ഇന്ത്യാ ലോഞ്ചിന്​ മുമ്പേ സാംസങ് ഗ്യാലക്‌സി​ ഫോൾഡ്​ 3 സ്വന്തമാക്കി മോഹൻലാൽ

സെപ്​തംബർ 10ന്​ ഇന്ത്യയിൽ ലോഞ്ച്​ ചെയ്യാനിരിക്കുന്ന സാംസങ്ങി​െൻറ ഫ്ലാഗ്​ഷിപ്പ്​ സ്​മാർട്ട്​ഫോണായ ഗ്യാലക്‌സി Z ഫോള്‍ഡ് 3 സ്വന്തമാക്കി നടൻ മോഹൻലാൽ. ദക്ഷിണ കൊറിയൻ കമ്പനിയുടെ ഫോൾഡബിൾ ഫോൺ സീരീസിലെ മൂന്നാം തലമുറ മോഡലിന്​​ വേണ്ടിയുള്ള പ്രീ-രജിസ്​ട്രേഷൻ ഇന്ത്യയിൽ ആരംഭിച്ചി​േട്ടയുള്ളു. അതിനിടെയാണ്​ രാജ്യത്തെ​ ആദ്യത്തെ ഫോൾഡ്​ 3 ഉടമയായി മോഹൻലാൽ മാറിയത്​​.

മടക്കിവയ്ക്കാവുന്ന രീതിയിലുള്ള ഡിസൈനാണ് ഫോർഡ്​ 3 എന്ന ഫോണിനെ ഏറ്റവും ആകർഷണീയമാക്കുന്നത്​. ഗാലക്സി Z ഫോൾഡ് 2​െൻറ പിൻഗാമിയാണ് ഗാലക്സി Z ഫോൾഡ് 3. മുൻ മോഡലിലുണ്ടായിരുന്ന പ്രശ്​നങ്ങളെല്ലാം പരിഹരിച്ച്​ ഗംഭീരമാക്കിയാണ്​ മൂന്നാമനെ അവതരിപ്പിച്ചിരിക്കുന്നത്​.

7.6 ഇഞ്ച് വലിപ്പമുള്ള പ്രൈമറി ക്യുഎക്സ്ജിഎ+ (2,208x1,768 പിക്സൽസ്) ഡൈനാമിക് അമോലെഡ് 2 എക്സ് ഇൻഫിനിറ്റി ഫ്ലെക്സ് ഡിസ്പ്ലേയാണ്​ ഫോൾഡ്​ 3ക്ക്​. 120Hz അഡാപ്റ്റീവ് റിഫ്രഷ് റേറ്റുണ്ട്​. 374ppi ആണ്​ പിക്സൽ ഡെൻസിറ്റി. സാംസങ്​ പ്രത്യേകമായി നിർമിച്ചെടുത്ത വളയ്​ക്കാവുന്ന ഡിസ്​പ്ലേക്ക്​ കോർണിങ്​ ഗൊറില്ല ഗ്ലാസ് വിക്ടസ് സംരക്ഷണവുമുണ്ട്​.

സ്‌നാപ്ഡ്രാഗണ്‍ 888 എന്ന ഇപ്പോൾ ലഭ്യമായിട്ടുള്ള ഏറ്റവും കരുത്തുറ്റ പ്രൊസസറാണ്​ സാംസങ്​ ഫോണിൽ ഉൾകൊള്ളിച്ചിട്ടുള്ളത്​. 2.84GHz സ്പീഡുള്ള 5nm ഒക്ടാകോർ SoC പ്രോസസ്സറാണിത്​​. ഫോണിന്​ വാട്ടർ-റെസിസ്റ്റൻറ്​ IPX8 പിന്തുണയമുണ്ട്​. Z ഫോള്‍ഡ് 3യ്ക്ക് 1,49,999 മുതല്‍ 1,57,999 വരെയാണ് ബുക്കിംങ് വില. 12 ജിബി റാം + 256 ജിബി സ്റ്റോറേജ്, 12 ജിബി റാം + 512 ജിബി സ്റ്റോറേജ് എന്നിങ്ങനെ രണ്ട് പതിപ്പുകളിൽ ഗാലക്‌സി Z ഫോൾഡ് 3 വാങ്ങാം.