Begin typing your search above and press return to search.
proflie-avatar
Login
exit_to_app
exit_to_app
ഏറ്റവും കുറഞ്ഞ വിലക്ക്​ കിടിലൻ ഫീച്ചറുകൾ; ബജറ്റ്​ സീരീസിലേക്ക്​ വജ്രായുധവുമായി പോകോ
cancel
Homechevron_rightTECHchevron_rightMobileschevron_rightഏറ്റവും കുറഞ്ഞ...

ഏറ്റവും കുറഞ്ഞ വിലക്ക്​ കിടിലൻ ഫീച്ചറുകൾ; ബജറ്റ്​ സീരീസിലേക്ക്​ വജ്രായുധവുമായി പോകോ

text_fields
bookmark_border

പോകോ ബജറ്റ്​ ഫോൺ സീരീസിലേക്ക്​ അവരുടെ വജ്രായുധത്തെ അവതരിപ്പിച്ചിരിക്കുകയാണ്​. വൻ വിജയമായ പോകോ എം2 എന്ന മോഡലി​െൻറ പുതിയ വേർഷൻ പോകോ എം3യാണ്​ ഇന്ത്യയിൽ എത്തിച്ചിരിക്കുന്നത്​. കുറഞ്ഞ വിലയിൽ മറ്റേത്​ ബ്രാൻഡും നൽകാത്ത മികച്ച ഫീച്ചറുകൾ ഉൾപ്പെടുത്തിയെത്തുന്ന പോകോ എം3യുടെ വിലയാരംഭിക്കുന്നത്​ 10,999 രൂപ മുതലാണ്​.

സ്​നാപ്​ഡ്രാഗൺ 662 എന്ന ചിപ്​സെറ്റ്​ കരുത്തുപകരുന്ന പോകോ എം3 പ്രവർത്തിക്കുന്നത്​ ആൻഡ്രോയ്​ഡ്​ 10 അടിസ്ഥാനമാക്കിയുള്ള MIUI 12 ഒ.എസിലാണ്​. 6.53 ഇഞ്ചുള്ള ഫുൾ എച്ച്​.ഡി പ്ലസ്​ ഡിസ്​പ്ലേക്ക്​ 1080 x 2340 പിസ്​കൽ റെസൊല്യൂഷനുണ്ട്​. ആറ്​ ജിബിയുള്ള LPDDR4x റാമാണ്​ ഫോണി​െൻറ രണ്ട്​ വകഭേദത്തിലും നൽകിയിരിക്കുന്നത്​. പൊതുവെ മികച്ച ബാറ്ററി ലൈഫുള്ള ഫോണുകൾ മാത്രം വിപണിയിലെത്തിക്കാറുള്ള പോകോ ഇത്തവണ അവിടെയും ഞെട്ടിച്ചു. 6000 എംഎഎച്ച്​ ബാറ്ററിയാണ്​ എം3ക്ക്​.

ട്രിപ്പിൾ കാമറയും വലിയ പോകോ ബ്രാൻഡിങ്ങുമായി എത്തുന്ന എം3യുടെ പിൻഭാഗം തന്നെയാണ്​ ഏറ്റവും വലിയ ഹൈലൈറ്റ്​. പൊതുവെ ഡിസൈനിലും സ്​പെക്കിലും റെഡ്​മിയുടെ ഇൗച്ചക്കോപ്പിയാണെന്ന്​ ആക്ഷേപം കേൾക്കാറുള്ള പോകോ ഇത്തവണ ഡിസൈനിൽ എങ്കിലും അൽപ്പം മാറ്റം വരുത്തിയിട്ടുണ്ട്​. 48 മെഗാ പിക്​സലുള്ള പ്രധാന കാമറയും രണ്ട്​ വീതം മെഗാപിക്​സലുള്ള മാ​ക്രോ, ഡെപ്​ത്​ സെൻസറുകളുമാണ്​ പിറകിലുള്ളത്​. സെൽഫി കാമറ എട്ട്​ മെഗാ പികസലാണ്​. പഞ്ച്​ ഹോളിന്​ പകരം ടിയർഡ്രോപ്​ നോച്ച്​ ആണ്​ ഫോണിന്.


ഫിംഗർപ്രിൻഡ്​ സൈഡ്​ മൗണ്ടഡാണ്​. അത്​ പവർ ബട്ടണായും പ്രവർത്തിക്കും. യു.എഫ്​.എസ്​ 2.2 സ്​റ്റോറേജാണ്​ എം3ക്ക്​. അതുകൊണ്ട്​ തന്നെ ഫോണിനെ ബജറ്റ്​ സീരീസിലെ ഏറ്റവും വേഗതയുള്ള മോഡലായി പരിഗണിക്കാം. എം3യിൽ മൈക്രോ എസ്​ഡി കാർഡിട്ട്​ സ്​റ്റോറേജ്​ വർധിപ്പിക്കാനുള്ള ഒാപ്​ഷനുമുണ്ട്​. ഫോണിൽ ഡ്യുവൽ സ്​പീക്കറാണ്​ പോകോ നൽകിയിരിക്കുന്നത്​. അതുപോലെ റിവേഴ്​സ്​ ചാർജിങ്​ ഫീച്ചറുള്ളതിനാൽ എം3 ഉപയോഗിച്ച്​ നിങ്ങൾക്ക്​ മറ്റ്​ ഫോണുകൾ ചാർജ്​ ചെയ്യാനുള്ള സംവിധാനവുമുണ്ട്​.

പവർ ബ്ലാക്ക്​, കൂൾ ബ്ലൂ, യെല്ലോ കളറുകളിലാണ്​ ഫോൺ ഫ്ലിപ്​കാർട്ടിൽ ലോഞ്ച്​ ചെയ്​തിരിക്കുന്നത്​. 6GB + 64 GB വാരിയൻറിന്​ 10,999 രൂപയും, 6GB + 128 GB -ക്ക്​ 11,999 രൂപയുമാണ്​ വില.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:XiaomiFlipkartpocoPoco M3Snapdragon 662
News Summary - Poco M3 with Snapdragon 662 Launched in India
Next Story