​െഎഫോണുകൾ ആപ്പിൾ തന്നെ ഹാങ്ങാക്കുന്നു; കാരണമുണ്ട്​

ഹാങ്ങില്ലാതെ ഉപയോഗിക്കാം ! ആൻഡ്രോയ്​ഡ്​ ഫോണുകൾ ഉപയോഗിക്കുന്നവരോടുള്ള ആപ്പിൾ ആരാധകരുടെ വീരവാദങ്ങളിൽ ഒന്നായിരുന്നു അതി​​​െൻറ ​പ്രൊസസർ മഹിമ. എന്നാൽ പുതുതായി വരുന്ന വാർത്തകൾ ​ആപ്പിൾ ആരാധകരിൽ െഞട്ടലുണ്ടാക്കിയിരിക്കുകയാണ്​. 

കാരണം മറ്റൊന്നുമല്ല. ആപ്പിൾ ചില ​െഎഫോൺ മോഡലുകളുടെ പ്രൊസസർ വേഗത കുറക്കുന്നു. ​െഎഫോൺ പ്രൊസസറ​ുകളുടെ വേഗതയളക്കുന്ന ആപ്ലിക്കേഷൻ നിർമാതാക്കളായ പ്രൈമേറ്റ്​ ലാബ്​ അവരുടെ ബ്ലോഗിൽ​ ​െഎഫോൺ 6എസ്​, ​െഎഫോൺ 7 എന്നീ മോഡലുകളുടെ പ്രൊസസർ വേഗതയിൽ കുറവ്​ കണ്ടെത്തിയതായുള്ള ഡാറ്റ പോസ്​റ്റ്​ ചെയ്​തിരുന്നു​​.

ഇതിന്​ ആപ്പിളി​ന്​ പറയാൻ കാരണവും ഉണ്ട്​. പഴയ ബാറ്ററിയുള്ള മോഡലുകളിലാണത്രെ പ്രൊസസർ വേഗതയിൽ കുറവ്​ വരുന്നത്​. ലിഥിയം അയേൺ ബാറ്ററിയാണ്​ കുഴപ്പക്കാരൻ, കാലപ്പഴക്കം ചെല്ലു​േമ്പാഴും തുടർച്ചയായ ചാർജിങ്​ മൂലവും ഇത്തരം ബറ്ററികൾക്ക്​ ഫോൺ ആവശ്യപ്പെടുന്ന ഉൗർജ്ജം നൽകാൻ സാധിക്കാതെ വരും. ബാറ്ററി തണുത്താലും കുറഞ്ഞ ചാർജിലുള്ള ഉപയോഗവും പെട്ടന്നുള്ള ചാർജ്​ ചോർച്ചയിലേക്ക്​ നയിക്കും. സമീപ കാലത്ത്​ ചില ​െഎഫോൺ മോഡലുകൾ താ​െന ഷട്ട്​ഡൗൺ ആകുന്നുവെന്ന പരാതിക്കുള്ള മറുപടിയായി ​ആപ്പിൾ പറയുന്ന കാരണങ്ങളാണ്​ മുകളിൽ.

ഇങ്ങനെ ഫോൺ താനെ ഒാഫാകുന്നത്​ നിയന്ത്രിക്കാനായി കഴിഞ്ഞ വർഷം​ ​ആപ്പിൾ പുതിയ ഫീച്ചർ അവതരിപ്പിച്ചു. ​െഎഫോൺ 6, ​െഎഫോൺ 6എസ്​, ​െഎഫോൺ എസ്​ഇ എന്നീ മോഡലുകളിലാണ്​ പ്രൊസസർ വേഗത ചില ഘട്ടങ്ങളിൽ  നിയന്ത്രിക്കാനായുള്ള സംവിധാനം ഒരുക്കിയത്​​. പ്രൊസസർ  ആവിശ്യത്തിനുള്ള അമിത വൈദ്യുതോർജ്ജം നൽകാനാവാതെ ബാറ്ററികൾ പണിമുടക്കുന്നത്​ ഒഴിവാക്കാനായി ​െഎഫോൺ പ്രൊസസർ ഒന്ന്​ ഇഴയും.

ഇൗ സംവിധാനം ​െഎഫോൺ 7 ലേക്ക്​ കൂടി ആപ്പിൾ വ്യാപിപ്പിച്ചു. ​െഎ.​ഒ.എസ്​ 11.2 ലും ലഭ്യമാണ്​. വരാനിരിക്കുന്ന മോഡലുകളിൽ കൂടി ആപ്പിൾ സംവിധാനം ഉപയോഗപ്പെടുത്തും. 2016ലാണ്​ വ്യാപകമായി ​െഎ​േഫാൺ ഉപഭോക്​താക്കൾ ഫോൺ താനെ ഒാഫാകുന്നുവെന്ന പരാതിയുമായി വന്നത്​. ഇതിന്​ പരിഹാരമായി ഒരു സോഫ്​റ്റ്​വെയർ അപ്​ഡേറ്റ്​ നൽകിയെങ്കിലും ഫോണി​​​െൻറ വേഗത കുറയുന്നതിലേക്ക്​ അത്​ നയിച്ചു. 

ഇൗ പ്രശ്​നം പരിഹരിക്കാനായി കമ്പനി നി​ർദേശിച്ചത്​ പുതിയ ബാറ്ററി വാങ്ങാനായിരുന്നു. 5000 രൂപയോളമാകും ഒരു ​െഎഫോൺ ബാറ്ററിക്ക്​. ഇൻബ്യുൽട്ട്​ ആയതിനാൽ സർവീസ്​ സ​​െൻററിൽ പോയി തന്നെ മാറേണ്ടിയും വരും.