ആപ്പിളിനെ വെല്ലാൻ ഷവോമി നോട്ട്ബുക്ക്​ എയർ

12:54 PM
31/12/2018
Xiaomi-Mi-Notebook-Air

ആപ്പിൾ മാക്ബുക്ക്​ എയറി​െൻറ പേരിനോട് നല്ല സാമ്യമുണ്ട് ഇൗ ലാപിന്. അവിചാരിതമായല്ല ഇൗ പേരിടലും രൂപ സമാനതയും. വിപണിയിൽ മുന്നേറാനുള്ള തന്ത്രത്തി​െൻറ ഭാഗമായി കരുതണം. ഷവോമി നോട്ട്ബുക്ക്​ എയറാണ് ആപ്പിൾ മാക്ബുക്ക്​ എയറിന് കാഴ്​ചയിൽ െവല്ലുവിളി ഉയർത്തുന്നത്. 
മുൻ മോഡലുകളുടെ അതേ രൂപമാണെങ്കിലും ചില്ലറ പരിഷ്കാരങ്ങൾക്ക് മുതിർന്നിട്ടുണ്ട്. സിൽവർ നിറം മാത്രമുള്ള ഇതിന് ചൈനയിൽ ഏകദേശം 40,500 രൂപയാണ് വില. ആപ്പിൾ മാക്ബുക്ക്​ എയർ 13 ഇഞ്ചിന് 84,900 രൂപ മുതലാണ് ഇന്ത്യയിൽ വില. 

ഇൗ വിലവ്യത്യാസത്തിൽ പിടിച്ചുകയറുകയാകും ഷവോമിയുടെ ലക്ഷ്യം. 4ജി കണക്​ടിവിറ്റിയാണ് പ്രധാന ആകർഷണം. അലൂമിനിയം ശരീരം, 1920x1080 പിക്​സൽ ഫുൾ എച്ച്.ഡി ​െറസലൂഷനുള്ള 12.5 ഇഞ്ച് ഡിസ്പ്ലേ, 170 ഡിഗ്രി വ്യൂവിങ് ആംഗ്​ൾ, 330 നിറ്റ്സ് ബ്രൈറ്റ്നസ്, 600: 1 കോൺട്രാസ്​റ്റ്​ അനുപാതം, 16: 9 വൈഡ് സ്ക്രീൻ, വിൻഡോസ് ഹോം ഒ.എസ്, ഏഴാംതലമുറ ഇൻറൽ കോർ െഎ5 7Y54 പ്രോസസർ, ഇൻറൽ എച്ച്.ഡി ഗ്രാഫിക്സ് 615, നാല് ജി.ബി റാം, 256 ജി.ബി സോളിഡ് സ്​റ്റേറ്റ് ഡ്രൈവ്, എച്ച്.ഡി പിന്തുണയുള്ള ഒരു മെഗാപിക്സൽ വെബ് ക്യാം, അതിവേഗ ചാർജിങ്ങുള്ള ഏഴര മണിക്കൂർ നിൽക്കുന്ന ബാറ്ററി, 1.07 കിലോ ഭാരം, ബാക്​ലിറ്റ് കീബോർഡ്, ഗ്ലാസ് ട്രാക്ക്പാഡ്, യു.എസ്ബി ടൈപ്പ് സി പോർട്ട്, യു.എസ്ബി 3.0 പോർട്ട്, എച്ച്ഡി.എം.െഎ, 3.5 എം.എം ഇയർ​േഫാൺ ജാക്, ബ്ലൂടൂത്ത് 4.1, വൈ ഫൈ എന്നിവയാണ് പ്രത്യേകതകൾ. 

ആപ്പിൾ മാക്ബുക്ക്​ എയറിൽ 13.3 ഇഞ്ച് 1440x900 പിക്സൽ റസലൂഷനുള്ള എൽ.ഇ.ഡി ബാക്​ലിറ്റ് വൈഡ് സ്ക്രീൻ, 1.35 കിലോ ഭാരം, 128 ജി.ബി സോളിഡ് സ്​റ്റേറ്റ് ഡ്രൈവ്, എട്ട് ജി.ബി റാം, ഇൻറൽ കോർ െഎ5 പ്രോസസർ, ഇൻറൽ എച്ച്.ഡി ഗ്രാഫിക്​സ്​ 6000, രണ്ട് യു.എസ്ബി 3.0 പോർട്ടുകൾ, ൈവ ഫൈ, ബ്ലൂടൂത്ത് 4.0, തണ്ടർബോൾട്ട് 2 പോർട്ട്, മൾട്ടി ടച്ച് ട്രാക്ക്പാഡ്, പൂർണ ബാക്​ലിറ്റ് കീബോർഡ്, 720 പി ഫേസ്ടൈം എച്ച്.ഡി കാമറ, 12 മണിക്കൂർ നിൽക്കുന്ന ബാറ്ററി എന്നിവയാണുള്ളത്.

Loading...
COMMENTS