Begin typing your search above and press return to search.
proflie-avatar
Login
exit_to_app
exit_to_app
ഇന്ത്യയിൽ അടുത്തമാസം ലോഞ്ച്​ ചെയ്യാൻ പോകുന്ന ആറ്​ കിടിലൻ സ്​മാർട്ട്​ഫോണുകൾ
cancel
Homechevron_rightTECHchevron_rightMobileschevron_rightഇന്ത്യയിൽ അടുത്തമാസം...

ഇന്ത്യയിൽ അടുത്തമാസം ലോഞ്ച്​ ചെയ്യാൻ പോകുന്ന ആറ്​ കിടിലൻ സ്​മാർട്ട്​ഫോണുകൾ

text_fields
bookmark_border

2020 കോവിഡ്​ വിഴുങ്ങിയ വർഷമായിരുന്നെങ്കിലും സ്​മാർട്ട്​ഫോൺ നിർമാതാക്കൾ അവരുടെ ഉത്​പന്നങ്ങൾ വെർച്വൽ ഇവൻറുകളിലൂടെ നിരന്തരം ലോഞ്ചു ചെയ്യുന്ന കാഴ്​ച്ചയായിരുന്നു നാം കണ്ടത്​. 2021ലും പതിവ്​ തുടരുകയാണ്​​. പ്രമുഖ ബ്രാൻഡുകൾ അവരുടെ ഏറ്റവും പുതിയ മോഡലുകളുടെ നിരയുമായി ലോഞ്ചിങ്ങിന്​ കാത്തിരിക്കുകയാണ്​. ലോകത്തിലെ ഏറ്റവും വലിയ രണ്ടാമത്തെ വിപണിയായ ഇന്ത്യയിൽ അടുത്തമാസം വിവിധ ബ്രാൻഡുകളുടെതായി ഇറങ്ങാൻ പോകുന്നത്​ ആറ്​ മോഡലുകളാണ്​. 5ജി യുഗത്തിലേക്കുള്ള കാൽവെയ്​പ്പായി 5ജി സ്​മാർട്ട്​ഫോണുകളാണ്​ കമ്പനികൾ ലോഞ്ചുചെയ്യുക​.

ഷവോമി മി 11 സീരീസ്​

ലോകത്തിലെ ആദ്യത്തെ സ്​നാപ്​ഡ്രാഗൺ 888 കരുത്തുപകരുന്ന ഫോണായി ഷവോമി ചൈനയിൽ അവതരിപ്പിച്ച മോഡലായിരുന്നു മി 11. ഫെബ്രുവരിയിൽ ഇന്ത്യയിലെത്തുന്ന മി 11​െൻറ പ്രത്യേകത ഏറ്റവും കരുത്തനായ പ്രൊസ്സസർ തന്നെയാണ്​. മി 10 ഫ്ലാഗ്​ഷിപ്പ്​ ഫോണുകളുടെ പിന്മുറക്കാരനായി മി 11 വരു​േമ്പാൾ ഷവോമി പ്രതീക്ഷിക്കുന്നത്​ മികച്ച വരവേൽപ്പ തന്നെയാണ്​. ഫോണി​െൻറ ഫീച്ചറുകളെല്ലാം തന്നെ അതിന്​ സാധ്യത വർധിപ്പിക്കുന്നതും. ചൈനയിൽ 3,999 യുവാന്​ വിൽപ്പനക്കെത്തിയ മി11-ന്​ ഇന്ത്യയിൽ 45000 രൂപക്ക്​ താഴെയാണ്​ വില പ്രതീക്ഷിക്കുന്നത്​. മി 11 കൂടാതെ മി 11 ലൈറ്റും ഇന്ത്യയിൽ ഷവോമി അവതരിപ്പിച്ചേക്കും.

റിയൽമി X7 സീരീസ്​

മറ്റ്​ ബ്രാൻഡുകളുടെ 5ജി ഫോണുകളുമായി മത്സരിക്കാൻ റിയൽമിയെത്തുന്നത്​ X7 സീരീസുമായാണ്​. 2020 സെപ്​തംബറിൽ ചൈനയിൽ കമ്പനി അവതരിപ്പിച്ച ഇൗ മോഡലുകൾ ഇന്ത്യയിൽ ഫെബ്രുവരി തുടക്കത്തിൽ തന്നെ ലോഞ്ച്​ ചെയ്​തേക്കാം. മീഡിയടെകി​െൻറ ഡൈമൻസിറ്റി 1000 + ഉം 880 യു ചിപ്​സെറ്റുകളാണ്​ X7 കരുത്ത്​ പകരുക. AMOLED ഡിസ്​പ്ലേയും 64MP ക്വാഡ്​ കാമറയും 65W വാട്ട്​ അതിവേഗ ചാർജറുമൊക്കെ ഇൗ മോഡലുകളുടെ പ്രത്യേകതയായിരിക്കും. ചൈനയിൽ 1799 യുവാനാണ് (~Rs. 20,000) X7 സീരീസി​െൻറ പ്രാഥമിക വില.

പോകോ എം3

ഷവോമിയുടെ സബ്​ ബ്രാൻഡ്​ പോകോ ഇൗ വർഷം ഇന്ത്യയിൽ അവതരിപ്പിക്കുന്നത്​ ഒരു ബജറ്റ്​ സ്​മാർട്ട്​ഫോണാണ്​. ആഗോള മാർക്കറ്റിൽ കഴിഞ്ഞ വർഷമെത്തിയ പോകോ എം3 ഏവരുടെയും മനംകവരുന്ന ഫീച്ചറുകളാൽ സമ്പന്നമാണ്​. 11000 രൂപ മുതൽ വില പ്രതീക്ഷിക്കുന്ന എം3-ക്ക്​ 6000 എം.എ.എച്ച്​ ബാറ്ററിയും ഫുൾ എച്ച്​ഡി ഡിസ്​പ്ലേയും മീഡിയ ടെകി​െൻറ പ്രൊസസറുമാണ്​ നൽകിയിരിക്കുന്നത്​. ഫോൺ ഏത്​ ദിവസമാണ്​ ലോഞ്ച്​ ചെയ്യുകയെന്ന്​ കമ്പനി പുറത്തുവിട്ടിട്ടില്ല.

റെഡ്​മി നോട്ട്​ 10 സീരീസ്​

ഷവോമി അടുത്തമാസം മി 11നൊപ്പം റെഡ്​മിയുടെ ഹിറ്റ്​ സീരീസായ നോട്ടിലെ​ 10-ആമനെ കൂടി അവതരിപ്പിച്ചേക്കുമെന്നും സൂചനയുണ്ട്​. 5ജി പിന്തുണയാണ്​ മുൻ നോട്ട്​ മോഡലുകളിൽ നിന്നും പുതിയ വകഭേദത്തിനുള്ള പ്രധാന സവിശേഷത. ഇന്ത്യയിൽ പതിവുപോലെ വളരെ കുറഞ്ഞ വിലയിലായിരിക്കും നോട്ട്​ 10, നോട്ട്​ 10 പ്രോ മോഡലുകൾ എത്തുക. 5ജി പിന്തുണയുള്ള മീഡിയ ടെക്​ പ്രൊസസറായിരിക്കും ഫോണുകൾക്ക്​. എന്തായാലും ഇന്ത്യയിലെ സ്​മാർട്ട്​ഫോൺ പ്രേമികൾ റെഡ്​മിയുടെ ലെജൻററി നോട്ട്​ സീരീസിലെ പുതിയ അതിഥിയെ ഏറ്റവും ആകാംക്ഷയോടെ കാത്തിരിക്കുകയാണ്​.

സാംസങ്​ ഗാലക്​സി A52

2020-ൽ ആഗോളതലത്തിൽ ഏറ്റവും കൂടുതൽ വിൽക്കപ്പെട്ട ഫോണുകളിൽ ഒന്നാമനായിരുന്നു സാംസങ്ങി​െൻറ എ51. മുൻ മോഡലി​െൻറ പ്രതാപം കാത്തുസൂക്ഷിക്കാനായി അവർ എ52 എന്ന പുതിയ താരത്തെ ഇൗ വർഷം തുടക്കത്തിൽ തന്നെ അവതരിപ്പിക്കുകയാണ്​. മിഡ്​റേഞ്ചിലുള്ള ഇൗ മോഡലിൽ ക്വാൽകോം സ്​നാപ്​ഡ്രാഗൺ 720ജി എന്ന പ്രൊസസറായിരിക്കും സാംസങ്​ ഉൾക്കൊള്ളിക്കുകയെന്നാണ്​ സൂചന. പഞ്ച്​ ഹോൾ ഡിസ്​പ്ലേയും എട്ട്​ ജിബി റാമുമുള്ള ഫോണിന് ഒരു 5ജി വേർഷനും കമ്പനി അവതരിപ്പിച്ചേക്കും.

ഒപ്പോ ​ F19

ഫെബ്രുവരിയിൽ ഒപ്പോ രാജ്യത്ത്​ എത്തിക്കുന്നത്​ അവരുടെ എഫ്​ സീരീസിലെ കേമൻ F19-നെയാണ്​. ചിലപ്പോൾ F21 എന്നായിരിക്കും ഫോണി​െൻറ പേരെന്നും സൂചനയുണ്ട്​. ഇന്ത്യയിൽ ആദ്യത്തെ ഡൈമൻസിറ്റി 1000 + ചിപ്​സെറ്റുള്ള ​ഫോൺ ലോഞ്ച്​ ചെയ്​ത ഒപ്പോ തൊട്ടുപിന്നാലെയാണ്​ എഫ്​ സീരീസ്​ ഫോണുകളുമായി എത്തുന്നത്​. ഫോണി​െൻറ വിശേഷങ്ങൾ വൈകാതെ കമ്പനി പുറത്തുവിടും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:xiaomiSmartphonesopposamsung5G Phonepoco m3
Next Story