Begin typing your search above and press return to search.
proflie-avatar
Login
exit_to_app
exit_to_app
Homechevron_rightTECHchevron_rightMobileschevron_rightമിഡ്​റേഞ്ച്​ ഭരിക്കാൻ...

മിഡ്​റേഞ്ച്​ ഭരിക്കാൻ വീണ്ടും വൺപ്ലസ്​; പുതിയ അവതാരം ‘നോർഡി​െൻറ’ ഫീച്ചേഴ്​സ്​ ലീക്കായി

text_fields
bookmark_border
മിഡ്​റേഞ്ച്​ ഭരിക്കാൻ വീണ്ടും വൺപ്ലസ്​; പുതിയ അവതാരം ‘നോർഡി​െൻറ’ ഫീച്ചേഴ്​സ്​ ലീക്കായി
cancel

ആപ്പിളും സാംസങ്ങും വമ്പൻ വിലയിൽ ഫ്ലാഗ്​ഷിപ്പ്​ ഫോണുകൾ ഇറക്കി ആളുകളെ മോഹിപ്പിക്കുന്ന കാലത്തായിരുന്നു അപൂർവ്വ പേരുമായി ചൈനീസ്​ കമ്പനിയായ ‘വൺപ്ലസ്’​ സ്​മാർട്ട്​ഫോൺ വിപണിയിൽ കാലുകുത്തുന്നത്​. ഫ്ലാഗ്​ഷിപ്പുകളുടെ ഫീച്ചറുകളും വേഗതയും കരുത്തും പ്രധാനം ചെയ്യുന്ന ഫോണുകൾ അതി​​െൻറ പകുതി വിലക്ക്​ വൺപ്ലസ്​ മാർക്കറ്റിലെത്തിച്ചതോടെ ആഗോളമാർക്കറ്റിൽ വലിയ സ്ഥാനം ബി.ബി.കെ ഇലക്​ട്രോണിക്​സി​​െൻറ കീഴിലുള്ള കമ്പനി​ നേടിയെടുത്തു. 

കാലം കുറേ കഴിഞ്ഞതോടെ വൺപ്ലസ്​ വന്ന വഴി മറക്കുന്ന കാഴ്​ചയായിരുന്നു. ഏറ്റവും ഒടുവിൽ ഇറങ്ങിയ വൺപ്ലസി​​െൻറ നോട്ട്​ 8 പ്രോക്ക്​ വില 50000ത്തിനും മുകളിലാണ്​. ഫ്ലാഗ്​ഷിപ്പ്​ കില്ലറായിരുന്ന വൺപ്ലസ്​ ഇപ്പോൾ മുന്തിയ ഇനം ഫോണുകൾ അതേവിലക്ക്​ നൽകുന്ന കമ്പനിയായി രൂപാന്തരം പ്രാപിച്ചു. 

പലകോണുകളിൽ നിന്നും വിമർശനങ്ങൾ ഉയർന്നുതുടങ്ങിയ പശ്ചാത്തലത്തിൽ തങ്ങളുടെ പഴയ പ്രതാപം തിരിച്ചുപിടിക്കാനായി വൺപ്ലസ്​ വീണ്ടും മിഡ്​റേഞ്ച്​ വിപണിയിൽ തരംഗം തീർക്കാനൊരുങ്ങുകയാണ്​. പുതിയ അവതാരത്തി​​െൻറ പേരാണ്​ ‘വൺ പ്ലസ്​ നോർഡ്​’. ആമസോൺ എക്​സ്​ക്ലൂസീവായി എത്താനിരിക്കുന്ന വൺപ്ലസ്​ നോർഡി​​െൻറ ഫീച്ചറുകൾക്കായി ആരാധകർ മാസങ്ങളായി കാത്തിരിക്കുകയായിരുന്നു. ഫോണി​​െൻറ ലീക്കായ ഫീച്ചറുകൾ സ്​മാർട്ട്​ഫോൺ പ്രേമികൾക്ക്​ പ്രതീക്ഷയേകുന്നതാണ്​. 

6.44 ഇഞ്ചുള്ള ഫുൾ എച്ച്​.ഡി അമോലെഡ്​ ഡിസ്​പ്ലേയാണ്​ വൺ പ്ലസ്​ നോർഡിന്​. അതേസമയം 2020ലെ ഏറ്റവും പ്രധാനപ്പെട്ട ഫീച്ചറായി യൂസർമാർ കണക്കാക്കുന്ന ഹൈ റിഫ്രഷ്​ റേറ്റ്​ ഡിസ്​പ്ലേയ്​ക്കുണ്ടാവുമെന്നും സൂചനയുണ്ട്​​. 5ജി സപ്പോർട്ടുള്ള ഏറ്റവും പുതിയ മിഡ്​റേഞ്ച്​ ചിപ്​സെറ്റായ ക്വാൽകോം സ്​നാപ്​ഡ്രാഗൺ 765 ജി ആണ്​ നോർഡിന്​ കരുത്ത്​ പകരുന്നത്​.

12 ജിബി വരെ റാമും 256 ജിബി വരെ സ്​റ്റേറേജുമുണ്ട്​. പിറകിൽ നാല്​ കാമറകളാണുണ്ടാവുക. 48 MP OIS+EIS പിന്തുണയോടുകൂടിയ പ്രധാന കാമറ +8MP അൾട്രാ വൈഡ്​+5MP മാക്രോ ലെൻസ്​+2MP ഡെപ്​ത്​ സെൻസർ, ഇങ്ങനെയാണ്​ കാമറ വിശേഷങ്ങളായി ലീക്കുകൾ പറയുന്നത്​. 32MP+8MP ഇരട്ടമുൻകാമറകളും പ്രത്യേകതയാണ്​. 

എൻ.എഫ്​.സി സംവിധാനത്തോടുകൂടി വരുന്ന ഫോണിന്​ ബ്ലൂടൂത്തി​​െൻറ 5.1 വേർഷനാണ്​ നൽകിയിരിക്കുന്നത്​. 4115 എം.എ.എച്ച്​ ബാറ്ററി ചാർജ്​ ചെയ്യാൻ വൺ പ്ലസി​​െൻറ അതിവേഗ ചാർജറായ വാർപ്​ ചാർജ്​ 30ടിയാണ്​ ബോക്​സിലുണ്ടാവുക. 185 ഗ്രാമാണ്​ ഫോണി​​െൻറ തൂക്കം. വില 30000ത്തിൽ താഴെയാകാനാണ്​ സാധ്യത. ബേസ്​ മോഡലിന്​ 25000 രൂപക്ക്​ താഴെ വിലയും പ്രതീക്ഷിക്കുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:smartphonesoneplus
News Summary - OnePlus Nord release date level leak spills the beans
Next Story