Top
Begin typing your search above and press return to search.
exit_to_app
exit_to_app
Homechevron_rightTECHchevron_rightMobileschevron_right2018 പകുതിയോടെ ആപ്പിൾ ...

2018 പകുതിയോടെ ആപ്പിൾ ​െഎഫോൺ എക്​സ്​ നിർമാണം നിർത്തുമെന്ന്​

text_fields
bookmark_border
2018 പകുതിയോടെ ആപ്പിൾ ​െഎഫോൺ എക്​സ്​ നിർമാണം നിർത്തുമെന്ന്​
cancel

സാൻ ഫ്രാൻസിസ്​കോ: സ്​മാർട്​ഫോൺ ലോകത്തെ കഴിഞ്ഞ വർഷത്തെ​ ചർച്ചാ വിഷയമായ ​‘െഎഫോൺ എക്​സി​​െൻറ​ നിർമാണം ഇൗ വർഷം മധ്യേ നിർത്തിവെക്കാൻ ആപ്പിൾ ഒരുങ്ങുന്നതായി സൂചന. അതി നൂതന സംവിധാനങ്ങളായ ഫെയിസ്​ ​െഎഡി, ഫുൾ ഫ്രണ്ടൽ ഡിസ്​പ്ലേ, ഇയർ പോഡ്​ ഫീച്ചർ എന്നിവയുമായി വന്ന എക്​സിനെ​ കഴിഞ്ഞ വർഷത്തെ സ്​മാർട്​ ഫോൺ ഒാഫ്​ ദി ഇയറായി പലരും പ്രഖ്യാപിച്ചിരുന്നു.

കെ.ജി.​െഎ സെക്യൂരിറ്റി അനലിസ്​റ്റായ മിങ്​ ചി കുഒാ ആണ്​ ആപ്പിളി​​​െൻറ നീക്കത്തെ കുറിച്ച വിവരങ്ങൾ പുറത്ത്​ വിട്ടത്​.  എക്​സ്​ പെട്ടന്ന്​ വിപണിയിൽ നിന്നും നീക്കം ചെയ്യാനുള്ള ആപിളി​​​െൻറ തീരുമാനത്തിന്​ മിങ്​ ചി പറയുന്ന കാരണം ഇതാണ്​​​. മാർക്കറ്റിലിറക്കി കാലം ചെല്ലു​േമ്പാൾ ആപ്പിളി​​​െൻറ മറ്റ്​ ഡിവൈസുകൾക്ക്​ വില കുറക്കുന്നത്​ പോലെ, എക്​സിന്​ വില കുറച്ചാൽ, അത്​ മറ്റ്​ പ്രീമിയം മോഡലുകളുടെ വിൽപനയെ ബാധിക്കും.

​െഎഫോൺ എക്​സ്​ ആദ്യ ജനറേഷൻ പിൻവലിക്കുന്നതിനെ കുറിച്ച്​ ആരാധകർ നിരാശരാവേണ്ട കാര്യവുമില്ല. കാരണം ഇൗ വർഷം തന്നെ എക്​സി​​​െൻറ രണ്ടാം പതിപ്പ്​ ആപ്പിൾ വിപണിയിൽ എത്തിക്കും. പക്ഷെ രൂപത്തിലും ഭാവത്തിലും മാറ്റം വരാൻ സാധ്യതയുണ്ട്​. ജനുവരി^മാർച്ച് മാസത്തെ ക്വാർട്ടറിൽ 18 ദശലക്ഷം ​െഎഫോൺ എക്​സ്​​ ഷിപ്പ്​ ചെയ്യുമെന്നാണ്​ ആപ്പിൾ പറയുന്നത്​. 80 ദശലക്ഷമായിരുന്നു ലക്ഷ്യമെങ്കിലും 2018 പകുതിയോടെ ആകെ 62 ദശലക്ഷം  ​െഎഫോൺ എക്​സ്​​ യൂണിറ്റുകൾ മാത്രമായിരിക്കും ആപിൾ വിപണിയിലെത്തിക്കുക. 

വരാനിരിക്കുന്ന മോഡലുകളെയും കുറഞ്ഞ വിലയിലുള്ള എക്​സി​​​െൻറ വിൽപന ബാധിക്കുമെന്നാണ്​ കണക്ക്​ കൂട്ടൽ. അവയുടെ ബ്രാൻറ്​ വാല്യൂവിനും കോട്ടം തട്ടാൻ സാധ്യതയുണ്ട്​. ഇൗ വർഷം പ്രതീക്ഷയോടെ പുറത്തിറക്കാനിരിക്കുന്ന 6.1 ഇഞ്ച്​ എൽ.സി.ഡി ​െഎഫോണിനും പാരയാവാനുള്ള സാധ്യത കണക്കിലെടുത്താണ്​ ആപ്പിൾ ഇടംവലം നോക്കാതെയുള്ള തീരുമാനം എടുത്തതെന്നും പറയ​പ്പെടുന്നു.

ചൈനയിൽ ഫോണിന്​ പ്രതീക്ഷിച്ച വിൽപന ലഭിക്കാത്തത്​ ആപിളിന്​ വലിയ തിരിച്ചടിയായിരുന്നു. ചൈനയിലെ പല ജനപ്രിയ ആപ്ലിക്കേഷനുകളും ​എക്​സി​​​െൻറ സ്​ക്രീൻ​ റേഷ്യോക്ക്​ അനുപാതികമായി പ്രവർത്തിക്കാത്തതും എക്​സ്​ വാങ്ങുന്നതിൽ നിന്നും ചൈനക്കാരെ പിറകോട്ടടിച്ചതായാണ്​ റിപ്പോർട്ട്​.

Show Full Article
TAGS:iPhone X apple smart phone best smart phone technology news malayalam news 
News Summary - Apple may discontinue iphone x this year - technology
Next Story