാനത്തിലും വ്യത്യാസമുണ്ട്​.

എ7 വിശേഷങ്ങൾ

പുറത്തുവന്ന വിവരങ്ങൾ അനുസരിച്ച് F2.2 അപർച്ചറുള്ള​ അഞ്ച്​ മെഗാ പിക്​സൽ ഡെപ്​ത്​ സെൻസറാണ്​ പിന്നിലുള്ള ആദ്യ കാമറ. F1.7 അപർച്ചറുള്ള 24 മെഗാ പിക്​സൽ പ്രധാന കാമറയും F2.4 അപർച്ചറുള്ള എട്ട്​ മെഗാ പിക്​സൽ അൾട്രാ വൈഡ്​ ലെൻസുമായിരിക്കും പിന്നിലുണ്ടാവുക. കൂടെ 24 മെഗാ പിക്​സൽ(F2.0) മുൻകാമറയുമുണ്ട്​. മുന്നിലും പിന്നിലുമായി മറ്റ്​ കമ്പനികൾ ഫിംഗർ പ്രിൻറ്​ സെൻസർ സ്ഥാപിക്കു​േമ്പാൾ സാംസങ്​ എ7ന്​ ഫോണി​​​െൻറ വലത്​ ഭാഗത്താണ്​ വിരലടയാള സെൻസർ ക്രമീകരിച്ചിരിക്കുന്നത്.

ഫുൾ എച്ച്​ഡി പ്ലസ്​ 1080x2220 പിക്​സൽ റെസൊല്യൂഷനുള്ള സൂപ്പർ അമോലെഡ്​ ഡിസ്​പ്ലേയാണ്​ മറ്റൊരു ​പ്രധാന സവിശേഷത. നോച്ചിന്​ പകരമായി ഇൻഫിനിറ്റി ഡിസ്​പ്ലേയാണ്​ എ7ൽ. എൻ.എഫ്​.സി സംവിധാനവും പുതിയ മോഡലിലുണ്ട്​. ആറിഞ്ചാണ്​ ഡിസ്​പ്ലേയുടെ വലിപ്പം.

സ്​നാപ്​ ഡ്രാഗ​​​െൻറ ഏറ്റവും പുതിയ 710 പ്രൊസസറാണ്​ എ7ൽ ​പ്രതീക്ഷിക്കുന്നത്​. 4/64 ജീബി, 6/128 ജീബി മോഡലുകളിൽ മെമ്മറി കാർഡിട്ട്​ 512 ജീബി വരെ ഉയർത്താനുള്ള സൗകര്യവും ഉണ്ടായിരിക്കും. 3300 എം.എ.എച്ച്​ ബാറ്ററിയും പ്രധാനപ്പെട്ട സെൻസറുകളുമെല്ലാം പുതിയ ഫോണിൽ ഉൾക്കൊള്ളിച്ചിട്ടുണ്ട്​.

ആൻഡ്രോയ്​ഡ്​ 8.0 അടങ്ങുന്ന സാംസങ്​ എക്​സ്​പീരിയൻസ്​ യൂ.​െഎ ഉള്ള ഫോൺ, കറുപ്പ്​, നീല, ഗോൾഡ്​, പിങ്ക്​ കളറുകളിൽ ലഭ്യമാകും. ഗ്ലാസ്​ ബോഡിയാണ്​ എ7ന്​ സാംസങ്​ നൽകിയിരിക്കുന്നത്​.