Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTECHchevron_rightMobileschevron_rightപരാശ്രയം​ ഇതോടെ...

പരാശ്രയം​ ഇതോടെ അവസാനിപ്പിക്കാം; മെയ്​ഡ്​ ഇൻ ഇന്ത്യ ഫോൺ ലോഞ്ച്​ ചെയ്യാനൊരുങ്ങി മൈക്രോമാക്​സ്​

text_fields
bookmark_border
പരാശ്രയം​ ഇതോടെ അവസാനിപ്പിക്കാം; മെയ്​ഡ്​ ഇൻ ഇന്ത്യ ഫോൺ ലോഞ്ച്​ ചെയ്യാനൊരുങ്ങി മൈക്രോമാക്​സ്​
cancel

പഴയ പ്രതാപം തിരിച്ചുപിടിക്കാൻ ഇന്ത്യൻ സ്​മാർട്ട്​ഫോൺ നിർമാതാക്കളായ മൈക്രോമാക്​സ്​ ഒരുങ്ങുന്നു. ഇന്ത്യയിൽ ഉടലെടുത്ത ചൈന വിരുദ്ധ വികാരം ചൈനീസ്​ കമ്പനികൾക്ക്​ പ്രതിസന്ധി ഉയർത്താൻ തുടങ്ങിയതോടെ, തങ്ങളുടെ തിരിച്ചുവരവ്​ കഴിഞ്ഞ ജൂണിൽ തന്നെ മൈക്രോമാക്​സ്​ പ്രഖ്യാപിച്ചിരുന്നു. എന്നാൽ, ഏറ്റവും ഒടുവിൽ വന്ന റിപ്പോർട്ടുകൾ അനുസരിച്ച്​ കമ്പനി അടുത്ത മാസം തന്നെ പുതിയ ഫോണുകൾ രാജ്യത്ത്​ അവതരിപ്പിച്ചേക്കും.

സമൂഹ മാധ്യമങ്ങളിലൂടെയായിരുന്നു തങ്ങളുടെ തിരിച്ചുവരവ് മൈക്രോമാക്​സ്​​ പ്രഖ്യാപിച്ചത്​. പിന്നാലെ ചോദ്യങ്ങളും പ്രതീക്ഷകളും പങ്കുവെച്ചുകൊണ്ട്​ എത്തിയത്​ ആയിരങ്ങളായിരുന്നു. ''പ്രീമിയം ഫീച്ചറുകളും ഏറ്റവും മോഡേൺ ലുക്കുമുള്ള എന്നാൽ ബജറ്റിലൊതുങ്ങുന്നതുമായ ഒരു സ്​മാർട്ട്​ഫോൺ... അതെങ്ങനെയുണ്ട്​ ?? '' ട്വിറ്റർ അക്കൗണ്ടിലൂടെ ഒരു യൂസറിന്​ മൈക്രോമാക്​സ്​ നൽകിയ മറുപടി ഇതായിരുന്നു.

പുതിയ ഫോൺ​ ഇന്ത്യൻ മാർക്കറ്റിൽ അവതരിപ്പിക്കാൻ മൈക്രോമാക്​സ്​ തയാറെടുപ്പ്​ നടത്തുന്നതിനിടെ​ നിർമാണ പ്രവർത്തനങ്ങൾക്ക്​ കാലതാമസം നേരിട്ടത് പ്രതിസന്ധി സൃഷ്​ടിച്ചിരുന്നു​. എന്നാൽ കമ്പനിയുടെ സി.ഇ.ഒ രാഹുൽ ശർമ അടുത്ത്​ തന്നെ തങ്ങൾ രാജ്യത്തെ സ്​മാർട്ട്​ഫോൺ വിപണിയിലേക്ക്​ തിരിച്ചുവരുമെന്ന്​ എകണോമിക്​ ടൈംസിനോട്​ പ്രതികരിച്ചു.

ആഗസ്​ത്​ 15ന്​ ഒൗദ്യോഗിക ട്വിറ്റർ അക്കൗണ്ടിൽ ഒരു വിഡിയോ പോസ്റ്റ്​ ചെയ്​ത്​ മൈക്രോമാക്​സ്​ അത്​ സ്ഥിരീകരിക്കുകയും ചെയ്തു. '73 വർഷത്തെ സ്വാതന്ത്ര്യത്തിലായിരുന്നോ.. അതോ പരാശ്രയത്വത്തിലോ...? 74ാം സ്വാതന്ത്ര്യ ദിനത്തിൽ നമുക്ക്​ മറ്റുള്ളവരെ ആശ്രയിക്കുന്നത്​ നിർത്തി, സ്വയം പര്യാപ്​തരാവാം. ഇൗ വിപ്ലവത്തിൽ ഞങ്ങളോടൊപ്പം ചേരാൻ നിങ്ങൾ തയാറാണോ...? വിഡിയോക്ക്​ അടിക്കുറിപ്പായി മൈക്രോമാക്​സ്​ കുറിച്ചത്​ ഇങ്ങനെയായിരുന്നു.

നിലവിൽ ബജറ്റ്​ സ്​മാർട്ട്​ഫോണുകൾ ഇറക്കി​ രാജ്യത്തെ മാർക്കറ്റ്​ ഭരിക്കുന്ന റിയൽമി, ഷവോമി തുടങ്ങിയ ചൈനീസ്​ കമ്പനികളെ ലക്ഷ്യമിട്ട്​ തന്നെയാണ്​ മൈക്രോമാക്​സും രംഗത്തെത്തുന്നത്​. 15000 രൂപക്ക്​ താഴെ മികച്ച ഫീച്ചറുകളുമായി അവതരിപ്പിക്കുന്ന ഫോണുകൾക്ക്​ കരുത്ത്​ പകരുക മീഡിയ ടെകി​െൻറ പ്രൊസസറായിരിക്കും. അടുത്ത മാസം തന്നെ മൈക്രോമാക്​സ്​ തങ്ങളുടെ തിരിച്ചുവരവിലെ താരത്തെ ലോഞ്ച്​ ചെയ്​തേക്കും.

Show Full Article
TAGS:Micromax Rahul Sharma 
Web Title - Micromax Might Launch Phones Next Month
Next Story