അമ്പരപ്പിക്കുന്ന വിലയിൽ കിടിലൻ ഫീച്ചറുകളുമായി റെഡ്​മി നോട്ട്​ 10 പ്രോ 5ജി

റെഡ്​മി നോട്ട്​ 10 സീരീസിലേക്ക്​ പുതിയ മോഡലുമായി ഷവോമി. 5ജി പിന്തുണയുള്ള റെഡ്​മി നോട്ട്​ 10 പ്രോ അവതരിപ്പിച്ചിരിക്കുന്നത്​ ചൈനയിലാണ്​. ഇന്ത്യയിൽ മാസങ്ങൾക്ക്​ മുമ്പ്​ ലോഞ്ച്​ ചെയ്​ത നോട്ട്​ 10 പ്രോയുമായി വലിയ വെത്യാസമുണ്ട്​ 5ജി വകഭേദത്തിന്​. പ്രധാന മാറ്റം പ്രൊസസറിൽ തന്നെയാണ്​. മീഡിയ ടെകി​െൻറ ഏറ്റവും പുതിയ 5ജി പ്രൊസസറായ ഡൈമൻസിറ്റി 1100 കരുത്ത്​ പകരുന്ന നോട്ട്​ 10 പ്രോ 5ജിയുടെ മറ്റ്​ വിശേഷങ്ങളറിയാം.

6.6 ഇഞ്ചുള്ള ഫുൾ എച്ച്​ഡി പ്ലസ്​ എൽ.സി.ഡി ഡിസ്​പ്ലേ, 2,400x1,080 പിക്​സൽ റെസൊല്യൂഷൻ, 120Hz റിഫ്രഷ്​ റേറ്റ്​, 240Hz ടച്ച്​ സാംപ്ലിങ്​ റേറ്റ്​, 450 നിറ്റ്​സ്​ ബ്രൈറ്റ്​നസ്​, ഡി.സി.​െഎ പി3 കളർ ഗാമത്​, ഏറ്റവും പുതിയ കോർണിങ്​ ഗൊറില്ല ഗ്ലാസ്​ വിക്​റ്റസി​െൻറ സുരക്ഷ എന്നിവയാണ്​ നോട്ട്​ 10 പ്രോ 5ജിയുടെ ഡിസ്​പ്ലേ സവിശേഷതകൾ, നോട്ട്​ 10 സീരീസിലുള്ള അമോലെഡ്​ ഡിസ്​പ്ലേ 5ജി വകഭേദത്തിന്​ നൽകിയില്ലെങ്കിലും മറ്റ്​ ഡിസ്​പ്ലേ ഫീച്ചുറകളാൽ റെഡ്​മി ഫോണിനെ സമ്പന്നമാക്കിയിട്ടുണ്ട്​.

എട്ട്​ ജിബി വരെ റാമും 256 ജിബി വരെ ഇൻ-ബിൽറ്റ്​ സ്​റ്റോറേജും ഫോണിന്​ നൽകിയിട്ടുണ്ട്​. കാമറയിലും പ്രധാനപ്പെട്ട മാറ്റങ്ങൾ കമ്പനികൊണ്ടുവന്നിട്ടുണ്ട്​. നോട്ട്​ 10 പ്രോ 4ജിയിൽ പിറകിൽ ക്വാഡ്​ കാമറ സെറ്റപ്പായിരിന്നുവെങ്കിൽ, 5ജി മോഡലിൽ ട്രിപ്പിൾ കാമറകൾ മാത്രമാണുള്ളത്. f/1.79​ അപെർച്ചറുള്ള 64 മെഗാപിക്​സൽ മൈൻ കാമറ, f/2.2 അപെർച്ചറുള്ള എട്ട്​ മെഗാപിക്​സൽ സെക്കൻററി കാമറ, കൂടെ രണ്ട്​ മെഗാപിക്​സലുള്ള മാക്രോ ലെൻസ്​. ഡിസ്​പ്ലേയിൽ പഞ്ചഹോൾ കട്ടൗട്ടിലായി 16 മെഗാപിക്​സലുള്ള മുൻകാമറയും സജ്ജീകരിച്ചിരിക്കുന്നു.

67W ഫാസ്​റ്റ്​ ചാർജ്​ പിന്തുണയുള്ള 5,000 എം.എ.എച്ച്​ ബാറ്ററിയാണ്​ ഫോണിന്​. വൈ-ഫൈ 6, ബ്ലൂടുത്ത്​ 5.2, എൻ.എഫ്​.സി പിന്തുണ, ഒാഡിയോ ജാക്ക്​, ജെ.ബി.എല്ലി​െൻറ ഒാഡിയോ ഡ്യുവൽ സ്​പീക്കർ, IP53 സർട്ടിഫൈഡ്​ ഡസ്റ്റ്​-വാട്ടർ റെസിസ്റ്റൻസ്​, 193 ഗ്രാം തൂക്കം എന്നിവയാണ്​ ഫോണി​െൻറ മറ്റ്​ പ്രത്യേകതകൾ.

റെഡ്​മി നോട്ട്​ 10 പ്രോ 5ജി ചൈനയിൽ ലോഞ്ച്​ ചെയ്​തിരിക്കുന്നത്​ ആകർഷകമായ വിലയിലാണ്​. ഫോണി​െൻറ 6GB RAM + 128GB മോഡലിന്​ വെറും 1,599 ചൈനീസ്​ യുവാനാണ്​ വില (18,200 ഇന്ത്യൻ രൂപ). 1,799 ചൈനീസ്​ യുവാൻ നൽകിയാൽ (20,500 രൂപ) 8GB RAM + 128GB വാരിയൻറ്​ സ്വന്തമാക്കാം.​ 1,999 ചൈനീസ്​ യുവാനാണ്​ (22,800 രൂപ), 8GB RAM + 256GB മോഡലിന്​.