38,999 രൂപയ്​ക്ക്​ ഒരു ഫ്ലാഗ്​ഷിപ്പ്​ ഫോൺ; വൺപ്ലസ്​ 9ആർടി ഇന്ത്യയിൽ വിൽപ്പന തുടങ്ങി

തങ്ങളുടെ '9' സീരീസിലേക്ക്​ പുതിയ അവതാരവുമായി വൺപ്ലസ്​. നേരത്തെ വിപണിയിലെത്തിച്ച വൺപ്ലസ്​ 9ആർ (OnePlus 9R) എന്ന മോഡലി​െൻറ സക്​സസറായ വൺപ്ലസ്​ 9ആർടി (OnePlus 9RT) യാണ്​ ഇന്ത്യയിൽ അവതരിപ്പിച്ചത്​.

9 സീരീസിലെ മറ്റ്​ ഫോണുകളിൽ നിന്ന്​ വ്യത്യസ്തമായി 9ആറിൽ സവിശേഷതകൾ അൽപ്പം കുറവായിരുന്നു. അത്​ പരഹരിച്ചുകൊണ്ടാണ്​ 9ആർടി എത്തുന്നത്​. സ്​നാപ്​ഡ്രാഗൺ 888 എന്ന കരുത്തുറ്റ പ്രൊസസറാണ്​ അതിൽ എടുത്ത്​ പറയേണ്ടത്​. 870 ആയിരുന്നു 9ആറി​ന്​ കരുത്തേകിയത്​.

6.62 വലിപ്പമുള്ള ഫുൾ എച്ച്​.ഡി പ്ലസ്​ അമോലെഡ്​ ഡിസ്​പ്ലേയും അതിന്​ 120Hz റിഫ്രഷ്​ റേറ്റും ഒപ്പം HDR10+ പിന്തുണയും വൺപ്ലസ്​ പുതിയ ഫോണിൽ നൽകിയിട്ടുണ്ട്​. 600Hz ടച്ച്​ സാംപ്ലിങ്​ റേറ്റും 9ആർടിയെ മുൻ മോഡലിൽ നിന്ന്​ വേറിട്ടതാക്കുന്നു.

12 ജിബി വരെയുള്ള LPDDR5 റാം, 256 ജിബി വരെയുള്ള UFS 3.1 സ്​റ്റോറേജ്​ എന്നിവയും ​ഫോണിന്​ ഫ്ലാഗ്​ഷിപ്പ്​ വേഗത നൽകും. 50 മെഗാപിക്​സലുള്ള സോണി IMX766 പിൻ കാമറയാണ്​ 9ആർടിയിൽ. അതിന്​ ഒ.​െഎ.എസ്​ പിന്തുണയുമുണ്ട്​. 16 മെഗാപിക്​സലുള്ള അൾട്രാവൈഡ്​ കാമറയും രണ്ട്​ മെഗാപിക്​സലുള്ള മാക്രോ കാമറയും പിന്നിലുണ്ട്​. മുൻ കാമറ 16 എംപി തന്നെയാണ്​.

4,500mAh ബാറ്ററിക്ക്​ 65 വാട്ട്​ ഫാസ്റ്റ്​ ചാർജിങ്​ പിന്തുണയുണ്ട്​. 5ജി പിന്തുണയുള്ള ഫോണിൽ​ ഇൻ-ഡിസ്​പ്ലേ ഫിംഗർ പ്രിൻറ്​ സെൻസറാണ്​ സുരക്ഷയ്​ക്കായുള്ളത്​. ഫോണി​െൻറ എട്ട്​ ജിബി + 128 ജിബി വകഭേദത്തിന്​ 42,999 രൂപയാണ്​ വില.12 ജിബി + 256 ജിബി മോഡലിന്​ 46,999 രൂപയും നൽകിയാൽ മതി.

ഇന്ന്​ മുതൽ ഫോൺ വിൽപ്പനക്കെത്തുി. പ്രൈം മെമ്പർമാർക്ക്​ മാത്രമായി ആമസോണിലൂടെയാണ്​ ഫോൺ ഇപ്പോൾ ലഭ്യമാക്കുന്നത്​. ആക്​സിസ്​ ബാങ്ക്​ അല്ലെങ്കിൽ കൊട്ടക്​ ബാങ്ക്​ കാർഡുകൾ ഉപയോഗിക്കുന്നവർക്ക്​ 4000 രൂപയുടെ ഇൻസ്റ്റൻറ്​ ഡിസ്കൗ​ണ്ടും കമ്പനി വാഗ്ദാനം ചെയ്യുന്നുണ്ട്​. എസ്​.ബി.​െഎ ക്രെഡിറ്റ്​ കാർഡ്​ ഉപയോഗിക്കുന്നവർക്കും 4000 രൂപയുടെ കിഴിവ്​ ലഭിക്കും. ഇൗ ഡിസ്​കൗണ്ടുകൾ ഉപയോഗപ്പെടുത്തുന്നവർക്ക്​ ഫോൺ 38,999 രൂപയ്​ക്ക്​ സ്വന്തമാക്കാം.

സാംസങ്​ ഗ്യാലക്സി എസ്​21 എഫ്​.ഇ, റിയൽമി ജിടി, വരാനിരിക്കുന്ന ഷവോമി 11ടി പ്രോ 5ജി എന്നിവയുമായാണ്​ വൺപ്ലസ്​ 9ആർടി-യുടെ മത്സരം.