Begin typing your search above and press return to search.
exit_to_app
exit_to_app
ഡിസൈനും കാമറയുമടക്കം അടിമുടി മാറ്റം; ഐഫോൺ 14നായി കാത്തിരുന്നോളൂ....
cancel
Homechevron_rightTECHchevron_rightMobileschevron_rightഡിസൈനും കാമറയുമടക്കം...

ഡിസൈനും കാമറയുമടക്കം അടിമുടി മാറ്റം; ഐഫോൺ 14നായി കാത്തിരുന്നോളൂ....

text_fields
bookmark_border

ഐഫോൺ പ്രേമികളോളം 2022-നെ കാത്തിരിക്കുന്നവർ കുറവായിരിക്കും​. കാരണം മറ്റൊന്നുമല്ല, ഐഫോൺ 14 സീരീസി​െൻറ വരവ്​ തന്നെ. 14-ാലാമനുമായി ബന്ധപ്പെട്ട​ ഒട്ടനവധി ലീക്കുകൾ സമീപകാലത്തായി പുറത്തുവന്നിട്ടുണ്ട്​. അവയെല്ലാം തന്നെ ഫോണിനെ കുറിച്ചുള്ള പ്രതീക്ഷകൾ വാനോളമെത്തിക്കുന്നതാണ്​.

എന്നാൽ, ഏറ്റവും പുതിയ റിപ്പോർട്ടുകൾ പ്രകാരം ഐഫോൺ 14ൽ 48 മെഗാപിക്​സൽ കാമറയും ആപ്പിൾ ആദ്യമായി കൊണ്ടുവരികയാണ്​. അനലിസ്റ്റായ ജെഫ്​ പു ആണ്​ ഐഫോൺ 14 പ്രോ, 14 പ്രോ മാക്​സ്​ എന്നീ മോഡലുകൾ 48MP പ്രൈമറി കാമറയുമായി എത്തുമെന്ന സൂചന നൽകിയിരിക്കുന്നത്​. ഐഫോൺ 13 വരെയുള്ള സീരീസുകളിൽ ആപ്പിൾ 12 മെഗാപിക്​സലുള്ള സെൻസറുകളാണ്​ നൽകി വന്നിരുന്നത്​.

48 മെഗാപിക്​സലുള്ള പ്രധാന കാമറയും കൂടെ 12 മെഗാപിക്സൽ വീതമുള്ള അൾട്രാ-വൈഡ്​, ടെലിഫോ​ട്ടോ ലെൻസുകളും 14 സീരീസിൽ പ്രതീക്ഷിക്കാമെന്നും ജെഫ്​ പു പറയുന്നു.

14-ാമനിലുള്ള മാറ്റങ്ങൾ കാമറയിൽ മാത്രമായി ഒതുങ്ങില്ല. 14 പ്രോ വേർഷനുകളിൽ ആദ്യമായി ആപ്പിൾ 8 ജിബി റാമും കൊണ്ടുവന്നേക്കും. ഐഫോൺ 13 പ്രോ മോഡലുകളിലെ 6 ജിബി റാം ആയിരുന്നു ഇതുവരെയുള്ള ഏറ്റവും വലിയ റാം സൈസ്​.


എല്ലാ iPhone 14 മോഡലുകളും (iPhone 14, iPhone 14 Max, iPhone 14 Pro, iPhone 14 Pro Max) 120Hz ഡിസ്‌പ്ലേയുമായി വരുമെന്ന് സൂചനയുണ്ട്​. നിലവിൽ അത്തരം ഡിസ്​പ്ലേ ഫീച്ചർ പ്രോ ഫോണുകളിൽ മാത്രമായി പരിമിതപ്പെടുത്തിയിരിക്കുന്നു.

ഐഫോൺ 14 സീരീസ് ഒരു പ്രധാന ഡിസൈൻ മാറ്റവും കൊണ്ടുവരുന്നുണ്ട്​. ഇപ്പോഴുള്ള വലിയ നോച്ചുകളോട്​ വിട പറഞ്ഞ്​ ഇനിമുതൽ ഐഫോണുകളിൽ പഞ്ച്-ഹോൾ സ്‌ക്രീനെ സ്വാഗതം ചെയ്യുകയാണ്​ ആപ്പിൾ. ഫോണുകളിൽ യുഎസ്ബി ടൈപ്പ്-സി പോർട്ടും പ്രതീക്ഷിക്കാം. അതേസമയം, ഇത്രയും കാര്യങ്ങൾ ആപ്പിൾ ഔദ്യോഗികമായി സ്ഥിരീകരിച്ചിട്ടില്ല.

Show Full Article
TAGS:Apple iPhone 14 Pro Apple iPhone 
News Summary - iPhone 14 Pro might come with a 48MP Camera
Next Story