Begin typing your search above and press return to search.
exit_to_app
exit_to_app
ഫേസ്​ബുക്കിനോട്​ മുട്ടാൻ പുതിയ സ്​മാർട്ട്​ ഗ്ലാസുമായി ഷവോമി; ഫോട്ടോയെടുക്കാം കോൾ ചെയ്യാം കൂടെ നാവിഗേഷനും
cancel
Homechevron_rightTECHchevron_rightGadgetschevron_rightഫേസ്​ബുക്കിനോട്​...

ഫേസ്​ബുക്കിനോട്​ മുട്ടാൻ പുതിയ സ്​മാർട്ട്​ ഗ്ലാസുമായി ഷവോമി; ഫോട്ടോയെടുക്കാം കോൾ ചെയ്യാം കൂടെ നാവിഗേഷനും

text_fields
bookmark_border

റേ-ബാനുമായി സഹകരിച്ച്​ ഫേസ്​ബുക്ക്​ കഴിഞ്ഞ ദിവസമായിരുന്നു അവരുടെ സ്മാർട്ട്​ ഗ്ലാസ്​ അവതരിപ്പിച്ചത്​. റേ-ബാൻ സ്​റ്റോറീസ്​ എന്ന്​ പേരിട്ട സ്മാർട്ട്​ ഗ്ലാസ്​ ടെക്​ ലോകത്ത്​ വലിയ ചർച്ചയാവുകയും ചെയ്​തിരുന്നു. എന്നാലിപ്പോൾ ചൈനീസ്​ കമ്പനിയായ ഷവോമിയും പുതിയ സ്മാർട്ട്​ ഗ്ലാസുമായി എത്തിയിരിക്കുകയാണ്​. കിടിലൻ ഫീച്ചറുകളാണ്​ ഷവോമി തങ്ങളുടെ ഗ്ലാസിൽ ഉൾകൊള്ളിച്ചിരിക്കുന്നത്​.


കോൾ ചെയ്യാനും ഫോട്ടോയെടുക്കാനും നാവിഗേഷനും സന്ദേശങ്ങളുടെ നോട്ടിഫിക്കേഷനുകൾ കാണാനുമൊക്കെ അനുവദിക്കുന്ന ഷവോമി സ്മാർട്ട്​ ഗ്ലാസിൽ റിയൽ-ടൈം ടെക്​സ്റ്റ്​​ ട്രാൻസിലേഷൻ സൗകര്യവുമുണ്ട്​. ഓഗ്മെൻറഡ് റിയാലിറ്റി (AR) ഉപയോഗിച്ചാണ്​ നാവിഗേഷൻ സംവിധാനത്തി​െൻറ പ്രവർത്തനം. 51 ഗ്രാമാണ്​ ഭാരം. മൈക്രോ എൽ.ഇ.ഡി ഇമേജിങ്​ ടെക്‌നോളജിയുള്ള സ്മാർട്ട് ഗ്ലാസ്​ കണ്ടാൽ സാധാരണ കൂളിങ്​​ ഗ്ലാസ് പോലെ തോന്നിക്കും.

ഉയർന്ന പിക്‌സൽ സാന്ദ്രതയുള്ളതും​ ഒതുക്കമുള്ള ഡിസ്‌പ്ലേയാക്കുന്നതും സ്‌ക്രീൻ സംയോജനം അനുവദിക്കുന്നതുമായ 0.13 ഇഞ്ച് വരുന്ന മൈക്രോ എൽ.ഇ.ഡി ഡിസ്‌പ്ലേയാണ് ഗ്ലാസിനുള്ളത്​. പുതിയ ഒപ്റ്റിക്കൽ വേവ് ഗൈഡ് സാങ്കേതികവിദ്യയിലൂടെ ഗ്ലാസ്​ ഉപയോഗിക്കുന്നവരുടെ കണ്ണുകൾക്ക് മുന്നിൽ സന്ദേശങ്ങളും അറിയിപ്പുകളും പ്രദർശിപ്പിക്കാൻ സാധിക്കുമെന്നും കമ്പനി വ്യക്​തമാക്കി. ടെക്​സ്റ്റുകളുടെ വിവർത്തനവും കണ്ണുകൾക്ക്​ മുന്നിൽ ദൃശ്യമാകും.


ധാന്യമണിയുടെ അത്രമാത്രം വലിപ്പമുള്ള ഡിസ്‌പ്ലേ ചിപ്പാണ്​ ഉപയോഗിച്ചിരിക്കുന്നതെന്നും വെളിച്ചം ബുദ്ധിമുട്ടുണ്ടാക്കാതെ കണ്ണിൽ പതിക്കുന്ന തരത്തിലാണ്​ ലെൻസി​െൻറ അകത്തെ പ്രതലം തയാറാക്കിയിരിക്കുന്നതെന്നും ഷവോമി അവകാശപ്പെടുന്നുണ്ട്​. സ്മാർട്ട് ഫോണിനൊപ്പം ഉപയോഗിക്കുന്ന ഒരു അനുബന്ധ ഉൽപ്പന്നമായല്ലാതെ, ആളുകൾ പ്രത്യേകമായി ഗ്ലാസ് സ്വീകരിക്കുമെന്നാണ്​ ഷവോമി പ്രതീക്ഷിക്കുന്നത്​. അതേസമയം, സ്​മാർട്ട്​ ഗ്ലാസി​െൻറ വിലയും മറ്റ്​ വിവരങ്ങളും കമ്പനി ഇപ്പോൾ പുറത്തുവിട്ടിട്ടില്ല.

Show Full Article
TAGS:Xiaomi Smart Glass Smart Glass Navigation 
News Summary - Xiaomi Smart Glass With Calling Photos and Navigation Features Unveiled
Next Story