Begin typing your search above and press return to search.
exit_to_app
exit_to_app
വില കുറച്ച്​ ഫീച്ചറുകൾ കൂട്ടി; പിക്സൽ 6 സീരീസ്​ അവതരിപ്പിച്ച്​ ഗൂഗ്​ൾ, അറിയാം വിശേഷങ്ങൾ
cancel
Homechevron_rightTECHchevron_rightMobileschevron_rightവില കുറച്ച്​ ഫീച്ചറുകൾ ...

വില കുറച്ച്​ ഫീച്ചറുകൾ കൂട്ടി; പിക്സൽ 6 സീരീസ്​ അവതരിപ്പിച്ച്​ ഗൂഗ്​ൾ, അറിയാം വിശേഷങ്ങൾ

text_fields
bookmark_border

കാത്തിരിപ്പിനൊടുവിൽ ഗൂഗ്​ൾ അവരുടെ പിക്​സൽ 6 സീരീസ്​ അവതരിപ്പിച്ചിരിക്കുകയാണ്​. സ്വന്തം ചിപ്​സെറ്റുമായി എത്തുന്ന പിക്​സൽ ഫോണുകളിൽ ഇത്തവണ, ഡിസൈനിലും കാര്യമായ മാറ്റങ്ങളാണുള്ളത്​. 50 മെഗാപിക്സൽ ക്യാമറ, ഇൻഡിസ്​പ്ലേ ഫിംഗർ പ്രിൻറ്​ സെൻസർ തുടങ്ങി, മുൻ മോഡലുകളിൽ കാണാൻ കഴിയാതിരുന്ന പല സവിശേഷതകളും ആറാമനിൽ ഉൾകൊള്ളിച്ചിട്ടുണ്ട്​.

പിക്‌സൽ 6ന് നൽകിയിരിക്കുന്നത്​ 6.4 ഇഞ്ച് FHD+ AMOLED ഫ്ലാറ്റ്​ ഡിസ്​പ്ലേയാണ്​. അതേസമയം, പിക്​സൽ 6 പ്രോയുടേത്​ 6.7 ഇഞ്ച് വലിപ്പമുള്ള QHD+AMOLED കർവ്​ഡ്​ ഡിസ്‌പ്ലേയാണ്​. 120Hz റിഫ്രഷ്​ റേറ്റും 6 പ്രോയുടെ ഡിസ്​പ്ലേയ്​ക്ക്​ നൽകിയിട്ടുണ്ട്​. പിക്​സൽ 6ലാക​െട്ട 90Hz റിഫ്രഷ്​ റേറ്റ്​ മാത്രമാണ് നൽകിയത്​.


50 മെഗാപിക്‌സൽ പ്രധാന ക്യാമറയാണ്​ 6 പ്രോയിലുമുള്ളത്. ഒപ്പം, 12എംപി അൾട്രാവൈഡ് ക്യാമറയും 48 മെഗാപിക്‌സലിന്റെ ടെലിഫോട്ടോ ലെൻസും പ്രോ വേരിയൻറിന്​ നൽകി. 6 പ്രോയിലുള്ളത് 11.1 എംപിയുടെ സെൽഫി ക്യാമറയാണ്. പിക്​സൽ 6ലും 50 മെഗാപിക്‌സലിന്റെ പ്രധാന ക്യാമറയാണ്​ നൽകിയത്​. 12 മെഗാപിക്‌സൽ, അൾട്രാവൈഡ് ക്യാമറയും 8 മെഗാപിക്‌സൽ സെൽഫി ക്യാമറയുമാണ്​ മറ്റ്​ സവിശേഷതകൾ.

കമ്പനിയുടെ ഇൻ-ഹൗസ് ഗൂഗിൾ ടെൻസർ ചിപ്‌സെറ്റ്​ കരുത്തേകുന്ന ആദ്യത്തെ സ്മാർട്ട്​ഫോണുകളാണ്​ പിക്സൽ 6, പിക്സൽ 6 പ്രോ എന്നിവ. ഇതുവരെ ഗൂഗ്​ൾ പിക്​സൽ ഫോണുകളിൽ ഉൾകൊള്ളിച്ചിരുന്ന ക്വാൽകോമിന്റെ സ്‌നാപ്ഡ്രാഗൺ പ്രൊസസറുകളോട്​ ഗുഡ്​ബൈ പറഞ്ഞിരിക്കുകയാണ്​ ഗൂഗ്​ൾ. 5ജി പിന്തുണയുള്ള ചിപ്​സെറ്റാണ്​ ടെൻസർ.


ആൻഡ്രോയ്​ഡ്​ 12 അടിസ്ഥാനമാക്കിയുള്ള ഗൂഗ്​ൾ സ്​റ്റോക്​ ആൻഡ്രോയ്​ഡ്​ യൂസർ ഇൻറർഫേസാണ്​ പിക്​സൽ 6 സീരീസിലുള്ളത്​. മൂന്ന്​ വർഷത്തെ മേജർ ആൻഡ്രോയ്​ഡ്​ അപ്​ഡേറ്റുകളും അഞ്ച്​ വർഷത്തെ സെക്യൂരിറ്റി പാച്ച്​ അപ്​ഡേറ്റുകളും പുതിയ ഫോണുകൾക്ക്​ ഗൂഗ്​ൾ നൽകിയേക്കും.

പിക്‌സൽ 6ൽ 8ജിബി റാമും 128 ജിബി, 256 ജിബി സ്​റ്റോറേജ്​ വകഭേദങ്ങളുമാണുള്ളത്​. എന്നാൽ, 6 പ്രോയിൽ 12 ജിബി റാമും 128ജിബി, 256 ജിബി, 512 ജിബി സ്​റ്റോറേജ്​ മോഡലുകളുമുണ്ട്​. ഇരുഫോണുകളിലും ഇൻ-ഡിസ്​പ്ലേ ഫിംഗർപ്രിൻറ്​ സെൻസറുമുണ്ടായിരിക്കും. Wi-Fi 6E, ബ്ലൂടൂത്ത്​ 5.2 എന്നിവയാണ്​ മറ്റ്​ സവിശേഷതകൾ.


പിക്​സൽ 6ൽ 4,600 mAh ബാറ്ററിയും 6 പ്രോയിൽ 5,000mAh ബാറ്ററിയുമാണ്​ ഉൾകൊള്ളിച്ചത്​. രണ്ട്​ ഫോണുകളും 30W വയേർഡ്​ ചാർജിങ്ങും 23W വയർലെസ്​ ചാർജിങ്ങും പിന്തുണക്കുന്നുണ്ട്​. ഗൂഗിൾ പിക്സൽ 6 ബോക്സുകളിൽ ചാർജർ ഉൾപ്പെടുത്താത്തതിനാൽ പവർ അഡാപ്റ്റർ പ്രത്യേകമായി വാങ്ങേണ്ടിവരും.

പതിവുതെറ്റിച്ചുകൊണ്ട്​ ഗൂഗ്​ൾ പിക്​സൽ ഫോണുകളുടെ വിലയിൽ ഇത്തവണ അൽപ്പം വിട്ടുവീഴ്​ച്ച വരുത്തിയിട്ടുണ്ട്​. പിക്‌സൽ 6​െൻറ പ്രാരംഭ വില 44,971 രൂപയാണ്. 67,494 രൂപയാണ് പിക്‌സൽ 6 പ്രോയുടെ വില.

Show Full Article
TAGS:Google Pixel 6 Google Pixel 6 Pro Google Pixel 
News Summary - Google Pixel 6 Pixel 6 Pro Launched
Next Story