കരുത്തുറ്റ പ്രൊസസറും കിടിലൻ സെൽഫി കാമറയും; റിയൽമി യു1 വരുന്നു

ആറുമാസം കൊണ്ട് വെറും നാല്​ മോഡലുകൾ ഇറക്കി​ ഇന്ത്യൻ സ്​മാർട്​ഫോൺ വിപണിയിൽ സ്വന്തമായി സ്ഥാനമുണ്ടാക്കിയെടുത്ത റിയൽമി, അവരുടെ പുതിയ അവതാരവുമായി എത്തുന്നു. ഒാൺലൈൻ ഷോപ്പിങ്​ സൈറ്റുകളിൽ റെക്കോർഡ്​ വിൽപന സ്വന്തമാക്കിയ റിയൽമി 1, റിയൽമി 2, റിയൽമി 2 പ്രോ, റിയൽമി സി1 എന്നീ മോഡലുകൾക്ക്​ ശേഷം, സെൽഫി ആരാധകർക്കായാണ്​ റിയൽമി പുതിയ മോഡൽ ഇറക്കുന്നത്​​.

റിയൽമി യു1 എന്ന്​ പേരിട്ടിരിക്കുന്ന പുതിയ സെൽഫി ബേസ്​ഡ്​ സ്​മാർട്​ഫോണിന്​ വേണ്ടി മീഡിയ ടെക്​ ഹീലിയോ പി70 എന്ന പുതിയ പ്രൊസസറും ഒരുക്കിയിട്ടുണ്ട്​. ഇന്ത്യയിൽ നവംബർ 28ന്​ റിയൽമി യു1 റിലീസ്​ ചെയ്യും. ‘ഇന്ത്യാസ്​ സെൽഫീ പ്രോ’ എന്ന ടാഗ്​ലൈനോടെയാണ്​ പുതിയ താരോദയം​. ആമസോൺ എക്​സ്​ക്ലൂസീവായാണ്​ യു1 ഇറക്കുക​.

നേരത്തെ കരുത്തുറ്റ മിഡ്​റേഞ്ച്​ പ്രൊസസറായ ഹീലിയോ പി60, റിയൽമി 1 എന്ന മോഡലിലൂടെ അവതരിപ്പിച്ചത്​ വൻ വിജയമായിരുന്നു. റിയൽമി 1​​​െൻറ പ്രധാന സവിശേഷതയായി കമ്പനി എടുത്ത്​ പറഞ്ഞതും അതി​​​െൻറ ​പ്രൊസസറും വിലക്കുറവുമായിരുന്നു. ഇത്തവണ അതിലും മികച്ച പ്രൊസസറുമായാണ്​ റിയൽമി എത്തുന്നത്​. സ്​നാപ്ഡ്രാഗൺ 636 എന്ന ക്വാൽ​േകാമി​​​െൻറ പ്രൊസസറിനേക്കാൾ കരുത്തുറ്റതും 660യോട്​​ കിടപിടിക്കുന്നതുമായിരിക്കും മീഡിയാ ടെക്​ ഹീലിയോ പി70 എന്നാണ്​​ കമ്പനിയുടെ അവകാശവാദം. 

റിയൽമി യു1ലെടുത്ത സെൽഫികൾ കമ്പനി തന്നെ അവരുടെ ഒൗദ്യോഗിക സമൂഹ മാധ്യമ സൈറ്റുകളിൽ പങ്കുവെക്കുകയും വൈറലാവുകയും ചെയ്​തിരുന്നു. നിലവിൽ 30 ലക്ഷത്തോളം സ്​മാർട്​ഫോണുകൾ ഇന്ത്യയിൽ വിറ്റ റിയൽമി കഴിഞ്ഞ ദീപാവലി, ഗ്രേറ്റ്​ ഇന്ത്യൻ ഫെസ്റ്റിവൽ സെയിലുകളിൽ ഫ്ലിപ്​കാർട്ടിൽ കൂടുതൽ വിൽപന നടന്ന മോഡലുകളിൽ ഒന്നാണ്​.

ബജറ്റ്​ ​േഫാണുകളായ റിയൽമി 2, റിയൽമി സി1 എന്നിവയോടൊപ്പം ഷവോമിയുടെ മിഡ്​റേഞ്ച്​ സ്​മാർട്​ഫോണായ റെഡ്​മി നോട്ട്​ 5പ്രോയോട്​ മത്സരിക്കാൻ വിപണിയിലെത്തിച്ച റിയൽമി 2 പ്രോക്കും വിപണിയിൽ മികച്ച മുന്നേറ്റമാണ്​ ലഭിച്ചുകൊണ്ടിരിക്കുന്നത്​​.

ലോകപ്രശസ്​ത സ്​മാർട്​ഫോൺ നിർമാതാക്കളായ ബി.ബി.കെ ഇലക്​ട്രോണിക്​സ്​ ഒപ്പോ, വിവോ, വൺപ്ലസ്​ എന്നീ ബ്രാൻറുകൾക്ക്​ ശേഷം അവതരിപ്പിച്ച ബ്രാൻറായിരുന്നു​ റിയൽമി. ചൈനയിൽ എട്ട്​ വർഷങ്ങൾക്ക്​ മു​േമ്പ റിയൽമി ഫീച്ചർ ഫോണുകൾ നിർമിച്ചിരുന്നുവെങ്കിലും ഇന്ത്യയിലേക്ക്​ ഇൗ വർഷം മെയ്​ നാലിനാണ്​ എത്തിയത്​​. ആദ്യമായി സ്​മാർട്​ഫോൺ നിർമാണത്തിലേക്ക്​ കടന്ന റിയൽമിക്ക്​ ഇന്ത്യയിൽ വൻ സ്വീകാര്യതയാണ്​ ലഭിക്കുന്നത്​.