Begin typing your search above and press return to search.
exit_to_app
exit_to_app
Homechevron_rightTECHchevron_rightMobileschevron_rightനോക്കിയ 2 ഇന്ത്യൻ...

നോക്കിയ 2 ഇന്ത്യൻ വിപണി​യിലേക്ക്​

text_fields
bookmark_border
nokia-2
cancel

നോക്കിയയുടെ വില കുറഞ്ഞ ആൻ​ഡ്രോയിഡ്​ സ്​മാർട്ട്​ ഫോൺ 2 ഇന്ത്യൻ വിപണിയിലേക്ക്​. നവംബർ 24ന്​ ഫോൺ ഇന്ത്യയിൽ വിൽപ്പനക്കെത്തും. ഒാഫ്​ ലൈൻ സ്​റ്റോറുകളിലുടെയായിരിക്കും വിൽപന. പ്യൂറ്റർ ബ്ലാക്ക്​, പ്യൂറ്റർ വൈറ്റ്​, കോപ്പർ ബ്ലാക്ക്​ നിറങ്ങളിലാണ്​ ഫോൺ വിപണിയിലെത്തുക. 6,999 രൂപയായിരിക്കും ഫോണി​​െൻറ ഇന്ത്യയിലെ വില. നേരത്തെ നോക്കിയ 3,5,6 എന്നിങ്ങനെ മൂന്ന്​ ആ​ൻഡ്രോയിഡ്​ സ്​മാർട്ട്​ ഫോണുകൾ ഇന്ത്യൻ വിപണിയിൽ അവതരിപ്പിച്ചിരുന്നു. എന്നാൽ, മൂന്ന്​ ഫോണുകൾക്കും വിപണിയിൽ കാര്യമായ ചലനമുണ്ടാക്കാൻ സാധിച്ചിരുന്നില്ല.

 5 ഇഞ്ച്​ എൽ.ടി.പി.എസ്​ എൽ.സി.ഡി എച്ച്​.ഡി ഡി​സ്​പ്ലേയാണ്​ നോക്കിയ 2 നുള്ളത്​. കോണിങ്​ ഗൊറില്ല ഗ്ലാസി​​െൻറ സംരക്ഷണവും ഡിസ്​പ്ലേക്കുണ്ടാവും. 1 ജി.ബി റാം 8 ജി.ബി റോം എന്നിങ്ങനെയാണ്​​ സ്​റ്റോറേജ്​ സവിശേഷതകൾ. 1.3Ghz ക്വാഡ്​കോർ ക്യുവൽകോം സ്​നാപ്​ഡ്രാഗൺ 212 പ്രൊസസറാണ്​ ഫോണിന്​ കരുത്ത്​ പകരുക. 8 മെഗാപിക്​സലി​​െൻറ പിൻ കാമറ 5 മെഗാപിക്​സലി​​െൻറ മുൻ കാമറ എന്നിവയാണ്​ കാമറയിലെ സവിശേഷതകൾ. ആൻഡ്രോയിഡ്​ ന്യൂഗട്ടാണ്​ ഒാപ്പറേറ്റിങ്​ സിസ്​റ്റം. ഒാറിയോയിലേക്കുള്ള അപ്​ഡേഷനും ഫോണിൽ ലഭ്യമാകും. 4100 mAh ആണ്​ ബാറ്ററി.

​നോക്കിയ 2 വാങ്ങുന്നവർക്ക്​ അധിക ഡാറ്റ നൽകുമെന്ന്​ റിലയൻസ്​ ജിയോ അറിയിച്ചിട്ടുണ്ട്​.  45 ജി.ബി ഡാറ്റയാണ്​ അധികമായി നൽകുക. ഇൗ ഒാഫർ ലഭിക്കുന്നതിനായി ഉപയോക്​താകൾ 309 രൂപക്കോ അതിന്​ മുകളിലോ റീചാർജ്​ ചെയ്യണം. പ്രതിമാസം 5 ജി.ബി ഡാറ്റ വീതം ഒമ്പത്​ മാസത്തേക്കാണ്​ അധിക ഡാറ്റ ലഭിക്കുക.
 

Show Full Article
TAGS:nokia Nokia 2 HMD technology mobiles malayalam news 
News Summary - Nokia 2 Price in India Is Rs. 6,999, Goes on Sale on Friday-Technology
Next Story