പാതി വിലക്ക് ഫ്ലാഗ്ഷിപ്പ്; വൺപ്ലസ് 6 ഇന്ത്യയിൽ അവതരിപ്പിച്ചു
text_fieldsമറ്റ് സ്മാർട്ഫോൺ നിർമാതാക്കളുടെ പേടിസ്വപ്നമായ വൺപ്ലസ് അവരുടെ പുതിയ അവതാരത്തെ ഇന്ത്യയിൽ അവതരിപ്പിച്ചു. കഴിഞ്ഞ ദിവസം രാജ്യാന്തര വിപണിയിലെത്തിച്ച വൺപ്ലസ് 6 ആണ് ഇന്ന് ഇന്ത്യയിൽ ലോഞ്ച് ചെയ്തത്. കൂടെ ഒരു വയർലെസ് ഹെഡ്ഫോണും ഇറക്കിയിട്ടുണ്ട്.
മറ്റ് ബ്രാൻറുകൾ അവരുടെ ഉയർന്ന മോഡലുകൾക്ക് ഇൗടാക്കാറുള്ള തുകയുടെ പകുതി വിലക്കാണ് വൺപ്ലസ് അവരുടെ ഫീച്ചർ റിച്ചായ ഫ്ലാഗ്ഷിപ്പുകൾ വിൽകുന്നത്. വൺപ്ലസിെൻറ മാർക്കറ്റിങ്ങും പരസ്യവും എല്ലാം ഇൗ വിലക്കുറവ് ആണ് താനും.
മെയ് 29 മുതൽ വൺപ്ലസ് മാർവൽ എഡിഷൻ ആമസോണിലൂടെ വാങ്ങാം. സിൽക് വൈറ്റ് ലിമിറ്റഡ് എഡിഷൻ ജൂൺ അഞ്ചിനായിരിക്കും ലഭ്യമായി തുടങ്ങുക. ഇന്ത്യയിലെ പ്രധാനപ്പെട്ട എട്ട് നഗരങ്ങളിലെ പോപ് അപ് സ്റ്റോറുകളിലൂടെയും വൺപ്ലസ് വാങ്ങാം. മെയ് 21ന് രാവിലെ 11 മണിമുതൽ ഏഴ് മണിവരെ ആണ് വിൽപന. ആമസോൺ പ്രൈം മെമ്പർമാർക്ക് മെയ് 21ന് വൺപ്ലസ് സ്വന്തമാക്കാനാവും. മറ്റുള്ളവർക്ക് മെയ് 22നാണ് വാങ്ങാനാവുക.
സ്മാർട്ഫോണുകളിലെ ആധുനികത ഒട്ടും കുറക്കാതെ ഡിസൈനിലും ബിൽഡ് ക്വാളിറ്റിയിലും വിട്ടുവീഴ്ച വരുത്താതെ വൺപ്ലസ് ഇന്ന് ലോഞ്ച് ചെയ്ത ആറാമനെ പരിചയപ്പെടാം.
വൺ പ്ലസ് ആറാമൻ
പ്രധാനമായും മൂന്ന് വേരിയൻറുകളിലാണ് വൺപ്ലസ് അവതരിപ്പിച്ചത്. 6 ജീബി റാം 64 ജീബി സ്റ്റോറേജ്, 8 ജീബി റാം 128 ജീബി സ്റ്റോറേജ്, 8 ജീബി റാം 256 ജീബി സ്റ്റോറേജ്. ഇൗ മോഡലുകളൾക്ക് യഥാക്രമം 34,999, 39,999, 44,999 എന്നിങ്ങനെയാണ് വില. മിഡ്നൈറ്റ് ബ്ലാക്ക്, മിറർ ബ്ലാക്ക്, സിൽക്ക് വൈറ്റ് ലിമിറ്റഡ് എഡിഷൻ എന്നീ കളറുകളിൽ ഫോൺ ലഭ്യമാണ്. ഇതിൽ 256 ജീബി വേരിയൻറ് മാർവൽ അവഞ്ചേഴ്സ് ലിമിറ്റഡ് എഡിഷനാണ്. അത് ഇന്ത്യയിൽ ലഭ്യമാകും എന്നാൽ സാധാരണ നിറത്തിലുള്ള 256 ജീബി വേരിയൻറ് ഇന്ത്യയിൽ വാങ്ങാൻ സാധിക്കില്ല.
ഒാക്സിജൻ ഒഎസ് ബേസ് 5.1 ചെയ്തുള്ള ആൻഡ്രോയ്ഡ് 8.1 ഒാറിയോ ഒാപറേറ്റിങ്ങ് സിസ്റ്റത്തിലാണ് വൺപ്ലസ് 6 പ്രവർത്തിക്കുന്നത്. മെയ് മാസം തന്നെ ആൻഡ്രോയ്ഡ് പി. ബീറ്റാ വേർഷൻ ഫോണിൽ ലഭ്യമാക്കുമെന്നും വൺപ്ലസ് അവകാശപ്പെടുന്നു. കരുത്തുറ്റ ക്വാൽകോം സ്നാപ്ഡ്രാഗൺ 845 പ്രൊസസർ അഡ്രിനോ 630 ജി.പി.യു എന്നിവ ആറാമന് മേന്മ പകരുന്നുണ്ട്.
6.28 ഇഞ്ച് വലിപ്പമുള്ള 1080*2280 പിക്സൽ റെസല്യൂഷനുള്ള ഫുൾ എച്ച് ഡി അമോലെഡ് ഡിസ്പ്ലേയാണ് എടുത്തുപറയേണ്ടത്. 19:9 ആസ്പക്ട് റേഷ്യോയോടുകൂടിയ നോച്ച് ടൈപ്പ് ഡിസ്പ്ലേ െഎഫോൺ എക്സിന് സമാനമാണ്. ഗൊറില്ല ഗ്ലാസും കരുത്തു പകരും.
16 മെഗാപിക്സൽ, 20 മെഗാപിക്സൽ ഇരട്ട പിൻകാമറകളിലൂടെ ലഭിക്കുന്ന ഒൗട്ട്പുട്ട് അതിമനോഹരമാണ്. ഡ്യുവൽ എൽ.ഇ.ഡി ഫ്ലാഷും സമാർട്ട് കാപ്ചർ മോഡും റിസൾട്ട് കൂടുതൽ മികവുറ്റതാക്കും. സോണി െഎ.എം.എക്സ് സെൻസറോടുകൂടിയ 16 മെഗാപിക്സൽ മുൻകാമറ സെൽഫി താൽപര്യക്കാർക്ക് പറ്റിയ രീതിയിൽ മികവോടെ നൽകിയിട്ടുണ്ട്.
480 ഫ്രെയിംസ് പെർ സെക്കൻസിൽ 720 പി വീഡിയോയും 240 ഫ്രെയിംസ് പെർ സെക്കൻസിൽ 1080 പി വീഡിയോയും പകർത്താനുള്ള സൗകര്യം മുൻകാമറയിലുണ്ട്. പോർട്രെയ്റ്റ് മോഡും, സ്ലോമോഷനും ഇലക്ട്രോണിക് ഇമേജ് സ്റ്റെബ്ലൈസേഷനും നൽകിയിട്ടുണ്ട് മുൻകാമറയിലും നൽകിയിട്ടുണ്ട്. ഇൻഡിവൈസ് വീഡിയോ എഡിറ്ററും ഉപയോക്താക്കളെ ആകർഷിച്ചേക്കും. 0.4 സെക്കൻറുകളിൽ പ്രവർത്തിക്കുന്ന ഫേസ്അൺലോക്കും ഉണ്ട്.
എല്ലാ തരത്തിലുമുള്ള സെൻസറുകളും വൺപ്ലസ് ആറാമനിൽ ഉൾപെടുത്തിയിട്ടുണ്ട്. 3300 എം.എ.എച്ച് ബാറ്ററി, കമ്പനിയുടെ ഡാഷ് ചാർജറിെൻറ ഫാസ്റ്റ് ചാർജിങ്ങ് കരുത്തിൽ അരമണിക്കൂർ കൊണ്ട് ഫുൾ ചാർജാവുമെന്നും പറയുന്നു. 177ഗ്രാമാണ് ഫോണിെൻറ തൂക്കം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.