Begin typing your search above and press return to search.
exit_to_app
exit_to_app
ബാറ്ററി ഫുൾ ചാർജാവാൻ എട്ട്​ മിനിറ്റുകൾ മാത്രം; പുതിയ സാങ്കേതിക വിദ്യയുമായി ഷവോമി
cancel
Homechevron_rightTECHchevron_rightGadgetschevron_rightബാറ്ററി ഫുൾ ചാർജാവാൻ...

ബാറ്ററി ഫുൾ ചാർജാവാൻ എട്ട്​ മിനിറ്റുകൾ മാത്രം; പുതിയ സാങ്കേതിക വിദ്യയുമായി ഷവോമി

text_fields
bookmark_border

ഇൗ വർഷത്തി​െൻറ തുടക്കത്തിലായിരുന്നു മൊബൈൽ ചാർജിങ്ങിൽ വിപ്ലവം സൃഷ്​ടിച്ചേക്കാവുന്ന​ 'മി എയർ ചാർജ്​' സംവിധാനം ഷവോമി അവതരിപ്പിച്ചത്​. ചാർജർ കണക്​ടിവിറ്റിയുടെ ആവശ്യമില്ലാത്ത ട്രൂലി വയർ-ലെസ്​ ചാർജിങ്​ സാ​േങ്കതിക വിദ്യയായിരുന്നു അത്​. ഒരു റൂമിൽ മി എയർ ചാർജ്​ സംവിധാനമുണ്ടെങ്കിൽ നടന്നുകൊണ്ടും റൂമി​െൻറ ഇഷ്​ടമുള്ള ഭാഗത്ത്​ ഇരുന്നുകൊണ്ടുമൊക്കെ ഫോൺ ചാർജ്​ ചെയ്യാം എന്നതാണ്​ അതിൻറെ പ്രത്യേകത.

എന്നാൽ ലോകത്തിലെ ഏറ്റവും വേഗത്തില്‍ ചാര്‍ജിങ്​ നടക്കുന്ന മൊബൈല്‍ സാങ്കേതിക വിദ്യയാണ്​ ഇപ്പോൾ ഷവോമി പുതുതായി അവതരിപ്പിച്ചിരിക്കുന്നത്​. 'ഹൈപ്പര്‍ ചാര്‍ജ്' ഫാസ്​റ്റ്​-ചാർജിങ്​ ടെക്നോളജി' എന്ന്​ ഷവോമി വിളിക്കുന്ന പുതിയ സാങ്കേതിക വിദ്യയിലൂടെ 4000 എംഎഎച്ചുള്ള ബാറ്ററി വെറും എട്ട്​ മിനിറ്റുകൾ കൊണ്ട്​ ചാർജ്​ ചെയ്യാവുന്നതാണ്​. വയേർഡ്​ കണക്ഷനിലൂടെ 200W ഫാസ്റ്റ്​ ചാർജിങ്​ സംവിധാനം, വയർലെസ്​ ആയി 120W ഫാസ്റ്റ്​ ചാർജിങ്​ എന്നിവയാണ്​ 'ഹൈപ്പർ ചാർജ്​' സാങ്കേതിക വിദ്യയുടെ പ്രത്യേകത.

പുതിയ വയേർഡ്​ - വയർലെസ് ഫാസ്റ്റ് ചാർജിങ്​ സാങ്കേതികവിദ്യകൾ പ്രദർശിപ്പിക്കുന്നതിനായി ചൈനീസ് ഭീമൻ ഒരു ഒൗദ്യോഗിക വീഡിയോയും പുറത്തിറക്കിയിട്ടുണ്ട്​. പുതിയ 200W ഫാസ്റ്റ്​ ചാർജിങ്ങിലൂടെ 4000 എംഎഎച്ചുള്ള ബാറ്ററി 44 സെക്കൻറുകൾ കൊണ്ട്​ 10 ശതമാനം ചാർജായി. മൂന്ന്​ മിനിറ്റുകൾ കൊണ്ടാണ്​ 50 ശതമാനം ചാർജായത്​. ബാറ്ററി ഫുൾ ചാർജാവാനെടുത്തതാക​െട്ട എട്ട്​ മിനിറ്റുകളും. നിലവില്‍ ഏറ്റവും വേഗത്തിലുള്ള വയർ, വയര്‍ലെസ് ചാര്‍ജിങ്ങുകളുടെ​ റെക്കോഡുകള്‍ തങ്ങൾക്ക്​ സ്വന്തമാണെന്നും ഷവോമി അവകാശപ്പെടുന്നുണ്ട്​.

Show Full Article
TAGS:Xiaomi fast charging technology HyperCharge 200W Charging 
News Summary - Xiaomis New HyperCharge Charging Tech Fully Charges Your Phone in 8 Minutes
Next Story