Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTECHchevron_rightMobileschevron_rightനോട്ട്​ 9 പ്രോ...

നോട്ട്​ 9 പ്രോ 5ജിയും എത്തുന്നു; വിശേഷങ്ങൾ അറിയാം

text_fields
bookmark_border
നോട്ട്​ 9 പ്രോ 5ജിയും എത്തുന്നു; വിശേഷങ്ങൾ അറിയാം
cancel

ഷവോമിയുടെ സബ്​ ബ്രാൻഡായ റെഡ്​മിയുടെ ബജറ്റ്​ മോഡലായ നോട്ട്​ 9 സീരീസിലേക്ക്​ പുതിയൊരു താരം കൂടി എത്തുന്നു. വലിയ വിജയമായ നോട്ട്​ 9 പ്രോ, നോട്ട്​ പ്രോ മാക്​സ്​, നോട്ട്​ 9, നോട്ട്​ 9 എ എന്നിവക്ക്​ ശേഷം നോട്ട്​ 9, നോട്ട്​ 9 പ്രോ 5ജി വകഭേദങ്ങളാണ്​​ കമ്പനി അവതരിപ്പിക്കാനൊരുങ്ങുന്നത്​. ചൈനയിൽ നവംബർ 26ന്​ നോട്ട്​ 9 5ജി ലോഞ്ച്​ ചെയ്യും.

മീഡിയ ടെക്കി​െൻറ ബജറ്റ്​ 5ജി ചിപ്​സെറ്റായ ഡൈമൻസിറ്റി 800u ആണ്​ നോട്ട്​ 9 5ജിക്ക്​ കരുത്ത്​ പകരുന്നത്​. നേരത്തെ റിയൽമി യൂറോപ്പിൽ അവതരിപ്പിച്ച റിയൽമി 7 5ജിക്കും സമാന പ്രൊസസർ ആയിരുന്നു. അതേസമയം, റെഡ്​മി നോട്ട്​ 9 പ്രോ 5ജിക്ക്​ കരുത്ത്​ പകരാനെത്തുന്നത്​ സ്​നാപ്​ഡ്രാഗ​െൻറ 750ജി ചിപ്​സെറ്റാണ്​. 8GB RAM, 256GB സ്​റ്റോറേജ്​ എന്നിവ മറ്റു പ്രത്യേകതകളാണ്​.


120Hz റിഫ്രഷ്​ റേറ്റടങ്ങിയ 6.67- ഇഞ്ചുള്ള ഫുൾ എച്ച്​.ഡി ഡിസ്​പ്ലേയാണ്​ നോട്ട്​ 9 പ്രോ 5ജിക്ക്​. 6.53 ഇഞ്ച്​ ഡിസ്​പ്ലേയാണ്​ നോട്ട്​ 9 5ജിക്ക്​. 5,000mAh ബാറ്ററിയും 22.5W ഫാസ്റ്റ്​ ചാർജിങ്ങുമാണ്​ പ്രോ വേരിയൻറിന്​. 4,820mAh ബാറ്ററിയും 33W ഫാസ്റ്റ്​ ചാർജിങ്ങു നോട്ട്​ 9നും നൽകിയിരിക്കുന്നു.

ഇന്ത്യയിൽ നേരത്തെ ഇറങ്ങിയ നോട്ട്​ 9 സീരീസിൽ നിന്നും വലിയ മാറ്റത്തോടെ ചൈനയിൽ എത്തുന്ന പുതിയ വകഭേദങ്ങൾ ഇന്ത്യയിലും മറ്റ്​ രാജ്യങ്ങളിലും നോട്ട്​ 9ടി എന്ന പേരിൽ ലോഞ്ച്​​ ചെയ്യാനും ഇടയുണ്ട്​. എന്തായാലും ബജറ്റ്​ 5ജി ഫോണുകൾക്കായി കാത്തിരിക്കുകയാണ്​ സ്​മാർട്ട്​ഫോൺ പ്രേമികൾ.

Show Full Article
TAGS:Redmi Note 9 5G redmi note 9 xiaomi 
Next Story