Begin typing your search above and press return to search.
exit_to_app
exit_to_app
വിലയിലും ഫീച്ചറുകളിലും ഞെട്ടിച്ച്​ മോ​ട്ടോ; ജി60, ജി40 ഫ്യൂഷൻ ഉടൻ വിൽപ്പനക്കെത്തും
cancel
Homechevron_rightTECHchevron_rightMobileschevron_rightവിലയിലും ഫീച്ചറുകളിലും ...

വിലയിലും ഫീച്ചറുകളിലും ഞെട്ടിച്ച്​ മോ​ട്ടോ; ജി60, ജി40 ഫ്യൂഷൻ ഉടൻ വിൽപ്പനക്കെത്തും

text_fields
bookmark_border

മോട്ടറോള അവരുടെ ജി സീരീസിലേക്ക്​ രണ്ട്​ പുതിയ മോഡലുകൾ കൂടി അവതരിപ്പിച്ചു. മോ​ട്ടോ ജി60 മോ​ട്ടോ ജി40 ഫ്യൂഷൻ എന്നീ മോഡലുകളാണ്​ ഇന്ത്യയിൽ ലോഞ്ച്​ ചെയ്​തിരിക്കുന്നത്​. 120Hz റിഫ്രഷ്​​ റേറ്റുള്ള ഡിസ്​പ്ലേയും സ്​നാപ്​ഡ്രാഗണിന്‍റെ കരുത്തുറ്റ മിഡ്​റേഞ്ച്​ പ്രൊസസർ 732ജിയും വലിയ ബാറ്ററിയുമൊക്കെയായി എത്തുന്ന ഫോൺ മത്സരിക്കുന്നത്​ റെഡ്​മി നോട്ട്​ 10 സീരീസിനും റിയൽമി 8 സീരീസി​നുമെതിരെയാണ്​.

മോ​ട്ടോ ജി60യും മോ​ട്ടോ ജി40 ഫ്യൂഷനും തമ്മിൽ ഒരുപാട്​ സാമ്യങ്ങളുണ്ട്​. പ്രധാന വെത്യാസം കാമറ ഡിപ്പാർട്ട്​മെന്‍റിൽ മാ​ത്രമാണ്​. മോ​ട്ടോ ജി60യുടെ പിറകിലുള്ള ട്രിപ്പിൾ കാമറ സിസ്റ്റം എത്തുന്നത്​ 108MP ഉള്ള സാംസങ്​ ഐസോസെൽ HM2 സെൻസറുമായാണ്​. അതേസമയം ജി40 ഫ്യൂഷനിൽ 64MP പ്രധാന സെൻസറാണ്​. ഇരുഫോണുകളിലും 2.5cm മാക്രോ സെൻസറായും പ്രവർത്തിക്കുന്ന 8MP അൾട്രാ-വൈഡ്​​ കാമറയും 2MP ഡെപ്​ത്​ സെൻസറുമുണ്ട്​. ജി60യിൽ 32 മെഗാ പിക്​സലുള്ള മുൻ കാമറയും ജി40 ഫ്യൂഷനിൽ 16 മെഗാ പിക്​സലുള്ള മുൻകാമറയുമാണ്​ നൽകിയിരിക്കുന്നത്​.


ഇരുഫോണുകൾക്കും 6.8 ഇഞ്ചുള്ള ഫുൾ എച്ച്​ഡി എൽ.സി.ഡി ഡിസ്​പ്ലേയും അതിന്​ 120Hz റിഫ്രഷ്​ റേറ്റും HDR10 പിന്തുണയുമുണ്ട്​. 2460 x 1080 പിക്​സലാണ്​ ഡിസ്​പ്ലേയുടെ റെസൊല്യൂഷൻ. ഇരുഫോണുകൾക്കും കരുത്ത്​ പകരുന്നത്​ സ്​നാപ്​ഡ്രാഗണിന്‍റെ​ പ്രൊസസർ 732ജിയാണ്​. സ്​റ്റോക്​ ആൻഡ്രോയിഡുമായി എത്തുന്ന ഇരുഫോണുകളിലും ഏറ്റവും പുതിയ ആൻഡ്രോയ്​ഡ്​ 11 ഓപറേറ്റിങ്​ സിസ്റ്റമാണ്​.

20W ടർബോ പവർ ചാർജിങ്​ പിന്തുണയുള്ള 6,000mAh ബാറ്ററിയാണ്​ ഫോണിന്‍റെ മറ്റൊരു ​പ്രത്യേകത. വിലയിലാണ്​ മോ​ട്ടോ ഇത്തവണ ഞെട്ടിക്കുന്നത്​. മോ​ട്ടോ ജി40 ഫ്യൂഷന്‍റെ 4GB+64GB വകഭേദത്തിന്​ 13,999 രൂപയാണ്​ വില. 6GB+128GBക്ക്​ 15,999 രൂപ ​നൽകേണ്ടി വരും. അതേസമയം​ മോ​ട്ടോ ജി60യുടെ​ 6GB+128GB മോഡലിന്​ 17,999 രൂപയാണ്​ വില. ഏപ്രിൽ 27ന്​ ഫ്ലിപ്​കാർട്ടിലൂടെ ഫോൺ വിൽപ്പനക്കെത്തും.

Show Full Article
TAGS:Moto G60 Moto G40 Fusion Flipkart Motorola 
News Summary - Moto G60 Moto G40 Fusion Launched in India
Next Story